來，一場書展殺人遊戲: 第一章

「呀哥，做咩望住張書簽望到忘晒形呀？」

「冇呀，我諗緊點解今年書展會冇啦啦派書簽啫，張書簽仲要整到成張啤牌咁。」我一臉不解的望著書簽，嘗試能否從書簽中看出什麼端倪。

「你記住拖實我，唔好走咗去呀。」

在書展中，存有不少行李箱和望子成龍的家長，他們只會沒頭沒腦地衝著，不理身邊的途人。

「我覺得張書簽好型呀﹗你睇吓，我嗰張仲要係黑心Ａ嚟﹗」





作為一個高中生的我，也想像小希般，活於一個彷似沒有任何壓力的世界。

「有咩咁特別啫﹗你睇吓呀哥嗰張，係鬼牌嚟架﹗」但這此時，我卻只能假裝。

「唔係呀，我嗰張最特別﹗」小希一時急得辯駁著，跺腳大嚷﹕「我睇周星馳啲戲都係要變隻黑心Ａ出嚟架﹗」

「係啦係啦，最特別係你啦﹗」我怕小希真會哭出眼淚來，連忙安慰道。

踏往書展會場後，眼前是一片茫茫人海，牽著小希的手便握得更緊。





「最後兩個入埋嚟啦。」

待我們步進會場後，守在入口的保安對著對講機說著如此的一番話……

我瞄了瞄電話，現在只不過是中午十二時。

佢講嗰句係咩意思？點解我地係最後嗰兩個？

說實的，我也不知我為何會對這保安所的話特別在意，正當我甚至想轉頭問清楚時，發現大門已經關上。





「喂，你做咩……」沒等話問罷，該保安已把鐵鎖扣上。

「歡迎大家嚟到一年一度既書展，書展除咗買書，仲可以做咩？」會場的廣播猶如大賣場的叫賣，說著極為低質的開場白。

「今日我同大家玩個遊戲，大家入嚟既時候都收到張啤牌啦。呢張啤牌，就係你呢場遊戲既角色。」

我再三確認手中的啤牌，上面的鬼牌圖案讓我有點不祥預感。

「就等我同大家講吓遊戲規則啦﹗今次遊戲分為兩個角色，鬼牌同數字牌。只要其中一方殺死晒其餘一方，遊戲就會完結。」

廣播裡頭的聲音十分討厭，是一把自大的聲線。

「除非死亡，又或者係自願，如果唔係，任何人都唔可以睇其他人既牌。同時，你地唔可以破壞，整唔見自己張牌。」

從未試過親臨一個如此寂靜的書展，所有人都沒有別的事，仔細地聆聽著廣播的話。





「就算你地唔聽我既規則既話……就只有死路一條﹗」

「最後就係……就算你地有人交換咗張啤牌，你地既身份都唔會改變。」

我大概意識到廣播中所說的遊戲是什麼……

殺人遊戲。