一教瞓醒變妹妹<<少少甜，卜卜脆>>: 第七十五章 再次赴約
第七十五章 再次赴约
又打乜鬼啞謎？！上次署名個葉恬都算，好歹係個人名，今次666係乜鬼？！ 召喚魔鬼嗎？痴線
今次葉恬既信又係短短一句話，依然冇地點時間，每次都當我金田一咩？
我低頭，一臉無奈，將手裡的信交給祖先。
祖先拿過信，臉上竟然也泛起難色，望一望我說：
“依封信奇怪，上面既冇密文，亦冇咒術唔似上次封請柬，就只有簡簡單單一張紙上面寫左一句，字仲要寫得咁醜樣！！”
呃，祖先個重點放左係字醜...咁就麻煩，竟然連祖先都唔知道當中既玄機
然而就在我地面面相覷，百思不得其解時候，窗戶又響“咯⋯⋯咯⋯⋯”，我地再一次齊齊轉過頭，發現果隻黃色貓又在敲窗門！
我見狀趕緊去把窗打開，貓竟然坐起來，好似人咁坐起來！從嘴裡又吐出一張小紙條！吐完之後，本想瀟灑轉身離去，但無奈差錯腳，直接跌左落街！好在依隻貓身手敏捷動作精準，在空中跳到二樓的窗台上，然後跑走。又係一支箭咁跑走，好似驚比人捉到咁
我拎起貓又吐出來的字條，上面寫著“大和廣場，明日七點。”背面仲有字，“哈哈哈，冇諗過吧！”
我頓時覺得非常無語，依貓係度做乜野呀？！依兩張字條和頭先果個貓既舉動已經完全令葉恬在我心中偉岸高大的高人形像大打折扣！ ！ ！
而祖先睇完字條，又摸起下巴，做沉思狀對我說：
“恩，依封信而家睇黎有d蹊蹺啊。”
“蹊蹺？”我問
“以我對葉恬既了解，佢應該唔會用依種方法聯繫我地，你同葉恬亦有短暫接觸過，佢本人既氣場你也應該領略過。”祖先望住深思地我說。
祖先咁一講我也覺得唔對路，葉恬比人一種一句廢話都冇既感覺，佢比我既請柬也是真正“高端大氣”同岩岩那個貓送來既信兩個完全唔係一個風格！
“等等！你地係度講緊乜呀？！點解好似講唔明咁？”企係一邊惠突然插一句，
我同祖先同時把臉轉向佢，好像我倆而家先發現依度仲坐多左一個活人！
“額，依件事我地都係等聽朝先講吧！而家已經凌晨，大家都係瞓多一陣啦！”祖先望我一眼說
“哦，，係係係！我地先瞓覺先，瞓醒再算！”我心裡很清楚祖先咁講係為左唔好將惠牽扯埋入黎。
講完依句話，我猛然意識到一件事！就係現在我要去邊瞓？同惠瞓埋同一張床？ ！恐怕唔太合適吧！！雖然佢連飛機都幫我打過，現在祖先同離都係度，一齊瞓有損惠聲譽
但惠卻拉⼀拉我隻手，低著頭輕輕地說：“可以哦，一齊瞓。”
Wow ！依句話簡直如啪左一支興奮劑直打我的靜脈心跳加速
“你，，你唔好誤會啊！就，，就只係普普通通瞓教！！！”惠見我一臉想入非非既表情，立刻紅著臉解釋
“唔好，唔好！你瞓先啦，我係幻境裡面瞓過，而家唔算眼瞓。”我趕忙推辭惠一番“好意”。
“哦，咁我瞓喇。”惠講完之後，竟然真係一係我隔離就瞓低，一分鐘後就瞓著左，佢應該好攰喇，果然真係好可愛！
我在床邊搵左張櫈坐低，就聽到祖先在用萬物通靈同我交流起來！既唔會被其他人聽到，又可以交流信息，依個技能簡直係間諜必備！ ！ ！
“孫仔，而家我要話你知一件事。”祖先突然好認真
“咩事？”祖先一面嚴肅，我有d唔太適應，聽祖先既口吻似乎係有咩大事！
“其實今次亡靈幻境我係故意裝作休眠。”祖先慢慢地
我屌！！咁惠打飛機既事你咪知道囉？！你扮野？！
“我要休眠咁先更逼真嘛！你唔係係我休眠既時候做左d衰野吧？！好喇，你唔好扯開話題，而家講既真係正經事！”
聽左祖先咁講，我坐企一下身，
“其實我地入左亡靈幻境之後，我就發現有人跟著我地！而且有兩個！”
“兩個？！”聽左依句，我心都寒一寒，
“第一，就係惠既“有緣人”離姬，但第二個，我都唔知係邊個，能夠係我身旁將氣息隱藏咠好既人，一定係一個絕世高人！所以我先要收埋氣色，睇下佢地露唔露面，但可惜，到最後我都冇引到佢出現，連佢個樣子都冇見到，僅僅能感覺出佢一dd微弱氣息！“祖先對住我講
原來如此！怪不得祖先寧願要我裸體闖異界，也要假裝休眠，睇黎係早有打算！依個信息確實唔可以明講，否則就會打草驚蛇，現在敵在暗，我在明，確實唔可以輕舉妄動！
“咁下一步，我地要點做？”我問
“現在見一步行一步吧，你聽日先去赴約，睇下係邊個人，睇下有咩目的，但你一定要小心！”
“恩，依個您放心，我唔想再參加乜鬼訂婚典禮！！”
諗到依度，我猛然開自己一個玩笑，心想上次係訂婚典禮，今次唔知會唔會結婚典禮？ ！但係隨即我就打消左依個念頭，今次係咪真係葉恬發既請柬我都唔知道呢！
同祖先傾完，我就係書桌上趴，瞓左幾個小時，，，
為左去大和廣場，我提前向店長請左假，亦冇話比捉妖人同小依知道，自己帶著祖先就悄悄地七點鐘左右跑左出去。
當我坐完地鐵，穿過茫茫街道趕到大和廣場之後，我傻眼了！依個 廣場竟然就係我地第一日傳送黎日本公園旁邊既廣場！屌，浪費我d錢，白坐咁耐地鐵！感情我是來回坐了兩遍啊！
廣場我係到左，但依個廣場太大！ 點去搵依個人？連個基本相貌都唔知道！
突然間，我諗到喇，於是快步跑向我地被傳送既位置，果然我發現了果隻獨特的貓！
果隻貓見我到左，亦向我走過來，就到眼前突然一陣旋風！刮的方圓幾十米的人都睜不開眼睛！ ！我心諗仆街，唔撚係咁快中左敵人埋伏掛？！
但好在依陣風僅僅持續幾秒就停，我撐開眼睛，竟然發現，面前站著一個長著貓耳朵的黃頭髮可愛少女！大概一米六五左右身高，身上既衫都係橘黃色
唔通，，，依隻貓，，係，，
“你好，我係666！”