愛在香港，食在英國: 第十章

屌，喱幾日迷上咗隻單機game唔記得update添
星期五晚，加速加碼 

第日星期一返學，尋日搞到咁攰仲要早起身，我個樣仲衰過等陣畀人打靶
集完隊上課室果陣肥狼問我：「屌你尋日搞咩黎，成日都唔打機」
我：「咪提，尋日做狗黎，成日周圍行，好撚夜先返到屋企」
「同邊個 」
「同你老母」
肥狼八撚卦死lur爛lur，最後上堂果陣我同佢講尋日同咗Jenny出去





肥狼：「嘩勁野喎?仔，畀你溝到條女」
我：「你同你老母出街係咪等於溝咗你老母」
肥狼：「你唔認就算喇，唔逼你」
我：「」

返學啲日子真係過得好快，果陣日日都差唔多，每日返學食飯放學，周不時就去開社啲會，間中Jenny都有搵我出去行行，唔係就留喺屋企打機，冇乜特別。不如直飛到十二月，我諗多野講啲。

十二月最過癮梗係聖誕，以往聖誕最尾一日，學校都畀學生搞吓自己班啲聖誕聚會，食下野交換禮物玩集體遊戲咁
不過果年同以前唔同少少，學校唔知係咪因為換咗高層，校園氣氛輕鬆啲，畀學生聖誕果日著便服返去。
嘩屌你，對於年少氣盛嘅後生仔女黎講，便服日喎，男嘅有咁型著咁型，女嘅有咁靚著咁靚。




不過我都唔算講究，比平時出街好少少，純色裇衫牛仔褲加對clarks，外面加件有帽嘅褸。

返到去永世都要集隊先上去，咁撚凍好心就畀學生直接入課室算啦
有帶野食果啲就放咗上課室再落返去，值一打膠
不過果日成校啲學生都幾high，始終係聖誕加（首個？）便服日。

我行返去我班果度，
肥狼：「喂屌你型棍子喎，Jenny見到實暈浪」
我：「好心你，咪撚成日話我同佢有野好冇，聖誕節都要屌鳩你就無謂」





之後又係同其他同班同學鳩吹等上去，傾果啲話題都係「嘩你著得好靚喎」、「咦阿邊個邊個型咗咁多嘅」

上到課室頭一個鐘都係全部學生幫手執枱，將課室啲食物飲品擺好晒，再排埋凳，搞掂個八卦陣先開波食野。