【港產超級英雄】奇俠: 序

序

晚上，灣仔警察總部頂層的一個會議室內。

房內坐著西裝筆挺的香港警務處處長及一名肥佬警司，在場還有一名白袍科研人員－Dr. Chan，一頭灰白髮色，架著厚重的老花眼鏡，駝著背子的他更顯矮細身軀。 肥佬警司與Dr. Chan皺著眉，沉著臉，除了會議室內的冷氣聲外，現場鴉雀無聲，氣氛嚴肅。

突然，坐在旁邊的肥佬警司拿出一份計劃書，「啪」一聲，把計劃書放在枱上，遞向坐在主席位的警務處處長－曾卓宏。

只見計劃書封面寫有「Top Sceret：Super Cop Project 」。





處長冷眼一看計劃書。
 
「未得！」
處長率先打破沉默說話，回應計劃書。

「處長，之前佔領單野，加埋初一暴動，打後只會不斷有更多抗爭事件發生。你都知佢地既武力加強左，普通既警員已經唔足以應付班癲狗架...」肥佬警司憤慨說出。 

「佢講得啱！加上我既研究初步實驗已經成功左，理論上我地已經可以改造到一個完美既警察出嚟。唔洗好耐，Super Cop就可以代替現役警員...」Dr. Chan搶著補充。

「我同意！不過...依樣並唔係最急切既野...」處長搶著回應。





肥佬警司及Dr. Chan一臉茫然。

「有咩急切得過依樣先！？」肥佬警司急著回應。 此時，處長反而從旁再拿出另一計劃書，遞向他們，凝重說道：「依加先要解決左依樣野先。」

第二份出現在枱面的計劃書封面寫著：《清拆九龍寨城公園事宜》

肥佬警司把處長遞來的計劃書打開。「九龍寨城公園？處長你咪玩我地啦，拆個公園仔有幾重要呀？」 肥佬警司一笑回應。

「和實地產既白嘉昇同政府傾掂左，要攞塊地皮發展。我地警方要全力配合今次清拆行動。」處長解釋。





「清拆個公園仔咁細單野，唔會影響到Super cop計劃既，不如...」肥佬警司死心不惜。 「唔好講咁多廢話，我落咩order你地就照做！」處長堅定地說。

「哦...哦...係。」肥佬警司呆呆回應。 

「仲有！拆寨城單野我已經有一個人選負責今次行動。」處長示意肥佬警司打開計劃書。 

肥佬警司見狀，便打開計劃書查看，其中一頁寫著：「黃祖琛總督察。」 

「依...依條友癲狗嚟架喎！」肥佬警司看見黃祖琛的名字，反應奇突。 

「我就係鍾意佢夠癲！」處長向肥佬警司拋下最後一句，頭也不回離開會議室。 

處長走後，肥佬警司與Dr. Chan仍呆坐會議室內，互相對望，對清拆寨城公園一事感到疑惑。





——————