來，一場書展殺人遊戲: 第十三章

「係咩？」呀俊查看著自己的啤牌﹕「係喎，可能係我記錯咗上一場既啤牌啦。」
 
「呀哥，你個頭……」小希望見我的頭受傷便慰問著。
 
「你有冇事先真呀﹗做咩唔聽呀哥講既野呀？叫咗你唔好過去呀嘛﹗」
 
……
 
小希雙眼通紅，水汪汪的眼睛望得我都忍不住繼續喝罵。
 




「好啦，呀哥我只係唔想見到你受傷，我地要一齊返去搵媽媽，知道嗎？」我再沒多講什麼，直接給予一個擁抱。。
 
「呢到恐怕唔係好安全，要走啦。」
 
呀俊盯向遠方，果不其然，數位強悍大漢正衝著我們而來。
 
「你走先，呢到有咩等我嚟。」
 
「你唔係覺得我會一走了之呀嘛？」我實在沒想到呀俊竟要求我離開。
 




「你幫到我啲咩呀？啱啱嗰兩次，你咪又係搵個地方等人搵你唔到……」呀俊在我身旁耳語﹕「再講啦，呢到仲有你呀妹同埋啱啱抱返嚟嗰個，我保護得邊個呀？」
 
「呀俊……」我無言以對，怪就只怪我太無能吧﹗
 
「我諗我同你地應該唔會一齊離開架啦。」呀俊隨便地用自己的上衣拭乾刀子。
 
「點會呢？你唔係話過，今個遊戲冇辦法從正確方法贏咩？我地一定會搵到方法離開呢到﹗」
 
「好呀，如果我地之後仲會再見既話……」呀俊正伸著懶骨頭，彷似是沒把生死當作一回事。
 




「差唔多啦，仲唔走？」
 
呀俊一手推開我和小希，也驅散著其他人﹕「走啦，係咪想死埋一份呀？」
 
眼前的這位年齡看似比我大十年的男子，不知為何對他有種歉意。
 
大概是因為一開始時，我個人對他的觀感與現在的大有不同吧。
 
「等等，仲有佢﹗」小希跑回去並抱著一個小女孩回來，是我剛剛抱著回來的那位小女孩。
 
「佢叫咩名呀？」小希的問題，的確考起了我。
 
「我都唔知喎……一係你幫佢諗返個名啦﹗」遠離了呀俊後，一切又變得漫無目的，不知目前該做何事。
 
「好呀﹗我地姓楊，佢就叫……楊天命啦﹗」小希看見地上有一本風水書便隨口說道。




 
「哈，楊天命……」我笑得彎下腰來，同時也將剛剛的思緒拋諸腦後。
 
「天命，天命﹗呀哥你睇吓，天命佢一聽到自己個名就係咁笑啦﹗」
 
小希興奮地望著天命，就好像看見小時候的小希般。
 
「小希，我要同你講樣野呀，如果之後呀哥為咗保護你而殺人既話……你千奇唔好怪呀哥呀﹗」
 
我知道，沒有了呀俊的幫助之下，之後所面對的事，都必須靠自己的雙手解決。
 
「嗯﹗」小希只是和天命玩耍，好像沒有把我的話聽進耳裡。
 
「你都係呀﹗唔可以再好似啱啱咁唔聽呀哥講既野呀知唔知？」
 




「哥……我有啲肚餓……」小希反了眼白眼抱怨著，我想她也不想再聽我唸唸有詞有的沒的地說的話。
 
「肚餓？」
 
說到這，我的嘴巴也感覺乾乾的。
 
也對，畢竟打從遊戲開始至今，一口水也沒喝過。
 
「如果我肚餓咁點算？」
 
我還依稀記得在遊戲一開始，有人打趣地問道這記問題，那時候……廣播給予了什麼答案呢？