灣仔之虎。。蘭桂坊揼「洋腸」: ( 7 ) 法網 / 天網 ~ 完 ~
( 7 ) 法網 / 天網
細傑：「虎哥，啲「洋腸」好大件嗰喎，你又唔準我出「老牛」，我驚食佢唔住喎。」
虎哥：「屌你咪生人唔生胆先得㗎，大佬喺度睇住，你驚乜撚？你係咪出嚟行㗎？！大件當佢豆腐啦。。埋嚟，過你兩招。。」
虎哥當下就教了細傑兩招，令其信心大增，之後再講：「嗱，到時好多細既睇實㗎，你「板」低件「大舊衰」，咁先威㗎嘛，畀位你上呀。」
大文身形比細傑高大，亦是虎哥左右手，拳頭交功夫不錯。打交當食茶仔A餐。
「碧BB」：「虎哥~ 乜唔係真係有得搞「洋腸」㗎？」
虎哥：「食懵你呀，「洋腸」，而家我哋呢道咁多條，你唔夠食咩？到時，你同婷婷去撩鳩兩條撚樣，攞到佢哋部手機就即閃，我哋就埋位「做嘢」。」
「碧BB」：「哦 。」
。。。。。。。。。。。。。。。。。
「蘭桂坊」
「碧BB」和婷婷將自己打扮到一身「我是找 ONS」的裝扮，姣氣沖天，二人細聲講，大細笑。。無耐，已吸引到多條「洋腸」游埋位，但都不是目標人物。虎哥離遠見到，打電話叫她們「唔好玩」。
「洋腸」横行，「姣西」吸引，果然是「 姣婆遇著脂粉客」，揮之不盡。趕之不絕。。兩女先後跟七八條講「fuck off」，仍然後繼新至，完全不用理會先前「失敗者」的教訓，真的「 勇者無畏，淫者無懼」。
終於，「目標」埋位，每邊一個，將二女「包沙」在中央。之後，虎哥跟大文，及細傑，亦在兩「洋腸」每邊再「包沙」。
全世界「各就各位」，二女見「自己人」「走位」，便知是「行動」時候。。開始「發姣」， 一搭即合，很快已經，挨身挨勢，摸手摸腳，二女姣完一輪，就攞手機出嚟同「洋腸」玩「自拍」，任得「洋腸」 又攬又錫，非常親熱，玩得不亦樂乎，兩「洋腸」完全不知覺大難即將臨頭，仲以為「easy kill」。
「洋腸」們只見如此良機，「集郵心態」下，當然亦不抬慢，各自攞出自己部手機，又玩「自拍」，拍完之後，笑口仍未合上。。兩女同時一句「Let me see」，「洋腸」已很聽話，交出手機。。
手機一到手。。！！ ( 呵，呵，呵。。show time！！)
同時，左面的細傑，一手搭向「洋腸A」的膊頭，身轉向細傑，還未看清楚，一杯烈酒已灑入眼，耳中好像聽到有人說「fuck with my girl ？」，下體已被撃中。。 彎腰，面部即時再被膝頭撞中。。倒地。
相同時間，右面的「洋腸B」，則被虎哥推的大文，撞入至「攻擊範圍」之內，「洋腸B」一句「 what the fuck?! 」，還未講完，已被批了一踭，眼睛還未有打開，雙脚已被人一抽，砰然倒地。
二人倒地時，「碧BB」跟婷婷已到酒吧門口。
此時，虎哥大嗌一聲「你做乜打我呀！！」，一眾本來部署四方八面的「古惑仔」，邊嗌「有人打交呀！！」，一邊東奔西走，將場面推至更加混亂，鳥獸散，當然離開之前，都路經倒臥著的「洋腸A/B」身上，踩上一兩下先，「蘭桂坊」混亂中人踩人，這不是第一次。
塵埃普定後，只剩下少數酒吧工作人員，和地上兩條不醒人事的洋腸。
當警察到場時，依照酒保口供，初步推察，是有人爭女，打架，「當事人」是兩條「洋腸」，送院驗傷。
。。。。。。。。。。。。。。。。
事後，虎哥將「洋腸」手機交給鵬 Sir，以警方「科技」，發現手機裏頭，「小如」只是十數「受害者」之一。
「阿虎，果然利害呀，其實我都有幾個伙記在場睇實，驚會場面失控，又或者攞唔到電話。。點知。。哈哈哈哈，你好嘢，不愧為「灣仔之虎」。」
「超哥過獎喇，碎料嚟啫，我見到你喺角落頭度䀫住，你都見到無乜難度。。我多謝你畀埋另外嗰十幾條「片」我就真，放心，私人珍藏，絕對保密。。哈哈」
。。。 一星期後 。。。
因有人當晚在混亂後，執到「手機」，交到「油麻地差館」，警方在「了解」失主是何人時，發現手機内藏有機主的「犯罪記錄」，正式起訴兩條「洋腸」。
『法網難逃亦能逃， 天網恢恢疏不漏』
能逃過法律，卻不能逃過良心。惡人自有惡人磨。 懲罰者，未必是正義之士，但天理不容的人，即使能逃出法外，卻逃不出天理下的懲罰。
~ 完 ~