[深夜重口味] 黑色蒲公英: 下次再係咁唔放過你

話說我同 Joyce 做咗一日兩夜愛，仲同居起嚟...

「Alan，下次再係咁唔放過你。」
Joyce 嬲爆爆，一邊帶耳環一邊行出房。
「成日都係咁，著晒衫仲搞我。」
「你對黑絲真係好索嘛，叫人點忍?」
我跪低幫佢著高踭鞋，十足十古時啲公公服侍娘娘。
佢對住玄關大鏡作最後檢查，我起番身，從後攬住佢。
「今晚想食咩? 豆腐好唔好?」
「你食緊豆腐啦!」


因為我又磨緊佢個 pat pat。
「記得買 condom，唔係又好似上次咁要半夜落街買。」
「咁使唔使幫你買埋 M 巾? 你開咗最後一包喇。」
「買女人野唔尷尬咩?」
「只要係你嘅，我理得人點睇?」
「錫晒你，出門口喇。」
由於我經常嚮 Joyce 度過夜，索性搬埋過嚟一齊住，同居咗一段日子，大家已經適應對方生活方式。
佢同其他女人一樣，鍾意扮靚，買衫，煲劇，但有時會 OT 到好夜。
而我就如常返學放學，打波，打機。
有時佢夜咗返，我仲打緊機...


「Alan，食咗飯未?」
「轉頭食。」
「做完功課未?」
「轉頭做。」
佢返入房，換番尋晚著咗一陣就被我除落嚟嘅性感睡裙，坐嚮我身邊。
「新 game?」
「係，今日出。」
佢靜靜陪我打機，我偷望下佢，佢只係微笑，如果係媽咪，一早掹咗插蘇。
但坐坐下佢竟然瞌著咗，我於心不忍，自已熄機。
「Joyce，食野喇。」


「我煮碗水餃畀你好唔好?」
一邊食我一邊問佢功課，佢好細心教我。
人地話拍拖會荒廢學業，我話睇下同邊個啫，自從同 Joyce 一齊，我嘅成績進步咗好多。
另一方面，雖然佢話唔怕捉姦在床，我都係有啲顧忌，不過自從佢話劉生嚮大陸有幾個收購合併項目要搞，一年半載都唔返，我漸漸忘記佢，每晚攬住 Joyce，服侍佢，享用佢。
當我地除晒衫上床...
「Alan，你有冇西裝? 我想你下星期四嚟接我放工。」
「我冇西裝喎。」
「星期六陪你買，不過你冇西裝點去學校 X'mas Ball?」
「我一向唔參加架，又唔識跳舞，去嚟做乜?」
「我嘅男人點可以唔識跳舞? 跟我嚟。」
你嘅男人?
我被佢拖咗落床。

<< 未完待續 >>