來，一場書展殺人遊戲: 第二十章

我抬頭一看，是禿頭男人握著飛刀怒氣沖沖的迎面問道。可是……我不太明白他在問什麼……
 
「你仲響到扮傻？你到底係咩人？」
 
這位名字應該是進哥的彪形大漢正好在這時候回來﹕「我地啱啱去咗你所講既數字牌陣營，但係入面乜野都冇喎﹗」
 
什麼？我望著地圖的一角，的確是數字牌的陣營呀﹗
 
「會唔會係……佢地搬走咗呀……」我嘗試為這事情加上解釋，畢竟那邊發生了那麼多事情，各散東西也不是沒有他們的道理。
 




「哼……我會睇住你，唔好俾我捉到你痛腳﹗」禿頭男人把手上的飛刀狠狠的插在桌子上恐嚇道。
 
「嗯……我地可能要去多次……大門到……」JOEY見大家都無言相對，便只好打開一個新的話匣子。
 
「係呀係呀，世伯，呢個時候我地一定要團結一致，如果個個都人心惶惶既既話就唔得架啦﹗」嘉穎眼見禿頭男人對我有所懷疑，便立馬出言阻止。
 
「唔好講咁多啦，我地係時候出發啦﹗我諗你地都唔想再留響到架啦﹗」陳新扶了我一把，並向我打了個眼色﹕「唔好再嘈啦。」
 
「你地今次帶埋少少武器旁吓身啦，雖然我同進哥都已經差唔多殺死晒佢地……」
 




禿頭男人口雖低吟，但心裡彷似還正在打量著我。
 
「準備好就出發啦﹗」我們各拿了自己的武器，我把金毛小子的萬用刀放穩在褲袋裡，躺在手推車上，思考著這遊戲的各種疑點。
 
第一﹕遊戲為何會出現？
 
第二﹕整個會場至少有數千人，為何現在只剩下那麼少人？
 
第三﹕連打電話給警察也打不通的時候，為什麼呀豪又可以在大門時發送一封電郵？
 




「唔好意思，請問你地會唔會有一種藥係可以令我個朋友行得走得，乜事都冇架？」陳新毫不客氣地走到熱血時報的攤檔問道。
 
「冇。」
 
保安隔著一層參展商紗布冷酷地回答立峰。說的也是，怎麼會有這藥呢？
 
「算啦，邊到會有呢種藥喎？我又唔係話受好重傷，抖一陣就冇事架啦﹗」
 
我嘗試把這句話說得大聲點，希望能顯得中氣十足。
 
「攞去包住個傷口啦，不過你隻手唔洗諗住要得返架啦。」
 
紗布被翻起了一角，保安從中瞥了一眼，未幾有一卷紗布緩慢地在地上打轉。
 
「唔該……」




 
我伸出左手拾起那卷紗布，發現不停顫抖著……好不容易才拾起，JOEY便接過紗布幫我包紮起來。
 
望著我無力頹倒的右手，我是否還應慶幸自己還活著？
 
我可以不太明白活著的真正目的，是否只是行屍走肉般就可能？如果不是，為什麼我們要抹殺別人的生命來換取自己活下去的機會？
 
「呀豪，你快啲去再寄多封電郵啦﹗」嘉穎沒多理我們，只顧催促著呀豪。
 
 呀豪未有發聲，只是默默地望著手提電腦發呆。
 
「你想知道什麼？」
 
居然回覆了，雖然對方回覆的話有點莫名其妙，可是我地至少可以成功與外界溝通。
 




「呀豪，你封電郵係寄俾邊個架？」陳新這條問題把呀豪拉回現實世界。
 
「我……都唔知我寄咗俾邊個，當時……我根本唔夠時間去打個電郵地址……」呀豪不禁打了一個哆嗦。
 
「佢唔係問我地想知啲咩咩？點解我地唔去問吓？」我瞄了這電郵地址一眼，發現全都是亂碼，沒有半分關連。
 
「你是什麼人？」
 
呀豪一下一下地按著鍵盤，生怕打錯了一個字。
 
「你為什麼會覺得我是人？」
 
？