一教瞓醒變妹妹<<少少甜，卜卜脆>>: 第四十四章 南山墓主

第四十四章 南山墓主

“處理緊要事先啦，孫仔。”祖先突然係背後講，提醒正我，確實要令小依成為南山墓主先係最最最重要既事！

“小依，你而感覺點樣？身體有冇唔舒服？！”我趕忙衝出房間向小依問

“冇唔舒服，，，身體冇乜問題，我感覺法力增加，身體好似更有活力！。”小依回答，然後仲向空氣比劃幾下李小龍既動作，，，

好吧，不過，我琴晚見識到小依而家既能力確實唔同尋常，應該係確實有巨大既提升





“好喇，祖先，下一步我地要點做？”我回頭問，

只見袓先一副沉思樣，飛機杯扭下扭下，，，

“孫仔，你叫小依玲向天空發一枚示意性狐火，佢肯定知道，狐火一出，就代表有人自薦成為新一代墓主。到時候其他三大墓主都會到場，來見證同考核新一代狐王。”

事不宜遲，我立刻拉小依飛奔上樓頂天台，小依向一天空發一發狐火，我唔知道狐族係點規定依種狐火，反正我係睇唔出狐火有咩特別

發射狐火之後，我望住天空，發現乜變化都冇，唔通係因為我地日光日白放個煙花睇唔清楚？唔通其他幾位狐王都冇睇見？





頭頂一片湛藍天空，除左幾舊雲同間唔中飛過既雀仔之外乜野都冇，開始果陣我仲企住等，過左十來分鐘都未見人影我同小依就坐低等

結果我屁股接觸到地板，天上立刻烏雲大作，三種顏色烏雲從三個方向同時向我地依邊湧黎！如同三塊巨大黑布從三個方向開始遮住天空一樣，景色相當的壯觀！

睇到咁宏偉既陣勢，嚇到我從地板企返起身，同小依一齊仰望天空，

“邊個邀我地黎依度？”天空出現一陣雷般既聲音，但係好明顯唔係北山老妖既聲音，而係一位聲音更加渾厚既人講，唔清楚係邊一位狐王

聲音過後緊接著三團烏雲匯成一片，從中央降下三個姿態曼妙，面容非常美麗既女人，個個年齡睇落都似二十歲出頭既樣子，，，但氣質卻給人一種非常威嚴同不可侵犯既感覺。一睇就知係首領所具有既氣質同霸氣。





依三個女子裡我一眼就認出之前令我好煩惱既北山老妖！唔通三個美麗女子就係三位狐王？ ！屌！性別歧視，唔通狐族冇男性？！或者狐王難道係靠選美？

而家根本唔係研究依個既時候，我唔知道狐族係咪真係冇男性，但我面前三位女性所散發出黎魄力絕對唔會輸比任何男性首領！三個人企埋一齊，從天空而降既時候，我甚至都有行禮既諗法，，，

“人類？點解會係度？”其中一位紫色瞳孔狐王見到我之後有d不鄙既感覺，而北山老妖因為冇見過男仔既我，所以時唔知道我就係琴晚同佢戰鬥兩個人其中一個人，至於小依，佢雖然見過，但而家就冇乜多講，

“我係小依小姐既管家，我要跟隨我既主人！”我搶係小依前面先講，眼下依個局勢如果講我係小依既主人恐怕唔係好太合適吧，，唔通要佢地承認我一個人類做左一方狐王既主人嗎？ ！

“哦，咁都無妨，但係找個人類當管家，你真係奇怪呢，廢話唔多講，我地黎係第一個要做既任務就係考核你有冇當南山墓主既能力。”其中一個藍色瞳孔既狐王對我地講左一句

“西山墓主，你先去睇睇佢法力有幾深。”藍眼睛望一望紫色瞳孔狐王講，咁藍色瞳孔既狐王就係東山老妖？我而家先發現，其他兩位狐王似乎都對依位東山老妖非常恭敬，我估係幾位狐王裡佢輩分同能力係最強。

西山老妖點點頭，然後就向我地走過黎，氣場非常既有霸氣，真係會令人忍唔住想行禮！

走近後，佢拉起小依一隻手臂，僅僅用佢另一隻手係小依手腕上點左三下，就轉身對其他兩位狐王講：“至少千年道行，法力頗深，足夠當南山墓主既最基本要求。”聲音波瀾不驚，好像一點能擾亂佢心智既野都冇。





“孩子，你冇可能生存多過有千年既時間，你既法力係邊度黎？”中間既東山老妖語氣平向我地問

“我，，我既法力係之前我既主人南山墓主既狐珠裡所賜。”小依剛開始還有d猶豫，但依句話最後語氣十分堅決，小依應該係唔想比人睇到我地冇氣勢

一聽狐珠兩字，右側北山老妖臉上頓時閃過一絲驚訝同憤怒，但係一秒唔夠，又恢復頭先平和既面容，我甚至都懷疑係咪自己睇錯

“哦，既然係從前主人既狐珠所賜，咁都無可厚非，只係你既狐火，需要比我地睇下。”東山老妖繼續說道

小依立即就召喚出好多狐火，我數一下，一，二，三，，，，八！竟然一次性召喚出八團藍色狐火！點解既？！千年道行最多只能有六團狐火啊！再睇睇小依既尾巴，居然有八條！太匪夷所思了！八尾係需要三千年以上的既道行才能修成！一個千年既狐珠應該唔夠架喎？！點解會咁？！

唔只我，連面前兩位狐王都好驚訝，只有中間東山老妖依然係波瀾不驚既表情，當佢睇到藍色既狐火，眼神中有d奇怪！

剩下既事就如我所願，小依被其他三位狐王一致贊同成為新一代南山墓主，而北山老妖亦懼怕自己之前既行為被發現，悄悄撤走留毒氣，同學同Miss 也都正在康復中





只係，小依點解會有八尾呢？多左二千年修行 ！仲有，東山老妖既奇怪眼神係點解呢？ ！