一教瞓醒變妹妹<<少少甜，卜卜脆>>: 第六十五章 安置
我扭過頭唔去望捉妖人，依個樣太瘀啦！我地依然處於別人視野焦點，一舉一動地被人注視
頂！依個東山老妖真係想玩謝我！
我慢慢地行落樓梯，係眾人火熱的目光之中行返位，因為東山老妖將我打扮成咁樣，我冇辦法繼續在安心食食，草草飲兩口飲料就想走開。
“星月！”捉妖人突然在我身後喊道
天啊！其實真怕別人問我原因，依種情況我亦實在懶得同別人解釋！但偏偏依個情況一定要對捉妖人解釋，畢竟點解個朋友一上樓，落黎就變成一位漂亮的女僕了呢？ ！
我無奈地轉過頭，剛想解釋無語的原因時，捉妖人倒是先開口：
“唔錯呀！好可愛啊！”講完向我笑了一下就坐低。
依一下我根本冇諗過，佢，捉妖人竟然忍住心裡既好奇，就咁乾脆的坐低！佢依一個舉動令我對佢產生唔少好感，當然，只係友誼上！我變左女仔姐，未接受到斷背情！佢大概亦睇得出我唔係好想講依件事吧！所以才強忍住自己既好奇心。原諒我以前一直以為你係個傻仔，估唔到你係一個為朋友著想既真男人！
我也對佢微笑一下，然後轉過身去，一剎那，感覺心裡放鬆好多！只係端茶送水姐，應該唔太大問題！
於是我同小依就在店裡忙起來，平時睇落覺得工作好簡單，一做落去發現唔係像想中一樣！好幾次其他女僕都提醒我要笑，唔好表情咁僵硬！我都唔想咁僵硬，做女僕要求多多，例如給客人上菜時候要喊主人大人！我地明明生活係人人平等年代，做乜鬼野搞奴隸制！聲線要好似揑住喉嚨咁講野，如果我係男仔聽到會好爽，但現在要我咁講，我想嘔呀！！我頭先係鏡度見到自己，雖然好可愛，但一諗到我其實係男仔，就覺得自己好似變態易服癖
在店里工作時候，我一直係度諗，點解東山老妖會走到日本呢？ 睇個樣佢係日本生活左一段很長時間，，，
我猛然諗起！並冇人講過狐族四位狐王統領的區域只局限一個地方！只不過係四片局域分界點在我地既城市！即係話好有可能依四位狐王係以某個地方作為中心店，從而分割整個世界！ ！屌，咁咪超屈機！ ！ ！
諗到依度，我轉頭望一望另一邊既小依，不禁出神搖一搖頭，依四分之一世界既總統，應該係國王更合適！居然係我僕人！而且現在居然係依度端茶送水，如果客人知道佢顯赫身份後會係一個咩表情！恐怕食之不得下嚥正適合佢地！
想想真覺得匪夷所思！
而捉妖人就一直賴在位上，用極慢既速度在喝一杯可樂！哈哈！依個小子臉皮真係成吋厚，咁多客人在排隊都入唔到黎，而佢卻能厚住臉皮一個人佔著四個人位子喝可樂！！
不過他正好可以幫我睇袋！包裡祖先唔知道現在係度做緊乜？
祖先！係喎！！我可以叫祖先再給我變一身普通衫出黎啊！就算係我地校服都好，但是也比我身上的這件好的沒影啊！
機智！我不禁再一次佩服起我自己既機智！實在太醒喇！
就係咁，我同小依做完第一日工作！到左晚上七點我地就收工，被東山老妖安排住入員工三樓宿舍，範圍好大！有好多間房，三房一廳既設計！各種家電家具一應俱全！最主要只有我地幾個人住啊！睇黎東山老妖肯定唔少賺，再加上依度既員工都係東山老妖請的，更加唔會虧待佢地。
我開心到就衝左入去，揀左一間睇落唔錯既房！揀完就同帶我地黎既甜美可愛日本妹松下惠講，因為房間總共有三個係單獨，所以小依冇得對我施襲喇！
然而正當我高興地在床上滾來滾去時候，我突然感到祖先正用通靈萬物同我交流！語調還好奇怪。
祖先成一日都冇講過野，現在居然突然用咁神秘既語調同我講野
“孫兒，你有冇發現一件怪事？！”
“咩事？今日既怪事實在太多喇！”我在心裡默默地笑
“唔係呀，你睇下，我地傳送之前係月亮岩岩出黎既時間，亦即係傍晚！但係我地到依邊居然係早上！我特意睇一睇車站既鐘，我地到依度既時候快到十二點！日本係有時差比我地快一個鐘，咁推斷既話，時差係冇可能！仲有，依個本來係好明顯既事，點解我地一直都冇發覺到！”
祖先一講我立刻如夢初醒！係喎，依樣野好明顯的，但係我地咁多人除左祖先以外都冇人察覺到！身體到現在也冇覺得特別攰既感覺！因為我地黎左依度之後又工作左半日！儘管依個身體好屈機，但係連續工作左兩日，冇休息過我還可以感覺出來的！
諗到依度，我立刻去隔離房問捉妖人借個手機，打開一睇，果然不出我所料！我地在天台果天係五月十九日，而現在已經係五月二十一日了！中間少左一日五月二十日！
我立刻跑回房驚人將消息話比祖先知，祖先沉思一會：“恩，睇黎件事有d眉目！當年我暈左之後亦係發現日期後左一日！不過最近你千萬要小心，一定要對東山墓主保密我既存在！此外，因為琴日，唔係，係前日我用左比較多靈力同葉恬作戰，最近幾天我好需要休息，所以更要提高警惕！自己小心d！”
呼！睇黎目前形勢有d嚴峻但又有d突破！現在諗咁多亦冇太多作用，只能見一步行一步！好在東山老妖冇對我地有不利既意思，反而係在我地最需助既時候，實實在在幫左我地一下！
我岩岩想再同祖先傾多幾句，就突然聽到我房間門柄有人係度擰緊！係邊個呢？現在都將近十一點！捉妖人同小依應該已經各找一個房間睡覺去了啊！
我不自覺緊張起來，門漸漸被推開，一睇，原來係日本妹子松下惠！
“你，你走黎做咩？”我疑惑問道
“嘿嘿，依度就係我房間啊，今天以後我地就要做室友喇！”松下惠一笑，甜甜的
屌！我嗅到一股伏味既味道！因為，因為！依間房間裡就只有一張床啊！