[深夜重口味] 黑色蒲公英: 搵其他女人滿足你

話說我衝動下強姦咗 Joyce，瞓醒唔見咗佢...

「老婆!」
寒意由心震出嚟，明明應承過 Rebecca 好好守護佢，點知親手傷害佢，可能再一次失去佢。
我跑出廳，見到 Joyce 企嚮大門口，馬上撲上去攬實佢。
「老婆，唔好走...」
「走咩? 我幫 Rebecca 閂門咋。」
「我驚你走，老婆。」
「曳果個係你，點解走果個係我?」
喔，又被 KO 了。


「對唔住...」
「入房先講，唔好畀工人聽到。」
我死命拖實佢，返入房一齊坐嚮床邊。
「仲痛唔痛? 我尋晚聽到你喊，對唔住，我話過唔畀你再喊，係我錯。」
「我喊唔只因為你粗魯，仲因為我盡唔到妻子嘅責任。」
「點解咁講?」
「老公，你仲係壯年，仲好有需要，不過我已經唔係以前嘅我，支持唔到以往嘅激烈玩意。」
「唔係架老婆，我冇需要架，我發誓會溫柔啲，慢啲...」
「結果咪變成咁囉。」
我無言以對，佢突然錫一啖我。


「老公，時間對每個人都公平，無論你幾愛我，就算我幾愛你，我地都改變唔到我地之間嘅差距。」
仲溫柔地掃我胸肌。
「你夾硬勉強自己只會令我更難堪，知道嗎?」
原來我一直我作聰明。
「不如咁，老公，試下搵其他女人滿足你啦。」
「吓? 唔得，我唔要分開。」
我將佢緊緊捉實。
「唔係分手，只係除咗我，你仲可以擁有其他女人。」
「我點可以背叛你?」
「係我叫你去，點算背叛呢?」


佢表情充滿痛苦與無奈，我聯想到當年 Rebecca 為咗成全我地，甘心放棄自己，當時心情應該都一樣。
我算係咩? 竟然要兩個女人為我忍辱負重，心裏異常難過。
「老公，我唔會干涉你，無論係邊過，做過咩都唔使向我交代。」
我知佢冇講大話，佢愈嚟愈似 Rebecca，完全信晒我，甘心做我嘅小女人。
下晝收到 Derek 個 whatsapp...
「Sorry Alan，我尋晚飲大咗，你可唔可以當咩都冇睇過?」
費事理佢，如果唔係佢打開 Pandora box，我點會咁慘?
之後我扮到冇事發生過，當然冇搵其他女人。
雖然我逃避誘惑，但誘惑卻送上門。
我要出席 Rebecca 嘅家長會。

<< 未完待續 >>