[深夜重口味] 黑色蒲公英: 係咪仲有野想同我講?

話說我同 Joyce 嚮屋企門口熱吻，佢突然推開我返入屋...

雖然同 Joyce kiss 咗，不過我無遐回味.
Joyce 到底發生咩事?
佢點解喊? 點解錫我?
我成晚諗住，如果唔搞清楚，我冇辦法瞓得著。
但每次去到門口又走返轉頭，頭先我錫佢，佢拒絕我，再見面唔知講咩。 
思前想後，最後都係鼓起勇氣打開門，至少要向佢道歉，點知...
Joyce 同我同一時間打開門!
「劉... Joyce...」


我唔承認佢係劉太，佢係 Joyce!
「Joyce，頭先我衝動咗，sorry。」
佢雙眼同鼻尖已經回復本來嘅嬌艷，好似平時咁對我微笑。
「Alan，你係咪仲有野想同我講?」
係，好多問題。
「不如入嚟先講?」
入去? 會唔會...
「放心，佢唔嚮度。」
我冇出聲，但已經被佢睇穿了。
入咗屋，我坐嚮梳化，係上次陌生男人坐果個位。


果個男人有冇搞過 Joyce?
「Alan，紅酒啱唔啱?」
飲酒?
「係喎，唔記得你未成年。」
「我可以飲酒，我飲過好多酒。」
我係咪有啲幼稚?
Joyce 攞支紅酒同兩個杯過嚟坐低。
佢著住一件灰白色鬆身長袖 tee，領口開到好大，大半邊膊頭露晒出嚟。
下面係黑色熱褲，被鬆身 tee 遮住大部份，形成好似冇著褲咁，一對雪白長腿更加修長。
佢倒咗兩杯酒，我一口氣飲晒自己果杯。


「哈哈，Alan，紅酒唔係咁飲架。」
係喎，阿哥教過紅酒要抖下氣先，我又柒了。
「我習慣紅酒當啤酒飲。」
咁樣答，小學咩?
「Alan，你係真係可愛。」
Joyce 側側身，右手手肘挨住梳化背托住額頭，輕輕撥下秀髮，左手拎起杯酒浪下浪下。
佢雙腳繞起，我嘅視線不期然落嚮大髀盡頭，而血液亦開始集中嚮我嘅大髀盡頭。
可能佢認為好普通，不過我覺得呢個晝面充滿性意味。
「Joyce，你有咩唔開心可以同我講，唔好鬱埋鬱埋。」
佢望一望我，再望住杯酒。
「你頭先話受夠，係咪同劉生有關?」
「我頭先有咁講咩? 唔記得喇。」
果然佢唔想向我打開心扉。
「Alan，其實你係咪鍾意咗我?」



<< 未完，唔知幾時續 >>