一教瞓醒變妹妹<<少少甜，卜卜脆>>: 第九十二章
第九十二章霧
望住山頭上既火海，我不禁擔心，儘管祖先同葉恬都神人般既存在，但係咁大架飛機撞埋山，可以有命係還真有d渺茫。
火光過後，我見到山頂上出現閃電，並且係很多閃電，緊接著又出現新既爆炸同藍色光影
依d閃電反而讓我安心，說明祖先同葉恬仲活著，不然對方唔會憑空發射出閃電進攻
我要快d同小依聯絡同會合！
小依降落點在距離我大概二百米外地方，果邊樹木算是比較稀疏，但恰巧我同小依相會地點之間有一片小樹林
大概兩分鐘後，我同小依會合，小依用兩塊大樹葉遮住前面兩點
我紅住臉問‘小依，你發生咩事？’
但小依一臉興奮說‘主人，跳傘好好玩，我降落果時比d樹勾爛左d衫！‘
好彩我有多件外套，我諗住走上前比件外套小依，鬼知，地上既樹根太多，絆倒係小依身上，我合埋雙眼，心諗仆街喇！‘啊！！！’
咦！好軟呀！有d野入左口，仆街喇，唔通食泥？但味道又唔似
‘主人，，，，如，，，如果你想飲，，，奶，可以！但，，抱歉，小依暫時未有！’小依滿臉通紅地說
‘唔好意思！’我即刻從小依身上彈開，遞件比佢，心諗我真係死仔包，祖先岩岩先墮機，我仲係度享受“飲奶”既滋味！好彩變左女仔，唔係一定扯爆𣄃！
大家都未有下一步的計劃，在一個陰涼地方坐低，緊張地望住著火既山峰，葉恬叫我地保護佢妹，佢同祖先去同天龍家掌門打，依個方案搞到我同小依好似一個閒差一樣，同時心裡又擔心著祖先佢地，搞到我地食唔安，瞓唔落！
十分鐘後，山峰上火似乎小左好多，同時冇哂d閃電同葉恬果種藍色道術，唔知係降服左敵人還是被敵人降服
我本來想打個電話問一問，但又怕假如佢地係度躲藏時電話響，咁就仆街喇，所以我一直唔敢打電話問問。
而家我地點算好？齋坐係度？山頂果邊祖先佢地又唔比我去，就算去，依度距離山頂咁鬼遠，我地去到估計都要好幾個小時之後！
正係我心煩意亂既時候，身後森林裡突然轟隆一聲巨響，緊接著就撲來一股氣浪，差d將我地沖倒！
我心裡一驚，趕忙回頭望過去，發現身後既樹林裡簡直似係被小行星撞擊一樣，都歪七扭八地四散著！並且圍繞著一股濃濃的霧氣！
我同小依立刻企起身，警惕地盯住依團詭異既霧，毫無疑問地，依個不尋常的事肯定唔係巧合，
果然，團霧裡漸漸走出一個人影，慢慢的，慢慢的，步伐不慌不忙
期間我已經悄悄地將離姬拔出刀鞘，怕佢突然突襲，然而奇怪的事發生！佢行到霧既邊緣竟然停下腳步，只係企係旁邊！可惡！就差一dd，我就能見到佢廬山真面目，我地只能見到佢既身影，有一米八幾左右
我地雙方都按兵不動，就咁僵持著，似乎都在觀望，突然身影居然消失，也可能係霧更大，完全遮住佢，但我心裡更加相信佢係消失！
我抱緊懷中既666，睇黎葉恬留低我地兩個來保護666係有原因，直覺話我知，霧裡果條友係唔簡單。
“主人，你睇！”小依突然叫我一下，同時指一指旁邊，
我順著住佢指方向望過去，霧居然像蛇一樣動，並且似係想將我地包圍！！
見形勢不妙，我立刻捉住起小依隻手叫：“跑！”
可是霧似乎感覺到我地既動作，速度比我地更快，僅僅一瞬間，就將我地圍住，緊接住霧氣就變得更大，更濃，簡直係伸手不見五指！
依條友絕對唔係省油既燈，一路上我遇到敵人很多，但冇遇過係咁戰鬥！佢唔硬上，證明佢唔輕敵，而選擇依種奇怪開場，也一定有佢既目的。
“小依！唔好走散！”我衝身後喊一聲，好彩岩岩我一直捉住佢隻手，不然現在連佢係邊都唔知道！
“好，主人，我地拖住手，防止走失！”小依大聲說，
我剛想回答，卻又聽見小依大叫：“快鬆手，快鬆手！”聲音之急容不得我在多思索片刻，下意識，我就把手鬆開。
但剛剛鬆開，小依聲音又響起：“主人，你為點解鬆手？你係邊？”
乜話？ ！唔係你叫我鬆手嗎？ ！ ！我疑惑地問：
“小依，岩岩唔係你叫我鬆手嗎？！”
“冇啊，我岩岩都冇講野啊！”小依係遠處回復到，
我心裡一驚，岩岩把聲音絕對冇可能係我聽錯！果種聲音的焦急程度，絕對唔係幻聽！
但係依個時候，我聽到另外一把聲：“小依！我係你前面，快d面前走！！”
今次令我震驚，把聲音竟然係我！ ！ ！但我根本冇講野！
慌忙之下，我大喊：“唔係我講架！依度有人假扮我地把聲！”
“咁我點算，我已經向前走，，，”小依把聲音似乎遠一d，
唔得，我唔確定係咪真小依既把聲，亦唔確定小依係咪真係向前走。我屌！而家陷入我最唔鐘童既局面，好似被人玩緊咁！唔知道相信邊把聲，唔知道向邊個方向行！
總之我現在第一次感到一種怯陣既感覺，望向四周全都係白茫茫既霧，根本唔知道該向邊個方向邁出一步！焦急令我額頭不覺間都漂哂汗
鎮定！而家我最需要係鎮定！只要冷靜落黎，一定有辦法可以解決！
於是我平復一下緊張心情，突然間，真係比我諗到一個方法！
開起通靈萬物，我仍然聽到小依既聲音，依把聲冇可能造假
只聽見小依著急地說：“主人！你係邊？你點解突然跑去白霧裡面？！”
我，，，自己跑進入去白霧裡？ ！