來，一場書展殺人遊戲: 第四十章

我們一同步近至1Ａ大門，我戴著手套，正準備迎接外面清新的空氣。
 
「唔好意思，我講過遊戲未完之前，你地都唔可以離開呢個會場。」保安又再探頭出來說道。
 
「喂，你唔係理佢呀嘛？」
 
呀俊冷笑了一聲，對著那保安說﹕「我又好想知道，如果我係都要走，咁會點？」
 
「其實就冇咩點既，不過……」
 




保安沒好氣的回到攤位中﹕「各位自便啦，不過後果自付。」
 
「兇我？你都傻傻地既﹗陽諾，快啲推開道門之後閃人啦﹗」
 
呀俊催促我，作我動作快點。
 
我鼓起勇氣，嘗試輕碰那通電的大門。
 
沒事。
 




「各位……係時候啦……」我深深的吸了口大氣，一口氣的推開了大門。
 
咦？
 
「點會……咁既？」我不禁停止了所有動作呆望著眼前的景象。
 
在我眼前的，就是我身處的……
 
會展﹗
 




「冇可能既……有咩可能會咁……子銘，我係咪睇錯野呀？我記得呢，我之前身體檢查既時候，醫生同我講話我隻眼有近視……」
 
我沒再說下去，因為這藉口，實在是爛透了。
 
但係，點解會咁既？明明大開咗道門之後應該就係……應該係返返去現實世界架﹗點解……點解……
 
我抱頭痛哭著，崩潰了。我一心以為真的解逃了，誰不知原來這遊戲，還有這一著。
 
「陽諾，你睇真啲先啦……呢個會展，有啲問題。」呀豪拍打著我的肩膀。
 
「鬼唔知你呀媽係女人﹗」
 
我實在是再也沒有心情與他們講玩笑了。
 
「唔係呀，我地好似嚟咗……美食展咁既？」




 
JOEY也不太相信她眼前的事物。
 
「美食展？」
 
我抬起頭，粗略地瞄了會場一眼，咦？還真的是美食展。但這個美食展，和我們剛身處的書展一樣，都是頹垣敗瓦。難道這個美食展，還是和我們在玩同一個遊戲？
 
「唉……你地好地地做咩要打開道門呢？」
 
這把聲音……不就是主持人嗎？
 
「天堂有路你不走，地獄無門闖進來。明明剩係要殺晒書展啲人就贏既，既然係咁，依家就將個遊戲地方擴大啦。你地唔單止要殺晒書展入面其中一方，連美食展既都要殺晒﹗」
 
這廣播不單在書展會場播著，連美食展的會場也同樣在播，那刺耳的程度上升了一倍。
 




「點解會咁樣既？」
 
陳新踏前了數步，想親身感受這眼前的……事實。
 
「因為你地打開咗道門囉。」
 
儘管你摀著耳朵，那聲音還是會穿透你的手和耳膜，直擊大腦﹗
 
「我係問……點解唔係返返去現實世界……」
 
陳新轉過頭來，眼淚，又再次出現在他臉上。
 
「呢個問題，我諗我無必要答你。不過你地吹到自己咁勁，你地咪自己去搵個答案出嚟囉，反正你地好似都冇諗過要跟呢個遊戲規則嚟玩。」
 
這是……在嘲笑我們嗎？




 
「不過呢，我就唔太建議你地再去開門啦，你地都唔想同埋動漫展啲人一齊玩架？」
 
主持人「善意」地提醒我們後，便沒有再開廣播了。
 
「咁……我地依家點算好……」嘉穎揪著我的衫袖問道。
 
「嗯……呢到唔係我地地頭，都係唔好響到逗留咁耐……咁啦，我地搵張美食展既地圖之後，再返去我地個陣營到慢慢傾啦。」
 
在這個時候，你說我還能提出什麼有用的方法呢？
 
「嗰到咪有一張囉﹗」
 
小希指著我們的不遠處，正好有一張地圖安和地躺在地上。
 




呀豪沒等什麼，箭步出前拾起後隨之回到我們身旁。
 
「好，咁我地就返去先啦。」
 
我嘆了口涼氣，明明這是大海的最後一根稻草，為何當我緊握時，卻沉於碧藍當中？
 
「就係你地開咗道門？搞到我地又要再殺多一班人先走得呀？」
 
看來，美食展的人也什麼不是好人。