[校園]到底點樣先至可以觸摸女神: 第十五章

子文今日放假，見佢地兩個都留咗係屋企幾日，決定帶佢地去大澳行下

曉雪一聽到子文要帶佢去玩，即刻去準備要帶既野，
始終今次唔只係兩個人去咁簡單

子文以前都無帶袋出街既習慣，
佢發現原來三個人出街係要帶好多野，

除咗要帶相機、GoPro、隨叉比曉雪之外，更加要帶水、
餅乾同衫比軒軒，成個袋都裝滿野...





曉雪同子文講，不如佢都帶個袋幫手拎啲，
子文一口拒絕咗
「嘢我拎，你負責睇小朋友就得啦！」

曉雪聽到即刻個心冧曬...甜甜咁講
「好啦...辛苦你啦☺️」

就係咁，三個人就係屋企出發去大澳！
－－－－－－－－－－－－－




搭咗兩個幾鐘頭車，終於到咗傳說中既大澳

曉雪發現，沿途啲人都以奇異既眼神望住佢地
「你有無發覺啲人係咁望住我地呀？」

「有...可能佢地未見過咁靚既媽咪啩」

曉雪拍咗子文一下
「唔係呀！我認真㗎！」





「咁我都覺得唔出奇呀！」

「你咁靚...又咁正....但係你個伴，即係我啦」
「個樣竟然咁頹喎...」

子文講咗一大堆廢話先入正題
「咁當然啦...啲人最好奇竟然係我地咁後生就做咗父母」
「咪係咁望囉」

曉雪一面疑惑
「我似會同你生咩...？」

「依家啲女人咁㗎咩？😥」
「好hurt囉...」





曉雪哄前同子文講
「你 好 想 同 我 生 咩 ？😊」
「無機會㗎啦你...」

子文一時口快講咗心底話
「咩無機會」
「你依家住我屋企...大把機會🤤」

死啦...講多咗添🤭

「原來係咁...」
「哼！我今日走呀！」

子文捉住曉雪隻手
「愛妻唔好走啦...😛」





佢地打鬧咗一陣之後，曉雪無端端叫子文拖住軒軒
然後，企係後面影底佢地兩個
打caption Po上story
「大細路 小細路」

子文睇完之後...
依家係咩意思呀？🙄
－－－－－－－－－－－－－
子文成個晏晝，都係度幫曉雪同軒軒影相
十足十成個工具人咁

「Hello!我想問你地可唔可以做我model,比我影張相呀？」

下？做model?





原來果個攝影師參加左啲比賽，佢覺得香港最靚嘅風景係人
但係今日係平日，無咩人行過...咁啱見到佢哋三個手拖手，覺得同個日落海邊景好襯，於是就問佢哋做唔做Model

三二一...卡嚓！

「我過返張相比你地啦！」

回程果陣時，曉雪係咁睇果張相...
唔知點解喺度傻笑

「你J夠張相未啫？」

「張相真係影到好靚呀...」





「Po上IG囉咁」

「好呀！😛」

一陣之後，子文見到有個通知
曉雪有個post tag咗佢

改變關係的契機

「咩係改變關係的契機？」

「你遲早會明㗎啦！」
「係喎，我聽日約咗班姊妹上嚟打麻雀喎」

「咁我留喺屋企咪好危險？」

「係呀！你聽晚要瞓街街啦...」
－－－－－－－－－－－－－
Instagram@giftedscholar_chiman
https://www.facebook.com/hoxton924/