橫世間: 第一章 無死到

唔知過咗幾長時間，我終於醒咗，起湖邊，被水浸住同太陽曬住，所以都唔覺得凍。但長期被水浸住又唔舒服，跟住我出盡力爬返上岸。

「嘩！好痛！」不過既然覺得痛，就應該無死到。因為我記得唔知邊本小說話人死咗就無知覺，唔會覺得痛。所以，信住先啦！當住自己無死到先。屌！好肚餓，我又起背囊到攞出條濕水麵包來啃，直到成條食埋為止。食完嘢，跟住就諗點樣保命，緊係打999求救啦！「屌！開唔到機，死人SONY，又話防水，防你老母啊！」 

「即係要自己行出去啦！仆街！我鬼識啊！」

 望下就圍環境，幾條小溪加一望無際的大海景，背靠青翠碧綠的小森林同條狀的岩石層，係幾靚嘅，但點走呢？麻煩麻煩！

無辦法之下，我惟有飲啖水冷靜下，點知，水樽無曬水，不過，never mind啦！水庫大把水又唔洗交水費，正！裝咗一大樽。點知一飲，發覺係伏，鹹嘅，乜料？我偏唔信邪，去湖邊飲多啖，噴出來，又係鹹嘅！唔通我唔係碌咗落萬宜水庫咩？





點飲啊！望住咁多水，等渴死，係乜野滋味？不過，好彩，我有睇學是學非，又有水樽又有膠袋又執到石頭，真係天無絕人之路，我起度慢慢製水。但係中午的太陽特別勁，我頂唔順，飲住先，但又係唔夠飲，原來到頭來又係中伏，又係起度等渴死！ 都無都唔算！惟有去湖到捉條魚，但又太難捉，而我又唔夠膽去深水個邊捉。無計，咁去小溪捉囉！等咗一段時間，終於被我搵到魚了，一嘢撲落去，捉唔到，再撲多幾次，都係捉唔到，條魚仲要消失埋。仲飲咗幾啖水。 

正！無咁鹹，飲得落，不過都唔係幾爽！

跟住我帶埋我曬乾咗的物資沿著小溪走。好似柳宗元咁，約二百步，我俯身試水。 

爽！清甜可口，仲正過屋企D水喉水，不過就唔知有無寄生蟲。都唔理得咁多，生存到先算！之後我學D原始人咁攞支樹枝起石頭到磨尖佢，但磨到天黑，仲未磨得尖。 

「仆你個街！」我企起身，將支樹枝拖住石地咁行，不知不覺間，起我搵到塊空地瞓的時候，已有一邊被磨尖了。勁！我太勁了！累了，瞓先！ 瞓到半夜，發覺身後有噪音，眯著眼轉身，有兩隻反光的不明物體凌空飄過來。我拾起了磨尖了的樹枝，對著那不明物體，越來越近了。屌！係熊！有我一半的高度，我轉身就跑，佢倒唔客氣，一嘢撲過來，直立都有同我差唔多的高度。我一路把尖木對著佢一路轉身逃走。 





「啪！」佢自己一嘢將自己插起我支尖木上面，仲壓斷埋。我就繼續跑，佢就倒地抽搐咗幾下就不動了！真係醒過加零一，自己插落來，送比我食，個天真係對我不薄。跟住起背囊搵到上次同班契弟燒烤用剩的火機，起周圍執咗一大堆乾木燒起來。攞尖木不斷磨開熊的皮肉串起來燒。以熊的大小來說，這隻蠢熊都算是肉嫩，唔知係餓得太勁定真係好食，我食得好滋味。食得唔好嘥！我將佢其他的肉都磨落來，烤熟之後就放入袋帶走。