[科幻][長篇]星際星塵: 17.大人與小人

「多謝大人救命之恩，唔知你需要我幫你做啲咩呢」那個曾經的地球總統屈著膝緊跟在星華後面，低頭說。
「你唔係總統咩，點解我睇極你都似一個奴隸多啲嘅呢」星華說
「唔好咁講，我條命都係大人執返黎架嘛」
「你真係似點睇都唔似一個總統」
「大人，你唔知架啦，自從我個星球毀滅左之後，我被人挑選去左咩地球文化傳承，結果原來係賣左我地去做奴隸」
星華不禁有點錯愕，追問那個總統：
「咁其它人呢，你知唔知佢地點」
「我直接比人賣做奴隸，我都唔知咁多架，大人」
「我地而家搵間餐館食飯」
「係嘅，大人」




「你知唔知附近有咩好食嘅餐館」
「之前個主人好似幾中意食第二區戈間，不過佢從來都唔比我食，仲要打我添」他咬牙切齒說著過往被虐待的經歷。
「之前個主人真係人渣黎，我真係好想殺左佢」他緊握著拳頭繼續哭訴往日經歷。
「得啦，我唔想聽」星華說
「對唔住，對唔住」他瞧一瞧星華，繼續低頭走路
兩人來到餐館，總統馬上大喊：
「同我要間貴賓房，最貴個間比依位大人」這才有點總統的氣焰。
總統立馬殿後讓星華先進。
「大人快啲入去啦」
然後他向著後面的侍應大聲呼喝：




「幫我求其點幾個最好嘅菜入黎，我無比你入黎，唔好自己入黎啊」
「你以前都係咁架？」星華進房之後問
「唔係呀大人，以前我個主人係咁做架，所以我岩岩先咁咋」總統立即收起氣焰，又變成一個下人的樣子。
「坐低啦」
「我可以坐呀？」
「坐啦」
「多謝大人」
「我無論點睇你，你都似一隻狗」星華說
房間傳來敲門聲，星華示意總統去叫他們進來。
「唔該曬，就咁擺低就得架啦」星華對著侍應說。




「一齊食啦，大總統」星華說
「多謝大人」
「唔好再叫我大人，我叫做星華」
「唔敢，唔敢」
「你中意啦」星華說
「話說你知唔知應該點去市中心」
「市中心應該係第六區」
「敢應該點去」
「我可以帶你去呀，我之前個主人成日去戈邊，我都幾熟悉戈邊」總統說
「咁食完飯就帶我過去啦」
「好耐無食飽過啦，多謝大人」
「咁出發去市中心啦」
「唔知可唔可以問句，大人去市中心做咩呢」總統問
「唔關你事」
「係嘅，係嘅，依邊就係架啦」




總統一邊帶星華沿著不同的管道，穿梭不同的城市，一直想：
為何星華這麼有錢，但卻對四周的環境不大熟悉呢。
這個問題一直困惑著這個總體。
「我到左啦大人」總統說
「你而家可以走啦」星華說
「大人你無野需要我為你效勞喇？」總統非常詫異。
「你而家自由啦，唔需要再做奴隸啦」
「大人你係我救命恩人，有咩要我做都得架」
「自由你都唔要？」
「你唔係想要自由先走嘅咩」星華反問。
「大人人生路不熟，等我幫大人你啦」
總統心裡慌著，如果在這裡被放走，他自己一個人根本無可能生存得了。極有可能再次被捉做奴隸，這不如留在星華身邊，至少可以有餐溫飽。
「我有啲野要做，你幫我唔到架啦」
星華想著如果要帶著這個人走，那麼就很難完成調查。
「你都係走啦」




「比我留多係大人身邊一日啦，比我留多日啦」總統一直哀求。
「算啦，算啦」星華說
「多謝大人」
星華心想不如先找出這裡的政府總部，以後再作打算。
星華在這個市中心不斷找政府總部，卻發現這個星球的政府總部只是幾座三層樓高的建築物，令星華有點失望。
星華苦思如何在這裡找到有用的資料，但看來不太可能。
星華決定再繞這個城市幾個圈，熟悉一下這裡的結構，好讓他日後再調查。
星華兩人再次來到一個太空船的出入口。
「大人，我地黎依度做咩」
「係時候送你走」
總統大驚，星華打了他一下，他就暈倒了。
星華帶著暈倒的總統跳出這個城市，直接跳到半空，讓星華的太空船接走他們兩人。
回到太空船的星華立即加速逃離這個行星的軌道，直接向另一個星球進發。
這時被星華擊暈的總統也醒來了。
「依度邊度黎架，我比人擄走左呀」躺在床上的總統慌張大叫。




星華這時走過來說：
「唔好緊張，我同你慢慢講返依家發現左咩事」
「你係咩人啊，點解我會係依度架」總統繼續大呼大喊。