[深夜重口味] 黑色蒲公英: 阿邦，加油!

話說 Joyce 成個假期陪我溫書...

究竟係努力嘅回報? 定愛情嘅魔力?
我呢個成績一向中下游嘅波牛，中期試竟然全級考第六!
唔只我自己，全班同學同所有老師都嚇一跳。
當然有葡萄話我出貓，不過大家都知試題著重理解同分析，邊有得抄?
或者係長期訓練有數，Joyce 成日教我點樣分析問題，又要我留意細節，就算做愛都要時刻注意佢身體反應。
我嘅成績已經名列前矛，只差 Rebecca 小小。
而且唔只學業...
「Joyce，今個星期六我代表學校出賽喇!」


佢一入屋，鞋都未除，我即刻同佢講呢個好消息。
「呢次係正選唔係後備，我第一次代表學校咋!」
「恭喜晒喎，呢個都係你嘅目標?」
佢錫一啖我作鼓勵，我深情地懇求佢...
「到時可唔可以嚟睇我比賽?」
「幾時? 邊度?」
「好近你做瑜伽果度，下晝兩點開波。」
「好吖，到時我盡量嚟。」
我即刻攬住佢錫，佢主動除晒我地啲衫，雙手撐住大門抵受我從後猛烈進攻。
比賽當日，有隊友好快三犯被換出，我上場喇。


「阿邦，加油!」
Rebecca 由觀眾席大聲嗌落嚟，搞到我尷尷尬尬。
我地冇正式啦啦隊，一班同學自發到場打氣，不過都唔好剩係嗌我一個架?
Joyce 未到，我好心急畀佢睇到我嘅英姿。
打咗一陣，我嘅表現中規中矩，突然看台傳嚟騷動，我見到有位女士入咗場...
佢擁有超越女神嘅美貌，吹彈欲破嘅皮膚令所有美肌代言人不值一提。
一頭長髮活潑地垂落膊頭，白色風褸露出粉紅 bra top。
渾圓可愛嘅孖生寶貝驕傲地聳立，隨住步伐搖動，一時破繭而出，傾倒眾生，一時遮蔽隱藏，含羞偷望。
雪白小蠻腰雖然纖幼，但動人曲線襯托出一雙寶貝更大更豐滿。
神秘小肚臍之下貼住黑色瑜伽褲，高翹甜美嘅蜜桃引嚟雌虎妒忌，勾起雄獅獸慾。


高挑長腿示範何謂完美比例，結實緊緻嘅大髀連住修長優美嘅小腿，著住白色運動鞋以 model 舞步踏入觀眾席。
球場所有人，不分男女，全部神魂顛倒。
但我免疫，因為我認識佢。
我十分清楚佢，佢每晚同我翻雲覆雨，用身體磨練我嘅性技，用靈魂豐富我嘅見識，用熱情溶化我嘅心靈。
佢就係我最愛嘅女人，Joyce。

<< 未完待續 >>