來，一場書展殺人遊戲: 第四十五章

「你到底知道啲咩？」我揪起子銘的衣服，差點便握拳打了下去。
 
「你講咩呀？」子銘不理解為何我變得如此恐怖。
 
「咪撚同我扮無辜﹗你啱啱先講完，咩系統冇幫佢地啲武器升級，你到底知道啲咩？」
 
我把眼睛瞪得老大的，然而這時子銘才知道他把不該說的話說了出來。
 
「其實我……」子銘正想編一些叫人相信的藉口。
 




「你係遊戲派嚟既人，係咪？」
 
呀俊保持著戒心並後退數以防子銘突然發爛。
 
「……」子銘沒有正面回答，但沉默卻是最佳的答案。
 
「點解你要……」正當我想盤問清楚時，天花上的麻雀忽然在叫，讓人很不耐煩。
 
「收皮啦﹗」
 




呀俊拾起地上的飛刀飛向麻雀，麻雀應聲倒地。
 
「點解上面會有隻麻雀既？」
 
子銘雙眼也瞪得大大的，彷似十分害怕麻雀般。也對，他剛一直和小希談話，不知道有麻雀也是十分正常的。
 
「你唔好同我扯開話題，快啲講﹗你到底有咩目的﹗」
 
但我才不會讓他輕易地轉移話題和我們的視線。
 




「陽諾，有咩留返晏啲再講，我地依家處境好危險，快啲離開呢到﹗」
 
但子銘的樣子不像在說謊，難道真的像子銘所說，處境很危險？
 
「我地點解要聽你講？」JOEY用她帶著疑惑的雙眼直視著子銘。
 
「你地都識講啦，我係呢個遊戲派嚟架﹗你地唔信我，應該信邊個？」
 
子銘看似慌張得要死。
 
「就係因為你……」此時，小希卻拉著我的手插話道﹕「聽佢講，我地走啦。」
 
「小希……」為何小希還要幫這個人說好話？
 
「女仔既直覺。」




 
小希搬出了一個稱得上是無敵的答案。
 
對於這答案，我更是啞口無言，只好期待著其他人的意見。
 
「等等……」呀豪對這麻雀彷彿甚有興趣，低頭彎腰的觀看著。
 
「睇住有禽流感呀。」
 
嘉穎著手叫呀豪離開，但呀俊的目光依舊停留在那麻雀屍體。
 
「佢隻眼……點解咁似個鏡頭既？」
 
呀豪更想伸手觸摸那麻雀，但被JOEY阻撓﹕「唔好諗咁多啦，我地係時候走啦。」
 




「呀豪講得啱架，佢隻眼真係一個鏡頭嚟架﹗應該係話，佢根本就唔係一個普通既麻雀，佢係一部攝影機。」
 
子銘凝視著地上的麻雀，止住了手上的動作。
 
攝影機？
 
「我諗佢地啲人應該知道咗我唔小心講咗啲唔應該講既野，好快就會派人嚟追殺我地，所以我地要快啲走。」
 
子銘握著武士刀道﹕「我地冇時間啦，走啦﹗」
 
「咁我地依家去邊呀？」我們緊緊追著子銘的腳步問道。
 
「去美食展到﹗」子銘不加思索便回答。
 
「或者……係時候停低啦。」




 
正當我們經過保安的攤位時，有兩位保安突然步出攤位阻撓著我們前往。
 
「你地班仆街﹗」子銘一時失了常性，正想攻擊道。
 
「唔好﹗」
 
我考慮到我們一等人有幾位小孩，不好隨意打鬥。
 
「佢已經知道咗你唔小心講咗你既身份。」
 
左手邊的保安一面冷淡地說，彷似漫不經心，事不關己的。
 
「既然係咁，我都冇謂再繼續扮呢個角色﹗」子銘直視著保安雙眼﹕「我要帶住呢幾個人平平安安咁離開呢個遊戲。」
 




「哼，我都好想睇吓你可以點樣成功。」
 
別個保安低頭嘲笑了一聲，也許這是頭一回看到他在笑吧，總是讓我好不舒坦。
 
我們就這樣對峙了一會，雙方都未有作任何行動。然而子銘很明顯不安得很，從他四處張望的樣子便明瞭。
 
突然，保安閉上眼，仔細聽著耳機中的對話。聽罷，便死死的盯著我不知是否打氣道﹕「加油啦，佢地好得人驚架。」
 
他那眼神，是我一生中見過最凌厲的眼神。
 
「承你貴言。」