簡介
一個一直不出名但對籃球充滿熱誠的城市,意外地因為五個被冠以奇蹟之名的學生而變得名聲鵲起,人們一向直以為是被神明附身的就只有這五人,但原來除了這五人之外,還有一個人有著像他們,甚至超越他們的能力,但他偏偏卻是個討厭籃球的人，所以他不但不想用這能力,甚至想避開這能力,所以即使他在籃球風氣盛行的這個城市,也顯得對籃球不感興趣。直至他遇上她......
奇蹟以外的奇蹟
| 作者 | 公瑾 |
|---|---|
| 類型 | 校園 |
| 狀態 | 未完結 |
| 更新日期 | 19-11-2017 16:20 |
| 文章字數 | 1204 |
| 點擊次數 | 75 |
"喂,你今晚放學得唔得閒啊?"
“得閒係得閒,但係你搵細佬有咩貴干先?"
我呢,就啊瑾,啱啱同我講嘢既,係同我由細玩到大既兄弟啊樂。
"我叫得你既,你話仲有咩。”啊樂一路笑一路好似好認真咁樣講。 "唔係又係戈味嘢啊話?我咪講過我對呢啲比賽冇興趣囉。"我一路講一路玩住我手上邊戈粒'扭計骰'。
"同你做咗十幾年兄弟,你就陪我睇咗十幾年波,唔係咁都唔陪我睇啊嘛。”佢係一個好鐘意睇波既人,由細到大,無論係班際又好,學界又好,所有有關籃球既比賽,佢都一場不漏咁睇曬,重點係佢場場都叫我去睇,呢下有問題啊嘛,佢好鐘意籃球,但係作為佢老死既我一啲都唔鐘意籃球,但係次次佢都一定要埋我去睇戈下先死啊嘛,真係唔知我地點樣做到老死。
"次次你都用呢招坤我陪你去,今次我就老虎蟹都唔去,睇你吹得我脹咩。"我用強硬既態同啊樂講。
"你確定唔去,等我仲約埋我地班啲女仔今晚去睇波,連Miki都去架,諗住叫埋你去,等你有個機會可以接近下佢添。"啊樂一面失望地說。
我一聽到呢句,即刻放低粒'扭計骰',搭住佢膊頭講:"我今晚好似又得閒喎,見你咁想我陪你去睇,預埋我啦。"
"嘩,有人一聽到Miki會去就即刻態度180度轉變喎。你唔係話老虎蟹都唔會去既咩?"啊樂一邊奸笑一邊同我講。
"今次仆街了。"我心諗,跟住我懶係冷靜咁同佢講:"邊有姐,絕對冇啲咁既事,又係話想我陪你去睇既。"
"咁陪我去睇姐係冇女都可以啦。"我地一邊行返課室,啊樂一邊講。
"你唔會係fake我掛,你係咪真係約咗佢地架。"我好驚自己中咗佢既新招。
"嘻嘻,你今晚準時出現咪知囉。"啊樂用神秘既目光望住我講。
"今晚7點,準時體育館見。"啊樂講完就行咗返自己個位到,得返我一個企係到。