[校園]到底點樣先至可以觸摸女神: 第十八章

副校長對住曉雪講
「林曉雪同學，校方最近注意到你同班上某男同學行得好埋，你家長同校方都希望你可以將專注放返係讀書上面，明白嗎？」

曉雪哦咗一聲就返入班房，即刻同子文講啱啱發生咩事

子文問係邊一位副校長，曉雪答係好多白頭髮果位

「白頭髮果位？佢個仔都係度讀㗎喎！」

佢個仔係子文間學校好出名的！




上至Form6，下至未入讀既Form1都識成佢，
佢係學校做總學長，成日都話要為間學校好，做埋曬啲傻仔野，有一日早會，無啦啦衝上台話，學校唔比著修身既校服，話會影響校風，全部都要記一個小過...總之就係勁on9啦！
「你係咪做咗啲咩事得罪咗佢地呀？」

曉雪諗咗一諗
「無可能，我都唔識佢地」

「唔通佢個仔睇上咗你？」
「到時升官發財，記得提攜小弟呀！」





曉雪打咗子文一下
「唔好玩啦！」

子文依句好似係度講笑，但係曉雪從子文既眼神睇得出，佢並唔係講笑
－－－－－－－－－－－－－
果日既夜晚係啲中一晚會，子文同曉雪都要返嚟幫手，編排人手果位同學，知道子文同曉雪有比較「深入既認識」，於是將曉雪編去後台組，啫係純粹去陪子文做野。


放學果陣時，子文同曉雪要去禮堂，睇啲F1既final practice





佢地兩個係後台，坐咗一陣，見仲未開始，子文就叫曉雪去台下睇下發生咩事

曉雪落到去，問其他人到底發生咗咩事
原來係個MC無返學，依家搵緊個新MC

八卦完之後，曉雪諗到返去後台
點知比一把聲叫住咗
「林曉雪，我想問你可唔可以做MC呀？」

曉雪拎轉頭，見到今朝子文講果位「白學長」
「下？我...唔係好識㗎喎...」
曉雪唔係唔識，更加係經驗豐富，佢係舊學校就係做MC，
但佢真係唔想同佢拍MC...

白學長見曉雪唔想應承，就加強攻勢，




佢捉住咗曉雪兩隻手，令曉雪好唔舒服

曉雪為咗拎佢快啲放開手，只好應承佢...

子文發覺曉雪去咗好耐都未返嚟，就wts曉雪
「愛妻去咗邊？」

曉雪睇到子文既message，即刻覆
「我比人捉咗去做MC呀🙄🙄」
「佢啱啱係咁捉住我隻手呀😣😣」

「咁我係咪捉你入locker，攪下你」
「你就會返嚟陪我㗎啦？」

「乖啦！晏啲同你一齊去食飯啦😭😭」





子文無覆，曉雪勁擔心子文堅係嬲！
上台果陣，曉雪偷偷地望下子文，
見到子文係度對住部電腦，唔知係度做咩，不過重點係子文無黑到面...

好彩啫...

曉雪見子文望住部電腦個樣好認真，真係好好奇佢做緊啲咩

子文坐panel位其實無咩野要做，都係較下大細聲，叫下人唔好拍咪，於是子文攞咗部電腦出嚟，打下program消磨下時間

子文十分之陶醉係program 之中，直至曉雪拍佢先知夠鐘食飯

子文除底耳機
「吓？食飯啦，等等我！」




－－－－－－－－－－－－－
子文問曉雪想食咩，
曉雪平時好少出去食，如果出去食都係食果啲高級餐廳，
於是將個決定權比返子文。
子文決定帶曉雪自己最鐘意既果間茶餐廳，
點解鐘意？除咗好食同平之外，重點係佢地採用暗色調既裝修，總之就係好好feel啦！

果度啲伙記同子文好熟
「文仔？今日帶埋女朋友嚟食呀？」

佢地坐咗坐咗係卡位，曉雪同子文大吐苦水
「果條友真係好煩呀...」

曉雪伸完一輪後，啲飯就到咗
「豬扒飯，涷檸茶！」





曉雪將頭髮撥去耳仔後面，攞起匙羹食咗一啖

坐係對面既子文，因為啲飯未到只好睇住佢食
「林學長，你小心掂到啲汁呀！」

曉雪唔明子文講咩
「咩掂到啲汁呀？」

然後，望下子文望緊啲咩，
子文原來望緊佢個胸...

「唔該曬提我喎...☺️」
曉雪表面上對子文笑緊，實際上係枱底下面，一腳踏落子文度！

「嘩！痛！」

伙記遞上子文個飯
「對女朋友好啲就唔會咁㗎啦！」

子文曉雪係度傾緊sfs
曉雪問
「做咩你唔去叫人shout out下你ig?」

「Useless!我覺得shout out只係得啲靚既人work！」
「根本你就唔會無端端去fol啲樣衰既人！」
「除非果條友好靚啦！」

講到依度，突然有個不速之客嚟咗
「Hello!我可唔可以坐底一齊食呀？」

Damn！白長峰...
－－－－－－－－－－－－－
話說我IG攪咗個Q&A!有野就問啦！
Instagram@giftedscholar_chiman
https://www.facebook.com/hoxton924/