一教瞓醒變妹妹<<少少甜，卜卜脆>>: 第八十九章
第八十九章千鈞一發（上）
“天，天童！”我大驚，立刻諗到佢瞬間移動能力！
條仆街肯定係估我地計策，想在路上阻攔我地
葉恬猛地甩一下佢右手，隨即車窗外半空中立即出現藍色“影劍”並且飛速沖向天童。
頓時在車窗外掀起一場爆炸，即天童立即就從爆炸產生的煙霧中飛出來，雙手各握著三條閃電鞭。
當我未來得及反應，祖先和葉恬突然猛地將我地全部都按倒，幾乎同時，我頭上感到一股熱流劃過，再起身回頭望時候，發現整車上半部分都被整整齊齊削掉！切口處還隱隱散發出溫度過高的火紅色和陣陣熱氣。
一睇就知道被閃電鞭削掉！我驚訝之餘，立刻就去望一望前面司機大哥，好彩司機大哥冇事，佢都避到岩岩一下致命一擊！
回頭望，發現天童仲係車後面瘋狂地追趕，佢既速度，居然同車差唔多！wholly shit !!車現在時速七十公里！佢到底係點做到架？！
但我地一車上也都唔係咁好惹，一個葉家掌門，一個天下第一（六百多年前），仲有一個南山墓主！
講起小依我立刻諗起，之前天童見到小依既八尾，嚇得立刻就逃跑，點解今次咁鎮定？唔只冇跑，仲要追上黎？
我凝結左幾團鬼火向後飛過去，可惜都冇命中！天童實在係太敏捷，鬼火依種法術仔係佢眼裡估計就小學雞法術！的確係，同葉恬既“影劍”比，我鬼火真係蚊同牛比！
車外公路上就好似電影裡睇既警匪追逐戰一樣！互相交火，不過我地用全部都係道術！一時間各式飛行道術在空中和地面上互相點起火花！場面好壯觀！
可惜小依對自己既能力仲係唔太了解，不然我地一定可以在多有一個強力助手！
只是我現在心裡還有兩個疑問，第一，天童點解咁夠彊自己單獨黎，佢一個人定唔可能將我地打敗，佢黎既的目的係咩呢？第二，天童係有瞬間移動的能力，點解佢要用追車依種方式？
我立刻將兩個疑問提出，全車人隨之一震，隨即祖先立刻就說：“弊！”
我再望一望葉恬臉色變哂，我就覺得更奇怪？點解佢地倆個表情咁怪？但我再一轉頭，就明白喇！
前方，我要去既機場，已經燃起熊熊大火，，，
屌！我地中左緩兵之計！條仆街黎既原因就係為左拖延我地，等其他人有時間炸機場，從而迫使我地係陸地上去龍結山！
我心諗，今次玩撚完！然而葉恬卻堅決說：“繼續前進，我地仲有機會！”
我明白佢指既機會係乜野，有一點我可以確定，就係機場並冇被完全破壞，否則天童冇可能仲追住我地！天童未走，也說明我地仲有機會！
“羅，點火！”葉恬突然向司機大哥說，
點火？咩點火？火箭升空嗎？，，，
屌！居然真係火箭點火！只見司機嗯一個帶蓋子的按鈕，隨即車尾變形出兩個類似小型火箭噴射筒！
“嘭”一聲，兩個加速器同時點火，一股巨大的壓力頓時襲上黎！我地全部被壓力壓著坐到座椅之上！葉氏集團一定睇得占士邦太多，不過真係好型！簡直係完全反映左男人既夢想啊！
架車已經冇左車頂，風將我地既腮都吹到像水一樣泛陣陣“波紋”！足以見車既速度！我艱難的回頭望一望車後天童，已經離我地好遠好遠，當遠到我快見唔到佢既時候，天邊出現一道閃電，我知道，佢又走撚左
我艱難的再次轉回我個頭，猛然發現前面儀錶盤上車速已經達到時速三百公里！真係同坐火箭冇乜分別，不過好彩去機場條路唔多車，唔係既話恐怕加速器我地根本沒有機會用！
轉眼間，我地已經到達機場外圍，發現四周有些消防車，但唔見有人，咁就更加奇怪！
機場裡不時冒出大火，爆炸聲音不斷，我驚訝我地該如何入去？！就算進入到去，我地架飛機仲用唔用到依然係個問題！
“快！我會用防火術幫你打開一條通道！”葉恬卻叫我地向前行！說完直接沖向前去，用手係空中一指，前方的火焰居然就像被分隔開一樣，向四周散去，中間的一條圓筒狀通道！勁過摩西分紅海
“快！依條通道堅持唔到好長時間！”葉恬向我叫，
“哦，好！”我而家冇時間再猶豫，入去睇下先知道！
隨即我抱住666，帶住小依同祖先飛速向裡面跑去，通道裡真係一d火都冇，而且一d都唔熱！真係暑期必備良品法術啊！
依條通道唔算長，我地好快就通過到外面既建築物，到左機場內部停機坪上，裡面情況就好多了，畢竟冇建築物比火燒過既痕跡
最後，葉恬也飛沖入黎，但佢d衫上，多少有d燒焦既痕跡，估佢應該係係最後一刻先衝入黎才
機坪上所有飛機都爆炸哂，我心裡不禁一涼，心諗唔通真係冇辦法？！
但葉恬卻對我地揮一揮手說：“行，飛機在前面！”
我極目眺望，可是前方空蕩蕩一片機坪，邊度會有飛機？但葉恬堅持和肯定，必定有佢道理，我地加快腳步跟過去。
我地行下行下，祖先突然問，只聽到：
“奇怪，點解依度一個人都冇？”
祖先一問，我地全都停下腳步，係喎！冇可能冇人，隨即我就又諗到門口果d空蕩蕩既消防車，冇理由會咁巧合，依度d乘客同工作人員都疏散，咁前來消防員去哂邊呢？ ！
我突然就感到有人好似有人啤住我一樣，猛然回頭，頓時感到後背發涼！因為我居然發現距離我大概十米遠左右，火堆之中有一對眼睛正惡狠狠啤住我！