一教瞓醒變妹妹<<少少甜，卜卜脆>>: 第六十七章 異地空間
“孫仔，孫兒！快d醒！快d醒，，，”迷糊之中傳來祖先既聲音，
“恩，，係祖先嗎？我地係咪係下面相聚喇？”我慢慢睜開眼睛，頓時既景象就嚇我一大跳！
眼前既景象完全係異世空間！我地兩邊都係陡峭山崖，而我地則中處於山谷的中間，情景真係好似盜墓迷城既 風格！
“祖，祖先！依度係邊度？！”我一臉驚訝問
“哎，講起就羞家，估唔到中左咁簡單既招數！依度係亡靈幻境，
“哦，依個一陣再講吧！我先睇下惠小姐有冇事先！”我轉身就想將身邊依然昏暈左既惠叫醒，但卻被祖先一手捉住。
“做咩呀，祖先？”我奇怪
祖先冇講野，而用手指一指自己。我屌！我如夢如醒！係喎！
“係喇，祖先，你快d幫我變一套衫啊！男裝您冇幫我變過！等我諗下要咩款式好！”我興奮地講，因為祖先法術係針對一個人一種形態只能變出一種類型衣服，而我因為可以變身，所以獲得兩次機會！今次一定要祖先幫我變一套超型既衫，配合冒險感覺至得！都係唔好，低調奢華都唔錯，嘿嘿！
就在我正在諗緊要超型冒險定低調奢華好既時候，我猛然聽見身後傳來惠咿呀聲音，應該係差唔多瞓醒時會發出既聲音！
唔得，唔可以再拖！
“幫我變套型仔衫！”我向住祖先大喊，與此同時我身上閃現一道金光。
而身後既惠也岩岩醒來，順勢我就做左一個型post，準備令惠驚嘆一番。
但金光退去，我一睇全身，居然只有一條藍色底複！屌！我又唔係superman,型乜鬼！ ！
岩岩醒來惠見到我只係著住一條藍色底褲係佢面前，並且仲擺左個post！
“變態！”惠再次大叫，衝上來就又想送我一巴如來佛掌！
但今次我醒目喇，岩岩聽到佢喊變態時候，我就已經意識到佢想做乜，所以早早就做好防範的準備！
我向下一蹲，惠就打左空氣，佢真係天然呆，我估佢用力過大，不單止打空氣，由於用力過大，身體重心不穩，就要向前仆去。
因為我岩岩好蹲下避佢既如來佛掌，起身扶佢已經係黎唔切，但聰明既我急中生智，立刻伸出我雙手去托住佢！
一股非常柔然和富有彈性的觸感就湧上我手掌上
！
等我穩住之後，我先發現，我岩岩情急之下，伸手托住竟然係惠既.....,！ ！ ！
Oh,仆街喇！ ！ 又要嘆如來神掌，我倒抽一口涼氣！！
我再望一望惠，正緊閉著眼睛，同時一臉驚恐，佢以為岩岩果一下必定會仆街吧！
依個架勢我唔敢郁啊！我一郁，佢就真係要仆街，我唔郁，只能夠繼續托住佢個胸！
咁幾姿勢維持左五秒，惠終於慢慢睜開眼睛，仲帶住懷疑既表情，大概係度諗緊點解我冇仆街呢！ ？
惠一睜開眼，就立刻發依這個情況！佢塊臉就紅哂！同時大怒對我大叫：
“八佳！死變態！快d放手啊！”
佢一大叫嚇我一跳，下意識我就放開手，但係依個角度下我放手，惠只能繼續向下跌！
果然，惠再一次大叫著向下仆街！而我更慘，我正好就係佢下面！
望到佢仆落黎既樣，我不禁也閉上眼！緊接著就感到額頭一痛！同惠既重量，我仲感覺到抖唔到氣！嘴被壓住！令我幾乎無法呼吸，於是我猛地用嘴吸一口氣，結果氣冇吸入黎，嘴裡感到吸入不明液體一樣！
咩黎架，我立刻睜開眼睛，嚇到撐大隻眼！
因為我，我，我嘴正吻在惠嘴唇上！咁，咁我岩岩吸入去既係，，，
啊！ ！ ！我猛地想趁惠睜開眼睛前將佢推開，我用手握住佢肩膀，佢就也睜開眼睛，岩岩微紅的臉現在紅簡直像發燒一樣！臉頰溫度也不斷上升！
惠立刻企起身，同時不忘對我臉左右開攻！屌！但我都明白佢現在心情！被一個只著底褲既變態襲胸，仲被強吻，而且吻得咁用力！
惠對住我臉猛揍足足有半分鐘！終於捂著臉企埋一邊喊，屌，我想喊就真啦！我喊冤呀，我冇諗過對佢有非分之想，被佢以為係變態都算，臉上現在仲多左唔知多左幾多紅手印！
啊，，，我都捂著臉，躺在地上二分鐘後，望一望一邊既惠，雖然冇喊，但仲係捂著臉，我估佢應該係怕醜到極點！
“誤，，一切都誤會啊，，”我試著對佢辯解
“你收聲呀！”依舊埋著頭坐係一邊
睇佢依個架勢，一時半刻我恐怕係水洗都唔清喇，袓先係咪玩9我架？！變條底褲比我就係超型既衫！ ？
“祖先！我既超型衫呢！？做乜嘢變條底條比我！”我朝著祖先大聲叫，其實我心裡已經充滿了無奈，，，
“啊！孫仔，其實我都唔想架啊，岩岩我已經在心裡幫你構思好一身超型既男裝，但無奈前日法力消耗太多，只能可以變住一件先啦！已經算好架喇，起碼遮到重要部分先啦！”祖先唔好意思地講
“普通一件都好啦！而家點，，”我話未講完，祖先卻指一指我的身後，
我一回頭，見惠正一臉驚奇望住我，問我：
“你，你同緊邊個講野？”