我的援交師姐: 故事後的四章「花絮」。。(4) 「高手」
屌，要我自白一篇咁既撚嘢，我仲使繼續扮「高手」既？！
首先，大家唔好誤會，「高手」呢個名詞，並唔係我喺故事既名，亦唔係我網上既「稱號」，而只係喺「米仔」心目中既一個「高手形像」代稱。。( 就好似漫画裏頭，「風雲」中既「無名」，佢，本身係有原名既，但退隱江湖後，就成為無名無姓既「無名」一樣 )。
所以，「高手」，完全只係米仔心目中，佢對我既形像稱呼。。我，根本並唔係乜嘢高手。。頂其量，我只係廿年後既「米仔」，我只係一個普通人，一個男人。。表面正經，內裏咸濕既男人。
而喺網上故事裏頭，我仲係表面同內裏都咸濕添。故事裏頭，我有一個所謂强項。。「女人」。 非常之諷刺既就係，「女人」，其實亦係我既弱點。
曾經有—個『高手』同我講，「你喺邊度跌倒，就要喺邊度起番身，先至能夠突破自己， 克服到你自己既失敗。。『失敗乃成功之母』句說話，才能夠成意思， 運用出來。」
我好幸運，能夠喺我「成長期」時，遇到嗰一位『高手』，叫我撞板時，能夠減少重複地撞同一塊板。。
而家，輪到自己被人稱為「高手」，真係有啲感慨。。「高手」背後既歲月。。一代新人成舊人，眨眼已是「那些年」。
~ 完 ~