來，一場書展殺人遊戲: 第三章

若果這真是一場社會實驗的話，我深信該導演現在應看得津津有味，甚至手持著花生，與友人看著我們這一群傻瓜在漫無目的地移動。
 
「喂，大家唔洗咁膽心，快啲過嚟買返本自衛術既書嚟旁吓身，學返一招半式都只不過係八十八蚊﹗」
 
然而，總有些人是總不知自己身處於一個多危險的地方。
 
「你係咪傻咗啦，不如諗吓點樣走好過啦。」
 
此話是由一位看不過眼的年輕人所說，也許他不滿有人在這時候還在說著什麼風涼話吧。
 




「走？你聽唔到廣播條友講咩？叫我地殺人喎，唔想死既咪買本睇吓囉。」
 
當然，叫賣的更是一個唯恐天下不亂的人。
 
「吓……唔係講真呀嘛……」看來，怖有不少人被他一說所動搖，開始擔心起來。
 
「好心你地啦，你地唔係真係諗住殺人呀嘛？你估真係好似拍戲咁咩。」
 
「咁又唔係咁講呀，你都知依家啲恐怖份子幾得人驚架啦，分分鐘呢件事係真都唔定架﹗」
 




愈來愈多人紛紛掏出錢來，準備買上一本自衛術的書。儘管個人認為，現在才看的話已是太遲，但想只不過是求個安心吧。
 
「如果真係有恐怖份子呀，佢地會搞咁大件事？驚死人唔知咩？仲有呀……」
 
該年輕人一步步走近至叫賣者面前﹕「正常人都唔會諗真係要殺人，點解你一嚟就叫人買本自衛術既書？唔通你就係呢到既同黨？」
 
「你都痴線既﹗我先冇時間陪你癲呀﹗」
 
叫賣者死命地否應著，但身旁的人早已離他數步之遠。
 




「喂……你地唔係真係以為我係……」
 
「防人之心不可無，都係小心啲……」就在此時，一個黑影從我身邊閃過，害我嚇得鬆開了小希的手。
 
那位年輕人話都沒未說罷，已有一把瑞士萬用刀穩穩地插在他頸部。
 
……
 
原來呢個遊戲……係真架……
 
年輕人立馬施力按著傷口，但鮮血依舊地噴涌而出，攤檔裡的自衛術書全都被鮮血所染紅。
 
我本能反應用手擋住小希的視線，不讓她看見這血腥可怕的場景。
 
而身邊的人總算是看清了眼前的一切，由原先的寂靜一下子換為極度吵鬧，拼命地往該攤檔遠去。




 
我地就係咁，親眼目擊到呢一場謀殺案……
 
響書展殺人遊戲入面既第一場謀殺案。
 
「呢啲咁有用既書，唔好賣俾人啦，留返俾你自己睇啦。」
 
黑衣人拾起一本封面染紅的書，放至因過度害怕而動彈不得的叫賣者手上。
 
「你……係咩人？」
 
叫賣者用上他平生以來最大的力氣，顫抖地吐出了這道問題。
 
「你估吓。」
 




「……」叫賣者沒有再答話，光是只敢呆站著。
 
而躺在地上的年輕人，身軀再也沒有顫抖，而鮮血也再沒噴灑，只是緩緩地流出，只見地上的血攤範圍愈來愈大。
 
「我只係一個普通既連登仔，冇咩特別。」