[深夜重口味] 黑色蒲公英: 你夠同我上床啦

話說我到 Joyce 公司樓下接佢放工，佢抱住三扎花出嚟...

「Joyce，點解咁多花嘅?」
「今日我生日。」
「原來你生日? 又唔早啲講?」
「畀個驚喜你。」
你生日但我驚喜?
「啲花邊個送?」
「有一扎係阿劉，另外兩扎係想追我嘅同事。」
「你有老公都追你?」


「你夠同我上床啦。」
又被佢秒殺!
「你幫我攞住呢兩扎先，我訂咗檯食飯。」
佢帶咗我去酒店嘅高級餐廳。
呢度情調係好好，不過啲野食就麻麻。
而且原來佢公司有人追佢，個心更乸住乸住。
Joyce 有時好夜返，會唔會其實同人去爆房?
不過係又點? 我又唔係佢老公，而且佢老公都唔介意佢同其他男人做，我又奈佢咩何?
「諗緊咩，Alan?」
「吓? 冇... 冇喔...」


「唔使呃我，你個樣出賣咗你。」
「我... 冇，我諗緊你係咪嚮上面 book 咗房啫。」
「咸濕仔，你屋企冇床咩?」
個心仲好唔安樂。
「Joyce，你話有兩個同事追緊你...」
「係三個，有一個冇送花。」
「三個咁多?」
不過佢人靚身材正，加上老公唔嚮度，多狂蜂浪蝶都唔出奇。
「佢地點追你?」
「原來你諗緊呢啲，佢地會獻殷勤囉，平時好關心我，當然有撩上床。」


「咁你有冇同佢地...」
佢不快地睥我。
「你覺得我有冇?」
「我... 我... 我想你冇!」
「我有時同佢地去下街，嚟下酒店...」
「酒店?」
我碌大雙眼。
「哈哈哈哈! 我地嚟酒店食飯咋，你真係可愛!」
「冇理由，星期六日你一係去瑜伽，一係陪我，冇見你出去。」
「佢地一係結咗婚，一係有女友，週末要交人。」
「有另一半都?」
「Alan，呢啲嚮成人世界好普通，到時你就明。」
我一定唔會好似佢地咁囉!
「Joyce，食完飯返屋企囉。」
我想盡快餵飽佢，唔畀佢諗其他男人。


「今日我生日，唔想咁快返，不如睇戲吖?」
去到戲院。
「吓? 港產片? 呢啲老番都冇人睇喎。」
「你又唔好睇小港產片，我六歲已經嚮大陸生活，如果冇港產片，你依家要同我講普通話喇。」
六歲?

<< 未完待續 >>