我的援交師姐: (5) 再遇「小芒果」
。。「大鑊」，就係我去超市入貨全程既心情，特别第一次去到呢頭「人生路不熟」，雖然，間間「仆街」都係差不多。。最後，我認為買哂其它嘢先，好過推住包「M巾」通處走。
男人最唔想面對既一刻，就喺第九行，中間，左邊。。我望向一包又—包，一包又一包，成座山既「M巾」，真係頭都暈埋。。當然，永遠唔會係面前嗰包就係咁簡單。無錯，喺「山頂」，最高嗰啲。。仲要搭起三層咁高？到底佢哋佢打算賣既，還是擺喺度畀人睇既？連我咁高，都要打籃球咁跳跳吓去撩一包落嚟。
Fuck ！！一撩就跌七八包，有人安咗「陷阱」裝鳩我？頂！好狼狽呀。。
有人話，「人最失落時，天使就會出現」。。
屌！我係狼狽呀！！唔係失落呀。。但，偏偏。。喺我最忙，最無心情，最瘀時。。已經埋藏喺心底，有一段時間，先能平息既一片心鏡上漣漪。。。此刻，正望住我。。
當我以最快手腳去執起地上兩三包M巾時，我一直渴望能夠再見，但，又始終無法，直到最後只好接受。。放棄既「小芒果」。。此刻，正望住我！！
Oh wow 。。頂！頂！頂！頂！頂！
有冇搞錯呀？！一見便叫我鍾情，一笑便叫我難以忘記既天使級「小芒果」，竟然呢個時候喺我面前出現？！太天意弄人喇！！
當然有原因啦，除咗命運既安排 ( 玩我 ) 。。佢仲著住件「仆街制服」。。哦 ~ 原來佢喺呢度返工㗎。。嘻，呢次佢仲走得甩？( 哈，講到好似食硬人咁，叻極咪成日嚟呢度買吓嘢，偷偷哋離遠望吓人，唔通會夠胆郁人咩？搞掂地下啲M巾先啦 )
「小芒果」:「等我幫你吖。」
喔？「小芒果」既語氣。。同表情。。咁。。咁 pro 既？連笑容。。( 上次喺「茶餐廳」畀我既笑容 ) 竟然，都冇既？唔通佢嬲咗我同彤姐去「爆房」？佢。。知道咗？佢。。押我醋？( 嘻 )
有冇搞錯呀？我曾經對佢朝思暮想。。佢竟然連對我一個友善「向顧客微笑」都唔畀個我？
我亦只好有禮貌咁回答：「好，唔該」。
估唔到我一直期待再次能遇上既「小芒果」。。花前月下式重逢邂逅呢？
就咁。。咋？咁就發生咗？？。。唔浪漫，唔温馨，完全唔 cool 呀！！頂！！
我勉强咁，出盡九牛二虎之力，講多一句，希望能改變我下半生幸福既說話。。
「Hi ，我哋。。好似見過㗎。」( 唓，連自己都諗「見過大撚哂咩？下次夠可以話今次見過咯」)
難怪，好似無乜牽引力啊，因為「小芒果」仍然只係平平一句，「係咩？」
死啦，點算好呢？唔通話「上次我以約炮型式，為用激將法，去刺激我朋友家姐幫我破處時，我。。喺嗰度撞過你，仲以為你就係嗰位「約炮」對象咩？」衰硬啦，頂。
唔係喎。。佢。。問緊番我一條問題喎。。
( 今次唔係老豆，或 Miss Lee 既格言浮入腦袋喇，講到溝女。。。當然係阿乜水啦。。「米仔，唔好淨係諗著除人條褲，揸人個波」。。「頂，我無呀」，「有冇都好，你遲早會有」( 呢點我無得抝，嘻)「。。要同啲女「球來球往」，搓吓滴滴仔咁，句來句往，有問有答，答後反問咁，遁環不息，keep 住啲水係咁流，望實佢對眼，唔準睇佢對波。。上到床時，大把波有得你玩，到嗰陣時，你玩得越耐佢就越開心。。但溝緊傾偈時，就千萬唔好諗咸嘢，明未？」 ，「未。」，「屌，嘥鳩我氣。」)
但，「實戰」當前，都要試吓喇，「係呀，你好熟面口，不過一時間又醒唔起邊度見過。。你叫乜名呀？或者你個名會引起啲印像都未定。」
嗱嗱嗱嗱，無錯，係講咗大話，但大家可以 諒解嘅，係唔係？嘻，再來招答後反問，套佢個名，掂呀！( 自己都出奇咗有咁既表現 )
程。咬。金。。？( 呢個當然唔係「小芒果」個名。)
屌。娜。瑪。。( 呢個都唔係名，係句我想對個「程咬金」講既粗口 。)
有一個撚屌阿叔，以為著件恤衫打條呔，就可以阻止我同我既「天使」搭訕？
「Margo ，你同我入一入我 office 吖。」
( 之後條友同身邊另一個員工講，「幫手執番啲嘢」)
「小芒果」答：「哦，係，經理。」
原來真係可以。。。唉 ~
我好唔捨得，停哂手，目送。。Margo (?) 跟住條粉腸走。。
突然間，我感到一股落莫，好似畀人「棒打鴛鴦」咁。。定還係我無法去面對一場「 失而復得」之後既「 得而復失」呢？
兩分鐘之內既高潮起跌。。仲快過打飛機呀！！
當我仍喺「夢」中呆住時。。
「喂，哥哥仔， 你攬住嗰兩包姨媽巾係唔係買㗎？我要擺番好佢呀？」
我心諗，「我買唔買關你差事咩？彈開啦，我仲要影相呀，頂。」。。咦？咪住，呢個肥妹仔係「小芒果」既同事，唔可以得罪。
「買㗎買㗎，唔該哂你幫忙，唔該哂。」
送走個肥妹。。做嘢，影！！
當我以為清哂場，用手機影啲「M巾」時。。
「 螳螂捕蟬，黃雀在後」！！
死肥妹居然喺行尾度影我喎？！！
頂！希望佢唔好 post 我上網啦。