[HiHi喇] 好地地落街食枝煙, 點知.......: (12)

要說家強計劃中最好的那個部分，應該就是這間酒店了。

雖然我們訂的是雙人房，但房間寛敞得就算再多十個人入住也不成問題。

再加上室內奢華富麗的裝修以及冠冕堂皇的氣派，實在令人有一種置身皇宮的感覺

我換上酒店軟綿綿的拖鞋，打開了放置在電機視下面的雪櫃。

眾所周知，Mini bar的價錢出名貴得離譜。





但既然是家強埋單，我當然不用和他客氣。

更何況此刻的我，非常需要酒精來逃避思考。

我拿起一枝Vodka，直接灌進喉嚨。

「好酒!」我自個兒興奮。

餘興未盡，我接著又打開另一枝Baileys。





「正呀!」

兩枝酒的口感分別很大，但同樣好喝。

這使我不期然聯想到隔離房的兩位女孩。

如果說凱琳就像Baileys般溫純甜美，那麼翠思則有如Vodka般辛辣刺激。

兩枝酒各擅勝場，真不知如何割捨。





一想到她們就在牆的另一邊，我便覺得心癢難騷。

畢竟皇宮又怎能沒有皇妃？

正當綺念初起之際，門鈴卻響了起來。

叮噹

「唔係掛，個死仔咁快就輸清光?」我爬起身打開了門。

只見凱琳俏生生地站在門外。

她的頭髮濕漉漉的，全身散發著一股洗頭水的香氣。

「妳沖完涼啦?」我脫口問道。





「係呀。」 凱琳笑盈盈地看著我。

她身上穿著一件粉紅色的小背心，其貼身的程度就連她胸圍上的花紋輪廓也清晰可辨。

「你個friend呢?」凱琳問道。

我立即收回視線，道:「妳指家強? 佢去左賭錢未番來呀.....」

凱琳「哦」了一聲，便走進了我的房間。

雖知不妥，但我卻沒有阻止她。

「嘩! 你地間房個景靚好多喎。」凱琳站在落地玻璃前面不住讚嘆。





「係咩....」看著凱琳毫無贅肉的小蠻腰，我頓時感到舌乾舌燥。

「早知同你地換啦，隔離房既海景細好多呀。」凱琳扁了扁嘴。

「嗯....」聞著她的髮香，我的心跳不斷加速。

「呀豪，你做咩成頭大汗既?」

「係？」我的身體開始發熱。 「可能係飲左酒掛....」

「有酒飲咩? 」凱琳彎身察看雪櫃，露出了白色的小褲頭。

我最後一道理智的防線亦宣告崩潰。

「我頂唔順啦!」





正當我想從後熊抱凱琳的時候，大門傳來了熟悉的敲門聲。

咚！咚！咚！

「Tracy ? 」我情不自禁叫了出來。

翠思在門外應道：「係呀，開門啦!」

我吃了一驚，慌張道:「凱琳妳快啲哩埋啦!」

凱琳奇怪道:「點解既?」

「俾佢見到我地兩個喺間房，佢會亂諗野家!」





「會亂諗咩呀？我地又無做咩.....」

「信我啦，妳都唔想佢誤會我地家。」 

「究竟誤會咩呀？」

「誤會我唔係好男仔咯。」我一邊胡說，一邊將凱琳推入了廁所。

「得未呀!! 」翠思已由敲門變成了拍門。

「咩事呢？」 我稍微把房門開出了一條細縫。

誰知翠思竟一腳踢開了門，氣沖沖道:「做咩咁耐先開門呀?!」

「家強頭先無著褲呀嘛...」我故作鎮定道。

「咁佢依家人呢?」翠思到處張望。

「喺.....喺廁所囉.....」我不斷冒出冷汗。

「係? 」翠思一臉狐疑地走近了廁所。

女人的直覺果然很恐怖。

「妳咪開咯。」 我索性豁了出去:「唔好話我唔警告妳，佢啲屎出左名臭到仆街， 」

翠思即時退後了兩步，嘔心道: 「你講野可唔可以唔好咁核突呀。」

我沒時間和她閑聊，便直接道:「妳唔係叫我地唔好去妳地間房既咩? 妳依家又過來既？」

「車! 」翠思用手指篤了我的額頭一下。「我諗住沖涼果時唔見左Helen先過來睇下家喳，你諗左去邊呀。」

「Helen? 」我裝傻道：「唔見喎，係咪落左去賭錢呀?」

「唔會掛? 」翠思看起來真的有點擔心。

「妳不妨落去睇下先啦。」

「好啊。」翠思牽起了我的手。

「做咩呀?」我訝異道。

「一齊去咯。」翠思說得理所當然。

我頭皮發麻道:「咁妳返房等等我，我都想沖個涼先。」

「咁婆媽家，我都未沖啦。」

「咁妳都去沖囉。」

「都好喎。」 翠思嫵媚地向我單了一下眼。「 咁你想唔想去我房一齊沖?」

想不到她竟然會提出如此大膽的請求。

如不是狀況這麼尷尬，我肯定搶著答應，現在只好道:「唔好啦，晏啲如果凱琳返到來.....」

「玩你喳！」翠思又篤了我額頭一下。「我會咁益你咩!」

「哈...」我真不知道應該高興還是失望。

「死白痴仔。」翠思笑蓍走回自己的房間。

但當房門關上的時候，我彷彿聽見她發出了一聲嘆息。



「Tracy 佢走左啦。」我打開了廁所門。

「嘩! 」凱琳大聲尖叫。

我立即把門重新關上。

沒想到凱琳竟真的在上廁所。

沒多久，凱琳低著頭走了出來，尷尬道：「我頭先好急，又見你咁耐都未開門，所以...」

「哈哈，我唔好意思至真。」我乾笑了兩聲輕輕帶過。

「係呢，翠思來做咩呀?」凱琳問。

「哦，佢見妳唔見左，過來睇下妳係唔係度者。」

凱琳沒好氣道: 「行開一陣者，又會擔心成咁既。」 

「妳地既感情好好咁喎。」我問道。

「係呀。」凱琳露出安心的微笑。「自從我失戀之後，翠思成日都會擔心我做傻事。就好似今次旅行咁，佢都係驚我俾人蝦先跟埋來。」

聽凱琳這樣說，我甚麼慾火也熄滅了。

如果有鏡子的話，我相信自己此刻的笑容必定相當苦澀。

「咁妳快啲返房啦，翠思喺房度等緊妳。」

「嗯。」凱琳點了點頭。「咁我地聽朝早九點鐘喺樓下coffee shop度等啦。」

「九點咁早?!」

「見多啲唔好咩？」凱琳撒嬌道。

「好啦好啦。」我無奈答應。

「咁先乖家嘛。」

凱琳在我唇上輕輕一吻，便返回了自己的房間。

剩下我一個人站在空蕩的走廊，呆呆出神。