小毒魔法狂想曲: 015 反擊之聲
「暫時我地知哥淑班友帶頭既係兩個叫奇虜同雷既人，應該都有八級水平。另外個啲都係三四級既雜魚，威脅唔大。同埋要去熄咗個古陣既開關以策安全，貝林話呢個陰山陣唔單止城外，係城內都可以發揮威能。」我簡單總結了敵人的情報。「最好就逐個擊破，搵人周圍故佈疑陣，分散對方兵力。」呢個時候缺乏實戰經驗的艾蜜莉自然搭不上嘴，只有拉斐爾提出了最核心的問題：「你地覺得個兩個首領要幾多人合作先贏到？」艾蜜莉缺乏經驗不宜近戰，由她作誘敵應該比較好。那麼該留三人對抗還是再派一人幫忙擾敵？我快速運轉著大腦，「叮！」，燈泡亮起了。
「我同拉斐爾打，衛斯理同艾蜜莉周圍放火兼搵陣眼。呢個係貝林比既地圖，標咗陣眼位置架啦。佢地而家只係知有一水一火既魔法師闖咗入黎，所以我有突擊既優勢。另外你地兩個熄咗個陣眼之後同時係唔同區域放火，可以令佢地以為個火系好勁，搞到佢地未必敢派太多支援去我度。」「得你加呀哥會唔會太危險？始終都係越級挑戰喎！」多謝韋利特關心，但是我還是相信我的計謀：「富貴險中求，同埋打唔贏咪閃囉！講走佬我真係未驚過！」艾蜜莉笑道：「得啦，知你威威啦無膽鬼！」連艾蜜莉都取笑我了。不過這樣也好，至少在嘻笑怒罵中，緊張的氣氛被緩和了。
「咁我地指意你兩個啦。韋利特，我地出去盡情燃燒啦！」這次輪到艾蜜莉急不及待了，難道火系的都是這般急性子？我從腰包取出數顆灰灰黑黑的小圓球，交到艾衛二人手中。「比啲好野你，呢個係煙霧彈，遇到唔對路就用啦！」二人一副你怎麼會有這些下三流用品的模樣。「咩姐，我係走佬專家嘛！」實際上是我從書中學回來自製的。
轉眼之間二人便跑走了，只剩下拉斐爾和我相視而笑。「你肯定我地兩個夠做架啦？」果然沒甚麼能瞞過他。「咁總唔可以比佢兩個有危險架，有咩事點交代？」「收啦，講到你好似好勁咁，最廢係你呀呢度！」他說的是事實，我也沒有放在心裡，反正我知我不會死，至少不是在今天。
「我地沿住岩岩雷行個邊搵起？」「微風擴散！」綠光吹起。「啱，行個邊，佢應該無同奇虜一齊。不過⋯⋯無野啦。」我有種奇怪的感覺，在上層某一個地方我完全感應不到，似是有人刻意隱藏，不過不是現在要關心的事，因為我找到目標了。
很快，我們便來到一道緊閉的厚實大門前。儘管沿路都有不少石兵和龍捲風阻礙，但又怎能攔得下的我們？拉斐爾手指一指大門，我也點一點頭，是這裡沒錯了。那股強大魔力就是由入面散出。拉斐爾用口型說：「數三聲就衝入去突擊。」我深呼吸一下，烈風彈已在手中出現。「一。二。三！」拉斐爾用盾牌撞開大門跑進去，而我則跟在他後方。廳中的雷大喝：「終於黎啦咩？」。之後隨即發動了電衝，帶著渾身的電弧正面迎向拉斐爾的盾牌攻擊。