《香港革命戰》(上): [21-爭分奪秒] PART 3
我地一行十二人以忍步全速奔跑!
當我地跑到去升降機前既時候...
「專為運送Sacred-Armor既裝甲運兵車仲未完全製作完成...」阿風既聲音由耳邊傳入。
『無時間再等，我地跑過去喇!』EVE系統知道我要徒步跑過去分裂之牆後，立即為我調教升降機升到地面。
升降機比平時既上升速度好似快左唔少...
係EVE系統為我地加快升降機既速度?定係我心理作用?
升降機一升到上地面，我立即帶住十一人跑出去。
跑出控制中心，跑到上公路上!
深黑色既路面上，只有閃著綠光既EVE粒子作照明。
公路上既車輛早就已經消失晒!
應該係EVE系統知道我地會用呢條路線，所以將所有車輛改道到其他公路...
係咁就最好，暢通無阻既公路上，可以為我地爭取更多既時間!
我地一直喺公路上跑，跑上架空天橋，好快...好快...
唔講唔覺，著上Sacred-Armor黎到跑，分分鐘仲快過坐車!
而家我地究竟跑得有幾快?
300km/h?!
眼前右下角顯示出白色外框框住300km/h既字樣...
無用精神液增強之下，單用人類既雙腿可以跑到300km/h?!
除左跑得快之外，而且一D壓力同累意都無...
Sacred-Armor會唔會太厲害喇?
當我仲打量梗Sacred-Armor可以有幾強大之時...
「距離分裂之牆仲有900米。」天欣既聲音由耳邊傳入。
我望一望右手邊，巨大既...厚實既...深黑色既分裂之牆…
前人所種下來既孽!
沿路開始向右轉，轉向靠近分裂之牆嗰邊。
「阿日，你打算點樣跨越分裂之牆既阻隔?」阿賢既聲音由耳邊傳入。
『直接用EVE粒子砲轟爆佢!』我一邊沿住公路往下跑，一邊向眾人發出指示。
「用EVE粒子砲?我諗未必得喇!分裂之...」我無等阿風質疑落去...
『而家咩都要試下架喇!再唔係借埋在場嗰十六部防禦者RU囉!唔係仲可以點呢?』EVE粒子砲已經係我地既最後殺著...
「我而家叫佢地準備。」天欣既聲音由耳邊傳入。
以我地十二個加埋十六部防禦者RU既EVE粒子砲...
無理由就連一個小小缺口都打唔到出黎!
我地喺架空天橋上一直向下跑，閃著綠光既世界之草草地開始進入我地既視線內。
我望住遠遠既分裂之牆牆身...望住分裂之牆既出入口...出現一個白色既三角形鎖定標誌。
『所有人以我既目標鎖定位置!準備而最大輸出發射EVE粒子砲!』我伸出雙手，對住目標...
綠色既三角形與白色既三角形重疊!
我見到...雙臂中間既EVE粒子越黎越光...越黎越光...
我一邊跑上世界之草既草地上，一邊為雙臂中間既EVE粒子砲聚集能量!
十六部防禦者RU已經並陣排開，伸出雙臂，直指分裂之牆!
60%…
EVE粒子砲既能量一直向上升!
70%…75%…
一定要成功...
85…90%…
我越跑越近...越黎越接近十六部防禦者RU...
95%…
一定要成功!
100%!
我雙腳急停，剷起世界之草草皮，雙臂指住目標位置:『EVE粒子砲發射!』
“轟”一聲巨響，二十八支發出強烈綠光既EVE粒子砲直射落分裂之牆!
閃爍既綠色光柱帶住閃電，能量相當強大!
被二十八支EVE粒子砲直接轟中既分裂之牆牆身發出強烈既綠光!
仲有大量既白煙!
當我地雙臂中閃爍既綠色光柱漸漸消失，厚厚白煙遮擋左我地既視線...
究竟可唔可以打開缺口?
唔駛太大，足以俾我地穿過去就夠!
厚厚既白煙慢慢飄散...
開始可以見到灰灰…黑黑既...
『點會...』我唔係好相信睇前既事實...
我望住白煙退散後...厚厚既...黑黑既...分裂之牆…
我一步一步行近分裂之牆…
絲毫無損...分裂之牆絲毫無損!
「始終都係無用...」阿風既聲音由耳邊傳入。
點會咁架...分裂之牆…只不過...
「太完美...佢既製造方法太接近誡律之牆喇...」阿風既聲音由耳邊傳入。
分裂之牆只不過...
我一步一步行近分裂之牆…
『只不過...』
我擺出拔刀姿勢，一步一步行近分裂之牆…
『只不過...』
當我行到分裂之牆，對住牆身使出拔刀術!
『你只不過...』
“嗡”一聲響，當High-frequency EVE blade既刀刃擊中分裂之牆牆身時...
“砰”分裂之牆既E.R.F.D.S.隨即發動，發出閃爍綠光，將刀刃彈開!
