我搭咗架去地獄嘅列車: 第三十章—《宋帝王的秘密 下》
「冇錯，我諗你冇耐就會記得你自己係邊個架啦！」寶妮句話令我有點驚訝，到底她在說些什麼？難道宋帝王和我們一樣是被人強行拉到地獄？
「妮，頭先果招到底係咩黎？」我問道。
「頭先果下係閻王用黎懲罰亡者嘅時候用嘅—闇.焱.殺，閻王會迫到佢地去巔峰，然後呢招就會勾起佢地前世所有唔美好嘅回憶，令佢地痛不欲生。呢招只會係對手的情緒係極度憤怒之下先會有效！」寶妮竟然會懂得用閻王的招式，而且完全不受宋帝王的招式所影響，她的實力比我和賢根本就是不同層次，甚至比宋帝王他們還要厲害。
「但宋帝王唔係亡者，佢係神，咁佢會......？」賢也入我們的討論。珍妮解釋如果對象是神的話，他就會記起在成為神之前的記憶，通常在生前做了壞事才會成為神，而且他會變回成為神前的樣貌。
「點解做咗壞事先會成為神呢？唔係好事先可以做到神咩？」我繼續發問下去。
「因為做咗神就好難轉世投胎，就算比你有幾強大嘅力量都好，但你永遠都要留係呢個地獄，比你都唔肯啦！」寶妮說完後，就走到宋帝王的身邊。
寶妮對宋帝王碎碎念了一會，突然宋帝王的表情突然變得很痛苦，跟賢賞初「惡」離開他的身體一樣。不過，他的痛苦程度該比賢當時還要強，他開始在地上翻滾，而且不停在撕叫。
「呀！到底......到底我係邊個？！」看來宋帝王的記開始慢慢地從他腦海中浮現出來，他的真面目很快會呈現在我們的眼前。
宋帝王的純白衣服開始慢慢消失，變成普通的恤衫，其標誌性的銀白色頭髮也變回普通的黑色，面上還多了副眼鏡。不過，這都不是令我驚訝的部分，最令我驚奇的是宋帝王的真身原來就是我的好朋友—余楠。
「楠！」我上前扶起他，現在的他儘管他還擁有宋帝王的力量，他也不會攻擊我。楠似乎還未搞清楚現在的情況。他一臉茫然看著我，我和賢向他解釋了很久，他才有少許相信現在的情況。
「你地敍完舊啦嘛，你地諗點懲處佢？」寶妮面無表情地走過來，看來他並不太喜歡楠。我和賢商量了一會，決定要帶楠繼續我們的旅程。是寶妮一聽到我們的話後，突然大怒起來，說：「你兩個係咪痴咗線，頭先我地差啲被佢殺死！你同我講佢一齊行！我建議殺咗佢，一了百了。」
「黃寶妮！你講乜嘢呀！佢係我朋友，雖然你救咗我地，但係都唔好去到咁盡呀！佢話曬都係你師兄！點解你咁憎佢？！」由一開始寶妮救我開始，我就覺得寶妮好像處處想致楠於死地，不停挑釁他，令我們將五官王打至重傷。
「余楠，你記唔記得四年前對我做啲咩？」寶妮指著楠說。
「我......」楠欲言又止。
四年前
「曦？冇事呀嘛？」楠似乎看穿我在想些什麼。
「我冇咩事，失戀姐。」我口說著沒關係，但眼淚卻不不覺地流下來。畢竟她也是我的初戀，我對她的感情比楠所想的還要深。我不像楠這麼決絕，可以忘記就忘記，可能是因為我跟他剛好是對方的相反，一凹一凸就令到我們成為好朋友。
「佢呢啲咁嘅囡，唔值得你為咗佢咁傷心！」
「但真係好中意佢...... 」
「夠啦！包承曦！你已經為咗佢會傷心咗好耐，你係男人黎架，唔好為咗條囡搞到自己咁。」楠開始為了我的懦弱而發脾氣，甚至說了很多難聽的說話。
地獄列車內
我知道楠當時的話只是想我放棄寶妮，但我沒想到寶妮竟然會聽到我們的對話。
「余楠，你應該估唔到我會聽到，果時我已經身處係地獄度。就算我有幾唔岩，都係我同曦嘅事，幾時輪到你插嘴。所以我就用盡我大部分力量，就係為咗拉你落黎，令到成為宋帝王。」原來一切都是寶妮的計劃，拉余楠到地獄，再令他記起之前的事。
楠聽到這裡開始崩潰起來，他萬萬也沒想到自己竟然被一個十多歲的女孩玩弄於她的手中。
「寶妮！過咗去嘅事就算啦，我地依家係度都唔係辦法，我地要離開呢度！」我嘗試轉移話題，希望妮可以暫時不討論這件事。
「離開呢度？好呀！交比你啦，宋帝王。」寶妮不屑地笑著說。