一教瞓醒變妹妹<<少少甜，卜卜脆>>: 第七十九章 相見
第七十九章 相遇
天童？ ！祖先岩岩話依個人係天童？ ！ ！ 依班人個個都返老還童？ ！葉恬，天童都係，估計剩下兩個天龍家人都係！天童真係人如其名，佢塊臉長得非常稚嫩，就似一個十四五歲小朋友一樣，睇樣邊個會估到，佢其實係一個六百多歲既死老野？！
見到我祖先出面，天童窒左一下，停止手上既攻擊抬起頭。
我而家先睇清楚佢個樣，佢個樣似小朋友一樣，並且皮膚係雪白，望住佢就有股冰封千里的寒意！
“喲，藍如天，你總算出面，你依個係咩造型？！”天童的語氣裡有股明顯的嘲諷意味！依一點同佢相貌倒是極不相符。佢既寒意同葉恬既寒意比人既感覺係唔一樣，葉恬係有種令人捉摸唔到既寒，而佢卻係帶著濃濃的主觀情感！
“你係度搞事，唔通係想死嗎？！你唔知依度係邊個既地盤？！”祖先的氣勢亦係非常的強大
“我知道！你地而家係東山墓主既庇護下，但係我而家只要將你帶走，東山墓主佢點都奈我唔何，亦唔會搵到你！更何況，，，”天童說到依度時候竟然不語，反而詭異地笑一笑！
“更何況咩？！”我語氣硬朗地問
“更何況如果東山墓主知道你係依度，恐怕事情對你地更不利吧！當年既事情我都記得，當事人更加唔洗講！”天童講既每一句話似乎都在針對祖先，眼睛裡也放射出更加凶狠的殺意。
“好喇，識趣既就快d過黎！免得我又大開殺戒！”天童突然朝我地發瘋一樣大叫
“我就係度！有種既過黎捉我丫笨！”祖先又放出豪言壯語！令我諗起上次祖先同葉恬交手的情形！我本來以為事情會順利發展，然而，，，
祖先一躍而起，竟然又跳回我的袋𥚃！ ！ ！
屌！ ！ ！祖先啊！您講到咁鬼豪邁，現在跳返入我個袋裡咁樣衰？ ！
天童直接飛撲過來，伸出右手就想搶我個袋，佢而家手上全係閃電啊，同雷神差不多效果！
下意識地我一個舉手，用離姬的刀刃直接擋住天童的右手！令我驚奇的離姬刀居然係唔導電！手上完全冇被導電的感覺，果然天下寶刃真係勁！
當我以為我死裡逃生，對方直接飛起一腳，將我踢出三米多遠，離姬也脫手，我迅速起身，想凝結藍火，可是敵人已經近在眼前，我趕唔切喇！
只見眼前電光一閃，，，我心中緊張到極點！心諗要召喚今翅仆街鳥！自己都閉上雙眼，等住依刻既來臨。
但三秒鐘過去，我感覺好似冇都冇發生！就睜開一隻眼睛望一望，發現閃電並冇劈向我，反而一下子將天童掃到好遠，我立即睜開雙眼！發現原來係捉妖人同和小依返黎喇！ ！ ！
而岩岩果一條閃電，就係來至捉妖人既天怒書！
“啪嚓”天童推開壓在身上既枱櫈，再一次企返起身，佢好似只化衣服污糟少少，個人就好似冇乜受到傷害一樣！
“你個細路，係天龍家人？！”天童眼中閃現出很大的驚訝，
“係！我就係天龍家人！你係邊個？點解會識天龍家既道術！”龍騰反問，語氣裡已經感覺到佢既怒火中燒！
“呦呦呦，見到同門不至於咁嬲吧？！”天童笑著望向捉妖人，但我卻覺得天童係不懷好意！
“我理得你係乜鬼同門！我嬲既原因係你打我既朋友！”龍騰講完就撕左三頁閃電紙，扔向對面的天童，只可惜天童的身手亦係異常敏捷，三兩下就避過捉妖人既攻擊。
趁著依個空檔，小依趕緊扶著我向房子外面走。
天童一見我想跑，立刻就把注意力放到我的身上，僅僅一個甩手，隔空就出現了一條閃電鏈，直接朝我飛來！
閃電鏈的速度幾乎同光速同等，眼見就要打中我既時候，小依突然猛力地一推，將我推向一邊，自己正中左果一招！
“小依！”我大喊道，同時捉妖人猛力地轉身，一臉的驚詫和愧疚，彷彿心裡在深深的責備自己，，，因為捉妖人並唔知道小依係南山墓主，佢一直以為小依係一個普通的女生！
但閃電過後，我發現小依仲企係原地，身上不只一d傷都冇，反而更氣勢加逼人！
只見小依瞬間就伸出佢既八條尾巴，頓時有一股強大的波動向四周散開，像惠佢依種普通人甚至受氣流影響都跌倒！要知道依個只係小依將尾巴伸出來，將自己的完全形態釋放出黎，並冇任何的攻擊動作！
“八，八尾！！！”天童的眼神中出現左極度驚訝的目光，似乎深深唔敢相信眼前的景象，佢連聲音甚至都出現因為震驚和恐懼而發出的顫音！
不僅只係天童，捉妖人的眼神中亦係極度的驚訝，嘴巴都O哂，臉上的表情似乎都凝固！佢肯定估唔到，平時同自己一齊返學一齊放學既同學竟然係個八尾狐！
我不唔太熟悉狐族，但我知道八尾在狐族中已經係一人之下，萬人之上的實力，至於八尾相對於整個世界黎講到底有幾強，我都唔清楚。但睇到捉妖同天童既神情時，我似乎明白，八尾已經唔係一般的強大！ ！ ！
“可惡！今日先放過你地！”天童惡狠狠講完依句話後，猛地一抬手，天上頓時出現一道閃電直劈向一佢自己，轉身之間，佢就隨著閃電一齊消失在我地眼前！
捉妖人仲係呆在原地，唔敢相信自己的眼睛，手裡甚至還捧著佢本天怒書。
見到天童離開，我喘一口氣，從地上企起身跑向小依問：“小依，你冇事吧？有冇受傷？”
聽到我叫佢，小依立刻回頭向我說：“哦，主人，我冇事呀！佢果種劈電好似抓痕一樣！”
小依還笑嘻嘻地望住我，可能小依以前亦唔知道自己的身體已經變得如此厲害。
見到小依冇事我安心哂，我又轉身望一望捉妖人，示意佢將手裡的天怒書先收好。
捉妖人見到我向佢示意，先好似如夢初醒一樣，立刻收好手裡的天怒書，向我跑過黎
一臉激動向我說：
“星月，究竟發生左咩事？！”