『你...只不過...只不過...只不過...』
“嗡”“砰”“嗡”“砰”“嗡”“砰”“嗡”“砰”“嗡”“砰”“嗡”“砰”“嗡”“砰”“嗡”“砰”“嗡”“砰”“嗡”“砰”
每當我斬砍一次分裂之牆，牆身既E.R.F.D.S.亦都把刀刃彈開!
「阿日…阿日…阿日…」阿風、阿賢同天欣既聲音由耳邊傳入。
『你...只不過...只不過...只不過...你只不過係偽神之物!』我無理會過阿風佢地...我無理會過E.R.F.D.S.有幾光，點將我彈走，我都一直揮動High-frequency EVE blade，大刀大刀咁斬落去!
點解...只係一道偽神之物，可以阻止我地執行神之命?!
點解呀?!
“嗡”“砰”“嗡”“砰”“嗡”“砰”“嗡”“砰
E.R.F.D.S.既綠光閃過不停…
就喺斬砍到我就黎失常之時...
「等我幫你。」有一把聲傳入我思緒...
呢把聲...呢一個女仔聲..
『係邊個?』我停左落黎...
呢把聲，好陌生...但又有D熟識...究竟係邊個?係邊個用思緒同我連接?
當我仲喺道猶豫梗究竟係邊個同我用思緒連接既同時，我見到我身處既周圍好似好光...
地面上既世界之草越閃越綠，越綠越光...
就連面前黑沉沉既分裂之牆亦都反射出綠色既光芒...
呢種光芒，係由上以下...
越黎越光...越黎越強...越黎越...
『近?!』我抬頭望上天空...
我見到...我見到...
『EVE?!』
“吱”EVE由ADAM中游到我地頭上…一直衝...一直衝落黎...直衝到分裂之牆!
“轟隆”一聲，一整條EVE直擊到分裂之牆頂部!
“吱...吱...吱...吱...吱...吱...”EVE帶黎既強光閃過不停，而且仲要一直向下衝破分裂之牆!
分裂之牆既碎片仲未及時飛出黎之前，已經俾EVE既強大能量毀滅!
“吱...吱...吱...吱...吱...吱...吱...吱...”好快，整條EVE衝到落黎我面前!
我身上既E.R.F.D.S.綠光一閃...
『嘩呀!』我俾EVE強大既衝擊波撞到後退左幾步!
“吱...吱...吱...吱...吱...吱...吱...吱...吱...”地面都開始震起上黎!
“吱...吱...吱...吱...吱...吱...吱...吱...吱...吱...”眼前太光喇...光到乜都睇唔到!
究竟...究竟發生梗乜野事呀?!
我已經唔知EVE係向下落，定係向上飛...
“吱...吱...吱...吱...吱...吱...吱...吱...吱...吱...吱...”我只係知好光...好震...好嘈!
“吱...吱...吱...吱...吱...吱...吱...吱...吱...吱...”
“吱...吱...吱...吱...吱...吱...吱...”
“吱...吱...吱...吱...”
“吱...”
嘈雜既聲音消失左...地面無再震…強烈既綠白光都退去...退回到天上...
面罩既遮光設定調節為正常模式...
唔係丫…
「唔係丫嘛?」阿風既聲音由耳邊傳入。
太...太厲害喇掛...
眼前所見...分裂之牆分開左兩邊，就好似每個月進入會議之時，分出一道通道一樣...
不過唔同之處係，而家眼前既分裂之牆唔係分出，係被破壞...
行近D睇清楚D...
裂縫邊飄出陣陣白煙...
受高能量衝擊後既痕跡...
再望望地下…被打穿一個大深坑!
坑洞深不見底...
究竟有幾深?
只見坑洞內有少量藍色既LILITH粒子飄出...
再抬頭望一望...
閃著暗淡綠光既EVE繼續喺深淵一樣黑既ADAM裏面遊走...
『阿風…知唔知頭先發生咩事?』我望住遊下遊下既EVE，腦海一片空白。
「唔...唔知...只係知EVE攻擊分裂之牆…」阿風口震震既聲音由耳邊傳入。
攻擊?
點解EVE會無啦啦攻擊分裂之牆?
“等我幫你。”?!
唔通頭先把女聲係...
「阿日，爭取時間。」阿賢既聲音由耳邊傳入。
無錯!已經時間無多!我地要阻止元朗領域刺殺李飛揚既行動!
『大家準備...』我後退幾步...『突入元朗領域!』
我以忍步跑向分裂之牆既缺口!
全力跑...全力跑!
『喝!』一個大跳躍，跳到空中，跳到剛才俾EVE打穿既深坑之上!
深坑裏面仲一直飄出陣陣LILITH粒子...
被藍色既空間包圍之下，我身上既Sacred-Armor既能源本來係無限，但而家就有些微下降...
喺呢個位置，無法吸取EVE粒子填補能量...
當我仲打量梗Sacred-Armor既能量下降速度之時，我已經差唔多跳到去元朗領域嗰邊!
