[HiHi喇] 好地地落街食枝煙, 點知.......: (18)

一聽見聲響, 我立即將凱琳推開。

只見翠思站在Coffee Shop的門前，冷冷地目睹這一切。

我這才醒起，現在正正是凱琳原本約定的集合時間。

「哈哈,」凱琳走過去拉起翠思的手，害羞道：「俾妳見到添。」

「無所謂，」 翠思目無表情道: 「我一啲都唔覺得意外。」





「Tracy, 」我有口難言道:「妳聽我講....」

正當我想解釋下去的時候，我的右臉驀地中了一拳!

我登時頭暈眼花地摔在地上。

當我抬起頭的時候, 第一眼便看見家強青筋暴現的拳頭。

「仆你個街!」 家強氣得臉容扭曲, 「我當你係兄弟，你咁對我？! 」 





我從沒看過家強如此憤怒，一時間竟不知如何反應。

「你做乜打我男朋友呀! 」凱琳大聲叫道。

「男朋友?!」家強斜視著我，「乜發展得咁撚快呀! 」

說罷，他便毫不留情地往我身上狂踢，完全不理自己腳上有傷。

「你係咪癲左呀! 」凱琳衝過來擋在我的前面，「佢係你個friend來家!」





「Friend? 」家強不齒道：「Friend會趁你唔喺度既時候撬你牆腳既咩?!」

凱琳疑惑道:「你講咩呀? 」

家強指著我喝道：「妳自己問佢啦! 」  。

「我....我....」

不知是否被家強踢中氣門，我竟說不出一句話來。

「我我我咩呀，你食撚屎啦!」家強又重重地踹了我一腳，「明明講好左我追Helen, 你追Tracy。點呀? 依家想起雙飛呀?」

「喂!」凱琳喝止家強道:「你咪趁人地講唔到野就亂嗡啦!」

「我亂嗡？」家強指著翠思道:「不如妳聽下當事人講咩先啦。」





凱琳隨即望向翠思問道：「佢講既野係咪真家....」。

翠思低著頭，沒有回應。

「妳老實同我講,」凱琳一步一步地走向翠思,「呀豪係咪同時追緊妳?」

「Helen.....」翠思顯得很疲累，「不如我地走啦......」 

「妳答左我先。」

「我好攰, 好想走....」

「走咩呀!!! 」凱琳失去理智地狂搖著翠思的膊頭，「我問緊妳呀豪係咪一腳踏兩船呀!!!」





翠思神色哀傷地別過頭，等同於默認。

「無可能家.....」 凱琳臉如死灰地垂下了雙手。 

「呀豪?」家強突然問凱琳:「妳頭先話佢個名叫呀豪?」

凱琳點了點頭，樣子就像一隻受驚了的小鳥。

「豪佢老母!」家強仰天打了個哈哈，「條仆街個名叫呀輝呀! 」

「你收聲.....」凱琳開始站立不穩。

「Helen 妳醒下啦! 」家強咄咄逼人道:「係條仆街就連自己個真名都唔話妳聽呀! 枉妳咁信佢! 」

「我叫你收聲呀!!!!!」





凱琳狠狠地給了家強一巴掌, 然後便掩著臉狂奔而去。

「唔好.....走......」我試圖出聲挽留凱琳。

但是我越心急，越喘不過氣來。

「做男人做到你咁，真係垃圾都不如! 」家強向我吐了一篤口水，便向著凱琳跑走的方向追去。