一教瞓醒變妹妹<<少少甜，卜卜脆>>: 第十九章 she...she...

屌。。。發生咩事？我既女神？！

“星月，其實我第一次見到你就鐘意你，但係我怕你認為我係變態，所以，，一直，一直都唔夠膽表露出黎，但係今日係更衣室入面我見到你也睇我，所以我認為你係咪都鐘意我呢？”香香輕輕地係我耳邊說

我唔知點解，自從變成女生後耳仔後面就變得特別敏感，香香而家係我耳仔後面講野，佢口呼出的氣同講既野，現在同時令我身體同心靈都係覺得敏感著，觸感似係蘇蘇麻麻既感覺。

依家我心裡面，百般滋味在心頭，我鐘意既岑麗香居然係she she ！仲鐘意女仔version 既我！依個係對於我黎講究竟係好消息定係壞消息？！

“但...你，你都係女仔喎……”我驚訝之餘斷斷續續說



“係呀，但係我以前就對於鐘意男仔定喜歡女仔一直都冇非常明確既界限，今天中午你保護我既時候我終於確定，我要鐘意女仔！因為女生都可以好勁，一d都唔會輸比男仔，亦可以好強大咁保護我。”香香回答道

我屌，我我我，我今日害到我女神變左質！！本來係個比較正常既女仔，結果我今日一個美人救美人就將佢變成了一個she she ！

“啊，唔好！”我輕輕嬌喘出一聲，因為香香已經一早把手伸進了我的睡衣裡！我後來才嚇醒，而家已經完全被香香纏住了，佢既左手係我胸上，右手係我條腰度，除非我跳起身一野推佢下去！不然我係擺脫唔到佢啊！

本來我瞓到矇曚鬆鬆，而家更像是眼冒金星，依個係乜野情故事發展啊！

係床燈昏暗燈光之中，我見到香香臉係羞答答，通面通血，原本以為睇佢個樣以為也不太敢做d太過份既野，但係眼下她既攻勢並冇停落黎啊！



現在依個情況好大獲！我令香香成了一個she she 啊！我變返男仔咁點算，我既下半生幸福呀！

“我都係再諗下先啦！”我一野孩頭鑽入被裡，同時大力往上一撐，因為今朝得到祖先既力量，我現在力道變得很強，所以直接就將香香舉起來。

睇到香香驚訝既樣，佢顯然係我既力量嚇到。但係下面佢講既野令我更架想暈低！

“睇唔出你手腳纖細，有強大既巨大力量！果然好值得依靠啊”並且還帶著一副崇拜既表情望住我！

我屌！死野，我而家最想將你掟你去咁遠得咁遠啊！



我將佢枱起身之後，迅速起身，同時將佢輕輕放係床上，然後箭一樣衝出房間，我而家極需要搵個地方冷靜一下！

出左房門，香香並冇追出來，佢也應該需要冷靜一下，我著住睡衣係走廊裡走來走去。

可能係頭先太過緊張，再加上臨瞓前飲左好多水，而家有d急0殊0殊。反正而家我都係冇野做，我就去我地果層既公共廁所。

現在選廁所我就唔需要太大掙扎抉擇，直接就入女廁所，然後隨便搵到個馬桶，一除褲子，我居然發現.....我既“寶貝”居然出現！ ！ ！

“Yeah !！點解咁既！”我一聲驚呼，我見返我既“寶貝”，好有失而復得既既感覺，咪住先，我而家係女廁，幸好現在半夜冇人，如果我現在係女廁所就尷尬大！

我掃視了一下我全身，確定無疑，我確實變回男生了！yeah yeah！

於是我偷偷將頭伸出去，確定冇人之後我先靜靜地從女廁所裡跑出黎。但是而家咁既樣子我點返入房啊！冇理由返入女生房間？ ！

我諗左一陣，都係覺得去死仔包間房比較好。



我慢慢返到房間，用預留的備用房卡輕輕地打開靈風既房門，然後摸黑潛入去。

佢當然唔會訂雙人房！只得一張大床！唉，意味著我今晚要同一個男人同床共枕！靈風好似瞓死左，根本完全冇感覺到又有一個人進了被窩裡！

算啦，變回男人依件事令我有多少開心既，將就一晚吧，順便諗下有咩藉口可以用來應付明天眾人既疑問！

但是我頭剛一躺下，就覺得好攰，不知不覺就瞓著左。

夢裡我感到好像有一團五彩的氣息係我身體裡流淌，感到非常舒適，好像以前身體裡不正的骨頭和器官都被矯正了，也感到身體裡氣血運行更加通暢。

一覺醒來，我發現天仲係岩岩開始光，眼前既靈風仍然瞓到成隻豬咁！

同時我聽到門外有聲音，好似係捉妖人同幾個女生把聲。



係喇！佢地一定係度搵緊我，更準確咁講，係搵緊星月！我用咩理由蒙混過關啊？

就係我係苦惱緊既時候，身體突然有一種陌生的感覺在胸口散開，僅僅一瞬間，我就又變返女仔！外面既捉妖人同班長就拼命地敲靈風房門！敲到好似拆樓咁！

“做乜鬼野咁嘈？一大朝早拼命敲門！”靈風瞓到半曚半醒，同時慢慢睜開眼睛。

下一秒，一聲巨大驚呼聲劃破天際！

“啊啊啊啊啊啊啊啊！，你你你你你你你，，，，”靈風睇到被窩裡我根本是驚訝到講唔出聲！

捉妖人係門外聽到我把聲，立刻一腳踢開房門，結果門外三人全都目瞪口呆。

因為佢地睇到，我正穿著一件鬆鬆既睡衣躺係靈風被窩裡，而靈風正上半身裸著從被窩裡起身！

屌，今獲誤會大喇！