來，一場書展殺人遊戲: 第五十七章

「既然你都知道呢一切一切，點解仲唔殺死你自己呢？」主持人倒是對我的行為十分好奇。

「因為我知道，只要我一死，我所有既回憶都會冇晒。」嗯，我捨不得放下我這生的記憶。

「哥……」小希卻言又止，雙眼通紅的望著我。

「小希，你有咩想講就直接講啦﹗去到呢個地步，仲有啲咩係唔可以講既呢？」我微微一笑，摸摸小希的頭。

「小希同呀哥你一樣，都唔願意忘記呢一世既所發生既野，所以我……所以我死之前決定咗，我會一直留響呢個會展入面，嚟換取你呢一世既記憶，所以你下一世都可以記得小希架﹗」小希擁抱著我，就像生前一樣……





「小希……」我的眼淚早已不能控制，任它滴在地上。

「點解你要咁傻……」我哭成淚人，未能道出一句完整的話。

「因為……小希唔想見到呀哥唔開心﹗小希會響呢個遊戲一直等你，等到你再返嚟呢到陪小希﹗」小希的淚沾溼了我的衣襟，但我未有理會，緊緊的抱著她……

呀俊和小希的啤牌都為Ａ，原來是這個原因……因他們兩個都未能離開這個遊戲，故不用成為雙方角色之一，因此他們的角色既不是數字牌，也不是鬼牌，而是……

Ａ，不死。





「小希……原來你一早就知道晒成件事……」為何？為何你要那麼傻？為何不先跟哥哥我商量清楚？

「哥……如果你係我，你都會咁做，係咪？」儘管小希滿臉淚水，笑容還是依舊掛著。

係，我都會咁做……

「次次都係你保護我，今次，就等小希保護返你一次﹗」小希踮著腳尖，摸了摸我的頭頂。

小希，多謝你……





「你錯啦……你講既野全部都錯晒﹗」子銘崩潰的跪在地上﹕「我冇做過任何傷天害理既事，我咩都冇做過﹗」

「咁點解你……」我沒有把話說下去，因為我大概也猜想到答案。

「你口口聲聲話公平，你覺得呢個世界真係公平咩？」子銘抱頭痛哭道。

「呢條路，係你自己選擇既，冇人迫你。」主持人語重心長的為自己辯護。

「我只係想……我只想見返我女朋友啫，點解你唔肯放過我？」子銘苦苦哀求，但主持人依舊不理不睬。

「呀俊……呀俊﹗」子銘發了瘋似的指著呀俊﹕「佢生前姦殺咗小希，之後仲殺埋陽諾，點解佢可以投胎我唔可以？」

「呢個問題，你應該係最清楚嗰個。」主持人用極為不屑的語氣對著子銘說﹕「當初係你揀唔想再投胎，我見你咁可憐先成全你﹗你知唔知就算係殺人犯，最多就只係響呢個遊戲入面生存多十次就可以投胎﹗」

「……」子銘啞口無言，也許心中正想著他女朋友吧。





「我最睇唔過眼，就係嗰啲唔識珍惜自己條命既人﹗自殺死既人，比起殺人犯更唔值得轉世﹗」主持人生氣得快要把咪高峰吞噬似的。

「哼……係咩？」子銘拭乾眼淚，用挑釁的口吻問道﹕「我好想聽吓有咩合理既解釋喎。」

「人之初，性本善。冇人一出世就係殺人犯，佢地係因為後天既影響先會有殺人既衝動。但係你？一睇唔開就自殺，你對唔對得住幫過你既所有人？」主持人解釋道。

「我唔係因為後天既影響先會自殺？你估我想架？」子銘失聲大叫道，正為他生前所做的事辯駁。

「好似你咁，少少挫敗就自殺，你甚至比殺人犯更唔值得生存﹗因為你唔識珍惜你既生命，所以你冇必要再有生存既機會。」主持人語氣十分決絕，未有給子銘一次機會的念頭。

「少少挫敗？咩叫少少呀？我同我女朋友識咗十年啦﹗你知唔知當我以為我真係可以同佢一世都一齊既時候，佢居然跟咗第二個……」子銘說到這裡時，眼淚再三落下。

「你講得啱，我真係唔想再做人，因為我唔想再見返佢，就算我冇晒記憶都好，我都唔想再見返佢……」子銘突然破涕為笑﹕「你講得啱，條路自己揀，仆街唔好喊。我唔想再做人，我唔想再輪迴轉世。」





「子銘……」我一來以他生前的身世感到同情，但又對他現在突變的態度感到一點恐懼，生怕他忽然發難。

「點解……」我不太明白為何子銘的心情差異能大得如此。

「唔好忘記，我冇野係做唔到。」也許，正在與我對話的，就是是常人口中的神吧。

但在我眼前，子銘突然不再是一直在我心目的如此邪惡，每個人也有他的一後故事，他們所做的每一件事也有他自己的苦衷，只要他們自覺自己的所作所謂對得住自己，人生已無憾……

條路自己揀，仆街唔好喊。