[科幻][長篇]星際星塵: 14.明白了

「星華，你依排點解都唔黎上堂嘅」阿平問
「唔想上」星華答
「你再唔上堂pass唔到星際使考試架bo」
「唔緊要啦，我都無咩興趣再做星際使啦」
「唔好咁講啦」
「我已經唔想再做星際使啦」
「咁你師傅嘅事呢，你係咪唔理先吖」
「我都想理，但佢地話會查緊」
「你師傅都想你做到星際使架」
「你一定要振作架」




「比我再冷靜下啦」
「聽日就到中期試啦」
「咁我溫下囉」
說完這句，星華就和阿平道別，回到自己的宿舍。
星華想了又想，儘管自己很想努力，但已經沒有任何動力再繼續了。
自從這件事發生，星華就一直沒有去上課，一直想著怎樣替師傅報仇，卻苦無對策。每當他問星際使們，他們對阿洛的調查究竟有什麼進展，他們都只是冷冷回應一句「調查緊」，不願意向星華透露半句。
星華一直趴在床上，看著跟阿平借的筆記，不知不覺就睡著了。
「斃，遲到添」
星華立即換上衣服，跑向考場。
考場的守衛攔住星華，不准星華進入考場




「我係考生黎架，比我入去啊」
「你遲到」
「比我入去啊」星華強行拉開兩個守衛。
守衛鬆一鬆手，星華失去平衡，直接仆進考場。星華進入考場後，瞪了兩個守衛一眼回敬。
星華隨便去了一個房間，坐在椅上準備他的考試。
一如以往，題目直接彈進星華腦裡。
「仆街，完全唔識」
星華不斷轉到其他題目，但始終沒有發現一條自己會做的。
他重新看了幾次題目後，居然睡著了。
「潘星華，時間到啦」一把粗獷說




「發生左咩事吖」星華用一把剛睡醒，柔弱的聲音回答。
「請你離開依個房間，考試已經結束」
「對唔住，對唔住」星華趕緊道歉，跑出考場。
門外是等了星華良久的阿平，阿平立即衝上前問
「星華，仲咩咁遲嘅」
「我係入面訓著左阿」
「訓著左」
「你係做完訓著左？」
「係直接訓左」
「咁你會」
「會唔合格嘛，我知」星華打斷阿平的說話
「不如我幫你補習啦」
「唔使啦，最多咪唔pass」
「唔緊要跟住仲有體能測試」
「隨便啦」




星華低頭離去。
來到體能測試的現場，星華望著那條障礙賽的跑道，雙腿已經不斷發抖。
他看了看周遭的人，握緊拳頭，下定決心，跑走。
「唔好走啊，星華」阿平喊
其他的學員都掩著嘴笑，有些更說：
「地球人，真係垃圾」
星華沒有理會他們，直接跑回宿舍，抱頭大睡。
「潘星華，潘星華，請你立即去到星際使大殿」
趴在床上的星華掩著雙耳，繼續睡。但是廣播並沒有停下來。
他最後還是從床上起來，去一趟大殿。
「潘星華，你直接缺席左最近嘅兩次測試，你有咩解釋？」
「無」
「我剩係想知我師傅嘅調查點樣」
「依樣唔關你事，如果你唔合格嘅話，阿洛就再唔會係星際使，你亦都同我地無關係」
「哦」




「我希望你可以諗清楚」
「咁我返去先」
星華一直在大殿兜圈，看著人群來來往往，不禁想起第一次來到這裡的畫面，但這一切不再。
看著殿外的風景，星華突然想到去森林散心。
他沿著大橋走到森林，看著這裡一片雪白的風景，星華也露出了久違的笑臉。
星華沿路走到森林的深處，不知不覺來到了心之湖。
他心想：依度咪就係據聞會回應星際使問題嘅地方
湖面突然映出星華和阿洛冒險的片段，然後又映出星華在地球的日子。
看見這麼多的回憶，星華的眼淚潸然而下。
最後一幕是他和阿洛的一段對話：
「咁你到底係咩人啊」
「我吖，其實我係一個四周圍旅遊嘅遊俠，穿梭宇宙嘅旅者。」
「我可唔可以跟住你遊走依個宇宙，我都想探索依個宇宙，我一直都好想咁做架啦。」
「你咁細個，同埋其實我做嘅野好危險架」
「你唔係旅遊姐咩」




「其實我真正嘅身份係星際使，遊歷宇宙只係表面我做緊嘅野，其實我真正做緊嘅野係監察依個宇宙嘅秩序。」
「星際使，我可唔可以做架」
這刻的星華抬起頭，說了句
「多謝，我明白我要做咩啦」