[深夜重口味] 黑色蒲公英: 著嚟都係畀你除之嘛

話說我嚮學校 X'mas Ball 大受歡迎，好多女仔想埋身，不過我只要 Joyce...

由於 Joyce 公司個 X'mas party 要交換禮物，我陪佢買。
最近我地多咗拍拖去街，我本身比較高大，而 Joyce 外貌亦唔似二十幾，所以一齊行冇人睇得出姊弟戀，反而羨慕我有個咁靚嘅女朋友。
可惜呢個女朋友唔肯畀我拖，每當我想拖佢，佢總有方法避開。
明明我地已經有親密關係，點解唔肯公開?
怕人地笑劉生帶綠帽?
不過佢啲同事都照追佢啦，而且佢都話婚外情好普遍，咁怕咩被人知道我存在?
唔通仲有其他秘密?
我地行下行下去到女性內衣店。


佢嚮度揀，我幫下眼，幻想佢逐一著畀我睇。
不過為免其他顧客尷尬，我盡量只望住 Joyce。
「你真係體貼，好多男朋友都唔肯陪女朋友買內衣架。」
Sales 姐姐突然讚我，我飄飄然。
「咦? 原來結咗婚?」
佢望到 Joyce 手上隻介指。
「陪太太買更加小見。」
隻介指唔係我架! 我有啲酸溜溜。
「好啦，一於送呢套。」
佢拎住套非常性感嘅情趣內衣。


「吓? 原來係聖誕禮物? 我以為你買畀自己，人地實啱身架?」
「呢啲 free size，而且著嚟都係畀你地啲咸濕仔除之嘛。」
「但係送呢啲會唔會惹人誤會?」
「唓! 啲禮物撈亂嘅，邊個知我送? 而且以前都收過唔少成人用品啦。」
「咩成人用品?」
「吊帶絲襪啦，condom 啦，連自慰棒都有。」
「咁變態? 支野呢?」
「收埋咗，如果你曳就用嚟插你籮柚。」
「吓? 唔係嘛?」
「小姐，唔該我要兩套。」


「兩套咁多?」
「一套係公司 party 嘅禮物，另一套嚮平安夜私人 party 著。」
「私人 party? 冇聽過嘅?」
「佢地尋日先講。」
「邊個佢地? 追你果啲同事?」
「好聰明喎，係佢地。」
「冇理由，平安夜佢地唔使陪屋企人咩?」
「一個話失戀，另一個同老婆嗌交，我老公又唔嚮度，三個寂寞的心一齊開 party 解悶喎。」
「邊度開?」
「佢地 book 咗酒店房。」
你平安夜著情趣內衣去酒店幫兩個男人解悶?

<< 未完待續 >>