是咁的，我嘅職業係動物傳心師: 14.佢都唔知我咩事

阿麗笑逐顏開：「啱呀啱呀！終於搵到個真嘅動物傳心師喇！」

「既然你隻大B唔合作，咁我唯有問你喇。」

大B繼續避開我嘅視線，望住藍天。

「聽飽佢啦你，佢都唔知我咩事。」大B嘅語氣有種囂張嘅氣焰，但其實摻雜咗無人明白自己嘅孤獨。

咁又係，最親嘅主人唔明白自己，同最親嘅屋企人唔了解自己一樣，都份外令人覺得無奈。





陌生人唔理解自己，一笑置之；最親密嘅人唔理解自己，欲哭無淚。

我暫時斷絕咗同動物溝通嘅感官，專心去聽阿麗講嘢。