來，一場書展殺人遊戲: 第十五章

「呀哥……我地依家去邊到好呀？」小希從麥當勞紙袋拿出一條薯條，並一口把薯條嚥下。

「嗯……去鬼牌嗰到啦，人多好辦事。」

原來不合不覺間，我們已經來到了鬼牌陣營。雖說小希和天命都不是鬼牌，但按照呀俊所說，其中兩方互相殺戮也沒有任何意義。

「停響到。」 一位彪形大漢叫停著我們三人，這男人看起來有點兒眼熟……總覺得早前碰過面似的。

佢係啱啱同呀俊開戰，之後跑走咗嗰個男人。





「你有啲熟面口喎……」

「佢咪係啱啱嗰個細路囉……」別過禿頭男人走了過來﹕「不過係唔識打架嗰個。」

我心中突然一震，沒了呀俊的保護，恐怕我們也是時候死於此地。

這樣一想，忽然覺得原來身邊有個痴線佬作同伴也不是一件什麼壞事。

「你地幾個過嚟做咩呀？」也許是見我們沒半點還擊之力，彪形大漢未有像剛剛般兇神惡煞。





「我知道呢個遊戲背後既事。」 對，其實我壓根兒不知道自己在說什麼，但如要活命的話，更離譜的話都必定要說出。

「你地三個係咩牌？」 兩位大漢身後走出一位年齡與我差不多的女生。

「佢地兩個都係數字牌，我係鬼牌……」自知處於下風的我，把話說得愈來愈小聲。

「咁就對唔住啦，我地唔歡迎鬼牌。不過見你好心好者，俾個機會你快啲走，唔好俾我地見到你。」

「進哥，唔好咁快趕人走住先啦，佢唔係話知道呢個遊戲背後既事咩？即管聽埋佢講咩先啦。」





「我叫JOEY，入嚟再講啦。」

數字牌的陣營明顯地比鬼牌來得還要整理，甚至可細分為兩組，而坐在最中間的則是一班較沒還手之力的婦女和小孩。

「小妹妹你叫咩名呀？」

「小希。」

小希看見陌生人的時候，總愛躲在我身後。

「小希，不如你過去嗰到同啲小朋友一齊玩好冇呀？」JOEY一臉溫柔地問道。

我點頭示意沒問題後，小希便抱著天命步向那邊並直接坐在地上。

「我叫楊諾呀。」我未等JOEY問道便先自我介紹。





「叫我陳新得啦。」坐在收銀處中央的圓椅的陳新站起來和我握手，他戴著黑色粗框眼鏡，和他平實的樣子十分相襯。

「你好呀，我叫嘉穎。」 坐在旁邊寫著類似筆記的嘉穎點頭問好，她的金髮上綁了個馬尾，樣子也算標緻。

「嗯……咦？」 正當我嘗試把他們的名字記入腦海中，發現還有一位男孩呆在收銀處一角，埋首在手提電腦中。

「佢叫呀豪，佢好似唔係好識同陌生人講野，但係佢對電腦科技嗰啲野好熟悉，所以就想佢睇吓可唔可以搵到啲咩資料。」JOEY親切地為呀豪介紹著。

「你地……是咪本身就識架啦？」 我似乎又問了一道低能問題。

「唔係呀，我地都只係見大家都係同陣營，所以先一齊行事。」陳新帶點不懷好意的神情直盯著我﹕「你係咪響鬼牌嗰邊過嚟架？」

「嗯……」 「咁嗰邊發生咗咩事？」 陳新興味十足地問道，彷彿對我在對面的經歷很感興趣。





「要講就真係有排講啦……」 我回想起剛剛發生的事，發現早已在我腦海中扎根，歷歷在目 。

「唔緊要呀，我地大把時間。」

我把剛才足以寫成小說再拍成電影的事情一五一十地告訴給他們，他們無一不目定口呆，就連在一角的呀豪也側耳細聽。

「所以……你呀妹……」