我一個前空翻剷落世界之草既草地上面，擺出一個有型既落地姿勢!
我望一望四周，原來已經俾十六部防禦者EU包圍住!
睇黎佢地已經當左我係入侵者，鎖定為攻擊目標...
十六部防禦者EU同時向我伸出手臂，準備要向我發射EVE粒子槍!
我亦手握High-frequency EVE blade準備迎擊!
“焦焦焦焦焦焦焦焦焦焦”幾下槍聲，閃住綠光既EVE粒子光線由四方八面射埋黎!
“嗡嗡嗡嗡嗡嗡嗡嗡嗡”我立即拔出High-frequency EVE blade抵擋EVE粒子光線!
所有EVE粒子光線都被High-frequency EVE blade瓦解!
但同時我亦見到High-frequency EVE blade上既能源條急速下滑!
黎到元朗領域，果然吸唔到呢邊既EVE粒子!
“焦焦焦焦焦焦焦焦焦焦”十六部防禦者EU仍然不斷向我掃射!
「阿日!」阿賢既聲音由耳邊傳入。
只見阿賢一跳到落黎，一劍就斬到一部防禦者EU身上!
“吱吱吱吱吱吱吱吱”High-frequency EVE blade同防禦者EU身上既E.R.F.D.S.擦出強烈綠光!
綠光閃下閃，閃爍不停!
阿賢用力一拖，E.R.F.D.S.被High-frequency EVE blade瓦解，整部防禦者EU亦都分開兩半!
「阿日後面!」阿賢回身指一指我身後。
我一個轉身就見到有四部防禦者EU正要向我開火!
“焦焦焦焦焦焦焦焦”幾支EVE粒子光線射到我面前!
“嗡嗡嗡嗡”我再次立即揮動手中既High-frequency EVE blade抵擋EVE粒子光線!
但我把High-frequency EVE blade既能源即將用盡!
「阿日!」阿風同天欣既聲音由耳邊傳入。
“吱吱吱吱吱吱吱吱”兩件Sacred-Armor跳到兩部防禦者EU前，用High-frequency EVE blade由上至下，由左至右直砍兩部防禦者EU落身上!
“吱吱吱吱”不出兩秒，兩部防禦者EU同時一分為二!
「阿日!將High-frequency EVE blade收返入刀鞘!」阿風喺我前面擺出防禦姿勢!
無錯!可以利用刀鞘幫High-frequency EVE blade充能!
“嗡嗡嗡嗡”我揮動幾下手上既High-frequency EVE blade，收到入刀鞘裏!
接住落黎，其餘八位行者亦到跳到過黎元朗領域，“吱吱吱吱吱”砍開剩返落黎既五部防禦者EU!
“嗡嗡嗡嗡嗡嗡嗡嗡”各人將High-frequency EVE blade收到刀鞘後...
「Sacred-Armor果然吸唔到呢邊既EVE粒子...」阿風再望一望四周...
「而且連接唔到呢邊既EVE系統。」天欣亦望一望四周...
「利用High-frequency EVE blade斬砍E.R.F.D.S.亦會消耗大量能源。」阿賢亦都望一望四周...
『我地盡量唔好同佢地直接對決。』我亦都望一望四周...
無左EVE系統既幫助下，我睇唔到任何指示，任何提示...
睇唔到有無防禦者EU、數量有幾多、距離有幾遠…
我更加睇唔到路線、無路標、無地圖...
而家既我地，就只有靠Sacred-Armor既內建機能...
阿風行到去我地中間:「我地既能量無辦法靠吸取EVE粒子填補，所以我地要慳住用。」
『有D咩會用上大量能源?』我必須清清楚楚了解所有細節。
「首先係放射式武器。所有放射式武都會花上大量能源，特別係EVE粒子砲!所以我地一定唔可以用!」阿風指一指自己既手臂。
阿賢行到佢手下四名行者面前:「你地都要好好聽清楚。」
四名行者立即立正企好。
天欣亦向佢手下四名行者點點頭...
四名行者亦都第一時立正企好。
「Sacred-Armor上眾多武器之中，最省能源又最有效益既就係High-frequency EVE blade。除左攻擊，則都可以用黎做防禦之用。但缺點係喺呢道唔可以吸EVE粒子作無限能量使用，一定要放入刀鞘充能...所以一有空檔，就要將High-frequency EVE blade收返入刀鞘充能!」阿風拍一拍腰間既刀鞘。
「仲有既係，我地要將能量留喺防禦方面。」阿賢行到阿風身邊。
「無錯，我地要將能量盡量留俾遇到致命攻擊之時，發動E.R.F.D.S.為我地保命。」天欣亦行到阿風身邊。
『好喇，我地只用High-frequency EVE blade用作攻擊及防禦之用。主要向目的地進發，避免與防禦者EU正面衝突!準備展開三角陣式!』係時候喇...
知道要點就足夠...
『準備...』
各人有效咁各自散好位置…
唔可以再企喺道慢慢解說...
各人展開防禦意識...
『出發!』爭分奪秒!