是咁的，我嘅職業係動物傳心師: 20.以後都追唔到

大B係一隻德國牧羊犬，雖然同狼狗有差別，但對無研究動物嘅人嚟講通常會搞錯。依種狗智商高、外貌凶猛、身手敏捷。

「嗰日大B係想追⋯⋯」我伸手阻止阿麗講落去。

「我想聽大B自己講。」

淚水漸漸染濕大B雙眼，人與狗有數之不盡的生理差別，淚卻一樣。

「我想追，搶嘢嗰個人。」





德國牧羊犬，適合做警犬。大B嘅夢想，係做一隻警犬。

跛腳嘅人，可唔可以做短跑奧運選手？唔可以。

殘奥永遠係殘奥，唔係真正嘅奧運。

下顎嘅傷令大B失去撕咬嘅力量。

「我嗰陣追唔到⋯⋯我以後都追唔到⋯⋯」





大B希望自己終有一日可以做到警犬、追壞人，依個係佢嘅夢想，問題係寵物嘅所謂夢想，就算係主人都無辦法理解。

阿麗從來無諗過帶大B接受警犬訓練，亦從來無諗過要大B做警犬；對阿麗嚟講，大B從來都只係寵物。

並唔係任何人嘅錯，只不過係一直無辦法互相理解。