一教瞓醒變妹妹<<少少甜，卜卜脆>>: 第十一章 班長的秘密

班長突如其來既一問，令我感到非常驚奇，仆街喇，唔通佢知道在我既秘密？

“呃。。。我唔係好清楚，睇下以後情況啦，係呢，點解你咁問？”我轉頭向班長說。

回頭時我突然發現班長現在眼光中閃過了一絲害羞感情，覺得更加奇怪了。

“哦，，哦，咁既，其實我有野想同你講，但你一定要保密啊！”平日氣勢凌厲既班長現在居然支支吾吾！

“發生咩事？我一定唔會話比其他人聽，放心靈。”





“我地去cafe 坐陣傾偈。”說完班長就拉著手走去咖啡室。

佢揀左一個比較隱蔽地方，搞到神秘 “其實...其實呢，errr... 哎呀！我鐘意你哥哥喇。”講完班長可能太害羞，一直冇抬起頭，用手不斷圈自己既頭髮。

嘩.....！我頓時感到心臟有負荷感，同時也感到腎上素激增！我好似玩緊跳樓機既感覺，我心臟快受唔住負荷。

“唔....唔會掛？我好似冇聽過他講有人鐘意佢。”我口塞塞說

“當....當然啦，我從來冇同人講過，只係係日記寫過，今天日第一次同其他人講。”班長立刻回答道





原來被我無意間睇到秘密日記上寫“喜歡的人”原來指係我啊！依個消太過震撼，讓我一時接受唔到！

“唉，你哥哥出國，我就冇機會了，所以想求你將你哥哥聯絡方法話我知可以嗎？！其實琴日放學同你走果時想同你講，但果兩個蠢才係度搞破壞。”班長語氣有d激動

“哦，，，哦，，，好吧，我哥知道有靚女鐘意佢肯定會開心死佢，嘿，，我哥電話比左我，我比佢FB 你啦”我驚魂未定，同時拿旁邊的紙寫比佢。好彩平時打機有多個帳號，而家正好應急之用！

班長拿到那張紙巾後顯得非常高興。

依個情況係我意料之外，睇著班長現在依個樣子，我真係有d同情她，覺得我變成女仔對佢有d愧疚！





“不如咁啦，我帶你去我哥以前最鐘意既地方！”為左彌補下班長，我決定帶佢尋找星夜以前既影子。

“好啊！”班長臉上立刻開朗了起來，拖住我手走。

於是由我帶路，直接進了一樓既機舖。

機舖一如往常咁多人，當然一定大多都係男性青年，見到我地入黎，很多人都停落黎望住我地，也許是驚訝，但更多係睇靚女既目光！

可能機舖裡聲音比較大，所以又很多人冇留意到我倆入黎，造成了一個比較方便環境，如果好似琴日放學咁就冇得玩喇！

黎到機舖彷彿返到了自己屋企咁一樣親切。班長則顯得有些局促，她可能是第一次黎。

我至愛既Biohazard,我立刻投了兩個硬幣，拿起兩把把仿真的Ak47電子槍，一把班長，一把自己抱在胸前，對著屏幕就是一通狂掃！

讓我驚訝係班長雖然是第一次玩，但係槍法非常神準，一槍一個敵人！而自己更加唔洗講，絕對係一個“久在戰場”既老手！





今天我手感特別好，已經突破了我以前同靈風一齊創下既最高紀錄！我感到神經非常準確同敏捷，眼睛的洞察力也更強。依個身體唔單止係體能方面敏捷，連神經系統都給變得發達？ ！

再加上班長不俗既輸出，我們兩個大將一路斬殺，引來了周圍人駐足觀望。

“依兩位靚女不僅生得靚，遊戲技術一流，又會打機做佢男朋友一定羨慕死人！”

“高果個更長得真是太吸引人！”

周圍人群漸漸開始傳出議論。我迅速掃視一回，發現已經被圍水洩不通！睇黎唔可以玩落去，不然又要引起學校門口軍隊又出現！

我拍一拍班長，微笑著：“我地玩完依局走，去第二度吧。”

“恩，好啊！”班長好似意猶未盡。





當我地剛放下槍想走之際，後面有一排人圍住我地，一睇就知係邊個一群小混混，企最前應該係佢地大佬。

“靚女，乜走咁快，同我地玩一陣啦？！”混混大佬猥瑣地說著

開場白也真夠老土，“我地冇時間，借過！”班長生氣回答

“嘿！小女孩要乖d，咁惡哥哥會驚驚！”後面既混混帶著猥瑣笑說到，然後就想上前動手動腳。

不知死活，我心裡暗暗地笑道，以我現在既身手，加我地既班長係百米能進十一秒並且空手道已經取得黑帶三段既女超人，嘿嘿，睇黎依班蠢蛋“今翅仆街鳥”！

正當我想出手打獲班蠢蛋，一個聲音突然響了起來。

“你地食屎啦！夠膽對我朋友出手！”

只見靈風既身影從人群中躍出。