來，一場書展殺人遊戲: 第十章

我突然感受不了頭上的痛，反倒是體會到父親的心靈受的傷。
 
原來他們的故事，和我相差無幾。
 
「你可唔可以幫我一個忙？」父親雙眼似是發了光般，直盯著我問道。
 
「嗯？」
 
「請你照顧住我個女，一定要帶佢離開呢到呀，我求吓你﹗」爸爸停止攻擊，在地上拿起兩張鬼牌並跑著他太太身旁，無視身邊一切事物，牽著手互相凝視著對方。
 




「老婆，我地下一世……都要相愛落去呀﹗」
 
說罷，他便撕破了手頭上的兩張鬼牌。
 
……
 
我一時反應不來，只是把該女嬰抱住，望著兩位父母情深地互望，繼而吐血，身亡。
 
「佢……」我望著她圓圓的大眼睛，不忍心讓她看見此情景，只好離她雙親遠一點。
 




「階磚七……」我從該女嬰腰間摸來一張啤牌，可惜的是，未有找到她的身份證明。
 
我連佢叫咩名都唔知。
 
「我問你呀，如果佢真係咁好命可以贏到呢個遊戲，你覺得佢大個咗之後既生活，開唔開心？」呀俊從我身後冒出。
 
「我真係唔知……」她的雙眸十分清淨，就像是未受塵世所感染﹕「但係我會諗辦法保護佢。」
 
「哈﹗保護佢？你連你自己都保護唔到呀，仲諗住帶多個負擔？」呀俊正檢查自身的傷痕﹕「唔好忘記，你仲有個細妹。」
 




「咁唔係點，唔通由佢自生自滅？」
 
「你喜歡啦，唔好搞到我就得架啦。」呀俊沒再多說什麼，眺望著會場的遠方。
 
「嗰兩個男人呢？」
 
「走咗啦。」呀俊亮起自己的萬用刀﹕「佢跟咗我好多年架啦。」
 
「係咩……」
 
「返去先啦，返到去再諗諗有咩方法離開呢到。」呀俊手持地圖，帶我和該女嬰回到陣營裡。
 
「呀哥……你返嚟啦……」小希望見我，不但沒有半點興奮之情，反而有點厭棄道。
 
我低頭睇睇自己件衫，唔怪得啦……




 
「小希，我咁做，只係唔想俾任何人傷害到你，你明嗎？」
 
「真係？」我想小希應該正在猶豫是否相信她的哥哥。
 
「傻妹，我做咩要講大話……」我把剛剛抱回來的女兒交到小希懷裡﹕「我帶咗個新朋友仔陪你呀，你要好好咁保護住佢呀。」
 
「好可愛呀﹗」小希小心翼翼地抱住女嬰，立馬把剛剛厭惡的表情換上溫柔的神情。
 
「佢咁細個就見到啲咁既野，真係唔好彩呀……」
 
小希，你又何嘗唔係呢？
 
望向整個攤檔，裡頭的人增加了不少，看來大家都明瞭若想在這遊戲中保存性命，最好既辦法就是結黨連群。
 




而在人群之中，總覺得有個熟悉的身影不在其中，是誰呢……
 
肥龍。
 
「你有冇見過肥龍呀？」我問道。
 
「嗰個死肥仔？」呀俊被我問罷也馬上察覺到不對勁。
 
「小希，啱啱有冇發生啲咩特別事呀？」這道問題，還是問小希來得正確一點，畢竟她並沒有從攤檔中離開過。
 
「嗯……之前有個叔叔嚟過，同肥哥哥傾咗一陣，之後佢就跟咗個叔叔走咗啦。」
 
叔叔？