來，一場書展殺人遊戲: 第三十三章

我嘗試重組這會展所發生的大事。
 
「啲人……走既走，傷既傷囉……當時咁亂，邊到記得咁多呀？」
 
「我記得有個學生妹拎住把刀唔知做緊啲咩，但係佢個樣好恐怖架﹗就好似……就好似精神錯亂咁﹗」子銘思憶起來。
 
學生妹？拎住把刀？
 
「個學生妹係咪著住件藍色冷衫架？」
 




我的記憶貌似與子銘重疊起來。
 
「俾你講一講，又好似係喎……咦？你又知既？」看來事件又再次重覆發生了……
 
「冇理由架……咁呢把刀……」
 
我掏出較早前從金毛小子身上拿走的萬用刀並照在呀俊面前。
 
「咦，原本把野響你到呀？我仲以為唔知響邊到趺咗﹗」呀俊對我手持的萬用刀表示十分驚喜。
 




「呢把野唔係你架，係我之前響一個自稱係肥龍個細佬既人到拎返嚟。」呀俊和金毛小子的所說的完全不同。
 
唔撚係掛……到底件事係點樣架……
 
「點解……我好似唔多明你地講緊咩既？」子銘像個小學生般舉直手發問。
 
「你唔明唔緊要，你仲記唔記得你啱啱見到嗰班人響邊到？」
 
事情的確比我想像中複雜，但我必須明白過中玄機。
 




「記得係記得既，不過……」子銘依舊不死心的問道。
 
「得，你都係想知我之前發生過啲咩事啫，我地邊行邊講﹗」
 
我實在無力再與子銘辯駁下去，便立馬投降。
 
「咁我地行啦﹗」
 
子銘活像個小孩，單是小小的甜頭便開心得活蹦亂跳……小希……
 
我用力的搖了搖頭，把自己從小希的笑容拉回現實。
 
「好啦……件事係咁既……」
 
然而，我又再次把我剛才所發生的事由頭說了一次。




 
我相信如果作者在這時為讀者們用一大段的篇幅重溫剛剛的事情的話，作者的母親鐵定忙得要死，因此作者也無意重覆一次。
 
仆你個街，咁仲有咩講？
 
係啦﹗
 
我開始明白到整個書展是怎樣的一回事，這並不只是一場簡單的恐怖份子的所謂「遊戲」，比起這個解釋，這絕對是一場國際性的陰謀，一場不知原故而存在的實驗。
 
然而這在個書展當中，存在很多不合常理的事情。打個比方，會場裡的東西上都有一個編號，或者是同一個人能死完又死，不停地現身於會場之中。
 
儘管這些事情與常理背道而馳，但說實話，我也有什麼事情是還沒有相信？應該是說，我還有什麼事情是還不能相信？仍然不能利用常人思維，那麼我就用上我與生俱來的天馬行空的想法……
 
若果我們在踏入會展的一瞬間，趺進了什麼平衡時空，因此出現了多重時空交錯，這能解釋得到人們死而復生嗎？
 




能，但這未能解釋這是一場陰謀。再加上，如果真的出現了時空交錯，為何禿頭男人並沒有拍拍身上的灰塵隨後站起來繼續耍他的太極？
 
「等等……你個朋友講咩話？」
 
正當我說到我和立峰等人查看那來歷不明的電郵時，子銘卻一下子把話活生生的打斷。
 
「佢話……呢個係一個程式囉……」我不能理解子銘給予如此大的反應的原因。
 
「程式……係啦，係程式﹗」
 
子銘興奮得高呼道，雙手更是在半空中揮動著，可是……我完全不知他在興奮什麼。
 
「呀……子銘呀，你有冇興趣解釋吓你興奮既理由呢？會唔會係你……夠鐘食藥啦？」
 
呀俊回望我們之前走過的路，可能是想查看子銘有沒有遺留什麼藥物在地上吧。




 
「乜你地咁都聽唔出佢既意思咩？程式喎﹗」