星空下的約定（HEHE): 第一章 插班生婷婷

序章
.
喺好耐好耐以前有一個香港男仔佢英俊瀟灑，玉樹臨風，風流倜儻。
咳咳⋯⋯都話明現代咯。妖～～
無錯啊﹐佢只不過係一個普普通通嘅中學男仔﹐最多都只能稱得上係有小小可愛、小小聰明、小小天真、小小⋯⋯咳！！ (Ps:夠喇你) 好囉囉囉～～～
喺一個人人都渴望拍拖嘅年代﹐男主角當然都唔例外啦！但佢有一個秘密⋯⋯佢係鐘意男仔㗎﹐但呢一樣野唔可以同人講。因為？ 你知㗎(*¯︶¯*)
———————-—-我斬—————————
死屍班班房
.
喂！羅家傑醒啊！！醒喇！！上堂喇﹐起身喇！




嗯⋯⋯當我開眼時﹐一個朦朧又熟悉嘅臉孔喺我眼中慢慢清晰起上嚟。佢叫林天浩﹐係我由中一識到而家嘅朋友﹐平時好有義氣㗎﹐但佢就成日口衰衰咁﹐係都要整到我嬲嬲哋先收手。
.
浩：你睇下你吖﹐瞓到成隻豬噉
.
我：你先係豬！全家都係豬！
.
浩：你仲話自己唔係豬？你睇下你流到成下巴都係口水
.
我：係咩！？
我下意識地摸咗下⋯乾嘅？




.
浩：噗⋯我唔得喇﹐真係好蠢啊！笑死我喇🤣
.
我：林！天！浩！😡 ⋯⋯
無錯喇﹐呢個就係我同佢嘅日常對話喇。咩啊？好sweet？？ 錯曬喇！我嘅男主角大大點會咁快出嚟啫~佢要米八啦、六舊腹肌啦、陽光、開朗 、仲要⋯⋯ 嘿嘿嘿⋯
總之呢就唔會係佢囉﹐識左咁耐﹐要鐘意一早鐘意左啦﹐不過作為朋友都唔差嘅。
.
浩：喂！做咩又傻左啊？上體育堂喇！快啲落去換衫啦
.
我：冇啊諗野啫⋯ 好啦，行啦




.
體育堂？都話明體育堂啦﹐梗係要睇育啦！話說呢我鐘意嘅人都喺呢度。🙈每次啊~ 我都偷望佢兩眼㗎。佢呢﹐就叫白俊兒﹐我同佢都幾熟㗎。雖然佢達唔到我要求﹐但佢好香㗎﹐企埋去同佢講野都會聞到。而且佢都有做開運動，感覺同佢一齊好有安全感。😝 不過算啦，冇人會鐘意我㗎喇～不過可以用朋友身份同佢一齊讀書﹐日日都見到佢都唔差吖
.
浩：次次換衫你都要慢吞吞㗎喎！係咪又肥咗著唔落件衫啊？
.
我：你夠次次都食咗屎先講野啦！柏兒我地走﹐唔好理佢😒
.
(俊兒摸咗我個肚一下)
兒：唔係吖！你哋兩個都係講事實啫🤔
.
(我俾咗個眼色浩)
我：浩啊~ 聽講呢 有人好驚痕㗎喎
.
(佢俾返個眼色我)
浩：係喎～😏 殺啊！！




.
兒：拿拿拿！走啊唔好過嚟啊！走～～開～～啊~！
.
當日我哋伴隨着爽朗嘅笑聲正式開始新一年嘅生涯。
———————我係邪惡既分割線—————
（喂喂 ！聽講我地班會黎一個女仔 仲要好靚女喎 ）班上謠言四起
.
浩：超！上次咪咁講 點知黎左個重量級！
.
傑：你把口真係用屎水𠺘過嫁喎！
.
兒：講咁多做咩 睇左先講啦～
.
係呢個時候班主任行左入黎 ：靜啲啊～～！！！😡 （...靜....） 宜家呢我地班黎左個新同學，她叫何婷婷，大家用熱烈嘅掌聲歡迎她黎啦。





By 再睡一夏