菁英殺手——死神的最後: 第十四章 一波未平 一波又起

不過萬萬想不到的是，蓉雪和青爭都坐在我們面前。

「唔好意思呀，因為已經冇雙人座。」店員說。

「唔緊要，我地識既，不過湯底要分開。」我說。

「嗯。」小茵點着頭。

「咁請問先生你要咩湯底？」





「麻辣湯底，兩罐可樂。」

「番茄湯底，兩罐可樂。」

下單後，我和青爭不屑地看向對方，小茵也跟著我不屑地看向青爭，而一直在局外的蓉雪，因為氣氛的火藥隨時會爆炸的關係，所以就率先說話。

「我想問下，你地點解要打架既？」

「因為我一直想打佢好耐，點知身為一個特工連普通市民都唔夠打。」我拉開可樂的扣，然後喝下。





「嘖嘖，仲扮野。」青爭別過頭說。

我放下手中的可樂，把盒子中的牛肉通通放進麻辣湯底裹，牛肉熟後，夾起了一塊牛肉說：「話說，蓉雪你真的以為青爭會無緣無故來住？」

「呃？」蓉雪的反應，明顯沒有想過這一點。

「一個收入咁高既特工，點解唔住豪宅，遍遍要嚟呢啲旅館住？我就講白啲，佢係有目的而嚟。」我咬了口牛肉說。

「嘖，講到好似你唔係。」





「如果你再咁樣講野，我保證你唔會行到出去！」

真是的，牛肉都被這傢伙弄得一點味道都沒有了。

（電話鈴聲）

沒有來電顯示？

我想了想，走了出去接聽。

「白色死神⋯！」他以超大的聲音說。

「小丑？」

「現在商場有炸彈，看來是針對那個女孩的，數量不多，二十五個。」





「二十五個！？」

「不過唔洗擔心，個炸彈客已經被我捉住左，我而家拆緊炸彈，嘰嘰⋯果然跟著你很有趣！白色死神！」然後馬上關掉通話！

喂喂⋯不是真的吧？

二十五個炸彈嗎？只能借用特工部的勢力了，不過⋯交比一個瘋子拆炸彈，還真的不能好去那。

我回來後，馬上把青爭扯進廁所後說：「而家商場有二十五個炸彈，我希望借用你特工部既力量，嚟拆炸彈。」

「你講我就信？」

「你可以唔信，爆左既話，蓉雪死左，你只會任務失敗。」





「你唔係？講真我好難想像你會係同我命運連接既人。」

「我都係咁唸，件事就交比你。」而我就當然繼續去食牛了。

「青爭呢？」我回來後，蓉雪問。

「唔知道～」我裝作若無其事的樣子說。

「係啦，呢個係你學生？都生得幾可愛。」

「我先唔想被你話可愛。」小茵嘟起嘴說。

「小茵，之後你返屋企，要唔要我送你？」我問。

「不⋯我冇屋企。」小茵低着頭說。





「媽媽係我十二歲時失蹤，爸爸連樣都冇見過，有可能已經死左，我而家住緊朋友屋企。」

我默默地放下筷子，說：「要不要和我住？雖然有其他人，不過佢地都係女性，所以你地應該好快熟。」

「喂，幾時多左兩個人㗎，點解我會唔知？」

「你有咩知㗎？食肉啦你！」我把一片熟肉放在她碗裏，用來塞住她的嘴巴。

「我明天會搬過嚟。」小茵說。

「明智的選擇。」

不久，這次到青爭把我扯入廁所：「仲剩返一個，但搵唔到。」





「小丑拆緊。」

青爭突然緊張起來：「嚇！比個傻佬拆？」

「唔係點？你地搵到個炸彈咩？而家唯有靠佢。」

冰———砰！

我們互看一眼，馬上跑了出去，看向商場地下，一位穿著紅色機甲的人落在商場的中心，他抬起頭看著我們，然後突然打開機甲，一大堆導彈向我們飛來！

「走啊——！！！」我對著二人大叫着！

砰！砰！砰！砰！爆！