一教瞓醒變妹妹<<少少甜，卜卜脆>>: 第四十七章 再奪初吻
香香係度輕笑依一下又令我心裡小鹿亂撞，真係有一種“不如就做女仔同香香she she 算啦！”依個念頭浮現左出黎，仆街！唔可以咁架，咁同冇“撚”用有咩分別？。依種諗法太危險！唔可以咁！
“仲係度傻笑？！快著衫啦，唔好凍親！”我將香香放低後故意背住佢講，，，
“星月，你先係快d著衫，呆左企係度做乜？”香香係我身後提醒我
我一驚，係喎！我自己企係度做乜！我要快d著衫啊！
隨即我一個轉身，就係岩岩轉身到後面既一瞬間！我個嘴唇就感到一陣柔軟觸感，我心裡立即充滿驚訝同奇怪兩種情感，驚訝係咁突然既觸感，奇怪既係我掂到d咩！ ？
我立刻就定眼一望，居然不偏不倚地錫了香香嘴唇！ ！ ！ ！而香香亦同樣一臉驚訝，但係佢係帶住驚喜地望住我！
我嚇到立刻向後跳開足足有三米距離！同時用手摀著嘴，語無倫次地講
“對唔住，我，我，，我唔係特登架！係意外！”
香香害羞地望向地下，明顯可以係睇到佢臉微紅，細細聲講“星月，你果然係鐘意我既，我都係拎衫比你先啦！”
屌！今次水洗都唔清，佢離sheshe之路愈黎愈近！佢既提醒我又發覺我未著返衫！好彩今次係女仔身面對女仔，唔係上次對小依咁，女對男
“衫呀！”香香把遞衫比我，聲音羞答答，更挑動我既心！當我著bra既時間，香香伸手去我胸前，幫我扣上鈕扣，右手一野捉住我胸，幫我撥背部既肉去胸前，有時有意冇意掃到我胸前粒點“呀⋯⋯嗯！”我忍唔住叫出聲
著衫時候我本來仲擔心尺寸問題，後來著上身我先發現香香bra既尺寸居然同我著既幾乎一樣，只係緊要左一d，令我個胸顯得更豐滿，唔怪得d女仔特登著細d 個size 既bra
香香仲幫我著底褲，我急忙拒絕！我即刻快手快腳咁著上！香香走埋黎，伸手向我“妺妹”，手由下而上，細細聲係我耳邊講“睇下岩唔岩身？”手停係底褲邊輕輕彈左下
啊啊啊！我唔可以再受依種刺激，我即刻著好衫，我快步向女浴室外面走，想趕快離開依個尷尬既地方，香香同我再一路返回既時候一直都冇講野，我亦冇講野，兩個人就並排行，我感覺氣氛有點尷尬，，，畢竟岩岩我被人抽哂水，我女仔身既初吻“又”冇左，，，
回想更衣室裡錫左香香果一下，又感覺速度實在係太快喇，只係單單感到好柔軟，我就嚇得向後跳，係電光火石之間再加上我好激動，根本冇體會到乜野感受啊！諗到依度，我就又覺得稍為覺得有少少可惜，，，畢竟係自己最鐘意既女仔嘛
“你丫媽搵你，你丫爸搵你......”我電話突然響，接通發現係靈風打黎，電話傳黎一陣興奮既聲音“星月，我地岩岩打電話比你，你可能沖緊涼冇聲到，我地已經去到定左既房喇，係四樓401室。”
401？我不禁諗，好有酒店鬼故feel，嘿嘿，不過應該冇事既。
當我同香香坐電梯到四樓後，係我地出電梯的一瞬間，我就被深深震撼住！！
我們眼前一條清幽蜿蜒，非常長既小橋一直通向中間一座古色古香木質亭，小路下面同亭子下面全部係平靜既水面，四周全部都被黑暗所籠罩感覺一下進入深夜一樣，天花板上有繁星在閃光，望上去就好似係真正既銀河一樣！除左我地食飯既亭院同蜿蜒既小橋係出水外其他地方都係平靜既人造湖面，，，比人一種幽幽既感覺！
依間酒店真不愧係五星級！氣勢直接秒殺我地依d死窮鬼！有錢人低調奢華既享受！
我同香香慢慢從橋上走過去，果然有股舊友相聚既感覺同莫名既感動，但其實我地才岩岩見過面，，，
係亭院裡坐定後，就發現中間係一張大枱，香香同班長坐係我左右，而捉妖人同靈風似乎岩岩經歷左一場爭奪我對面座位鬥爭，，，而小依坐係班長隔離
晚餐中我地都很好開心，白酒都飲左兩支，啤酒就更多到數唔到，
“星月，你哥呢？”班長突然紅著臉向我問，我唔知道佢係醉定害羞，佢依個問題確係個貨真價實既“問題”！
“星月，你哥哥返左黎？係邊啊？”靈風一聽到，馬上問，畢竟係老友
“啊，依個呢，我哥哥佢係返過黎兩日，佢今日太攰就係屋企休息！”我勉強作個藉口
“哦，，，”班長聽到今天男版既“我”冇黎，明顯有d失落
“我明日去搵你哥吧！我好耐冇見過佢！”靈風似乎不依不饒，
“哦，，咁好啦！”我要圓謊上只好話好啦
食完飯後，我地都有d醉，除左我之外，我發現我變成女生之後，即使飲哂成支威士忌都冇絲毫醉意，甚至臉都係正常顏色，只係稍稍紅潤一d。
小依就唔得喇，佢只係喝飲左一杯酒，就醉醺醺，差d就爆我果晚係屋企冇著褲！好彩及時封住佢口
我地係酒店門口互相道別，捉妖人堅持要求送我返屋企，而香香同靈風一齊被專車送屋企
係我走出大廳時，發生一件令我感到匪夷所思既怪事，一個身穿西裝既男仔迎面撞到我。不過撞的力度不大，一d都唔痛，隨即我就感覺手裡好似多左樣野，我立刻抬頭望一望佢個樣
但是依一瞬間實在太快，我只睇到一張白皙但係冷俊面孔，冇睇得看楚，只係感覺到眼神格外犀利，投射出穿透一切既寒意，，，
果個人之後就飛速地走左，速度出奇快地！好似係耍功夫咁
我又睇一睇手裡，發現竟然係一張請柬！打開一睇，上面寫“明日月初之時”然後就冇，，，真係奇怪，拍古裝片咩？係送錯請柬吧？！八成係玩野嗎？！
我接著向下又睇有睇，發現受邀人居然赫然寫著我名字“星月”！而邀請人下面寫住一個我從來冇聽過，更冇見過既名字————————“葉恬”