小毒魔法狂想曲: 009 準備潛行
十五分鐘後，「搞掂哂啦！」比起上回還要快，也沒廢多少力。韋利特驚訝的說：「你個咩方法黎架？快得過份呀！」這全賴我記起師父當年的一句話：風系既核心就係旋轉，唔識轉既只能係微風，毫無威力可言。呢個為道理由基礎既亂流術到高階既颶風術都一樣⋯⋯只要令龍捲不再捲就可以了！是以我剛才想到準備一記反龍捲術。只要產生足夠相反的方向的風力，便能切斷龍捲風的旋轉。對一般法師來說，平白無故要使出反方向轉動的魔法是有困難，但作為一個左撇子，從小便習慣了。「逆·龍捲風暴！」一股翠綠色的龍捲在深綠龍捲風外圍形成並向內合攏，兩股力量一陣爭持後便雙雙消散。我再一招風刃便切斷剩下的連繫，還避免了爆炸。如是者，所有的龍捲很快就解決了。雖然單論破壞力和普通的龍捲術一樣，但誰知甚麼時候會用得上。
「虧你仲記得啲物理野喎！」「咩呀！我當年文憑試物理都考得唔差架⋯⋯」「不過聽講其他全部炒喎！」我沒有回答理會韋利特，直接問拉斐爾：「不過話時話點解要殲滅哂啲龍捲？拉斐爾微笑答：「咁我就覺得有兩個可能性。一，所謂既陣法係無人控制，自動運行既，咁我地消滅一個龍捲同消滅哂都無分別，確保我地架機安全仲好。二，一路都有人控制個陣，咁係你處理咗第一個既時候佢地已經知，咁一不做二不休，話比佢地知我地有返咁上下實力都好。」
「咁我地而家點？大搖大擺直衝入去？」韋利特的火爆表現慾又來了。我望一望拉斐爾胸有成竹的神情，已知他有了全盤計劃，便等他發表其大計。「始終唔能夠否定第一種可能性。更何況我地既任務係調查城堡入面有咩古怪，你直撞個啲叫破壞。咁啦，我地兵分兩路，一隊潛入城堡；一隊由大門突破，大家點睇？」
我對此舉並無意見，只是我比較喜歡潛行。「呢個方法幾好，中路突破個隊仲可以幫潛行個隊拉仇恨，有利隱藏。只係你想點分隊？利申我想潛行。」
「都岩既，講突破都係火系同水系呢啲大範圍攻擊較多既會好少少。反正我地有兩個火系，可以一隊一個。咁我地兩兄弟正面進攻，艾蜜莉就同Greendy搵機會由側面潛入啦。你地入咗去之後呢就去地牢搜查，我地就向上搜。盡量睇下搵唔揾到個陣眼，Ok？」
「可。」「正，有得同呀哥同隊！」「嘻嘻，好呀！」「咁我地休息多十五分鐘就出發啦，呢度有通話機，希望入面唔會有干擾。如果
有咩突發既，六個鐘之後係飛機集合。返唔齊都照飛返香港先，去公會搵救兵再黎過。」
趁著這短短十五分鐘，我趕緊問一問艾蜜莉：「你識唔識潛行？」「姐係靜靜雞咁行？應該唔會好難姐，本小姐一定無問題既！」我抹去頭頂的冷汗，看來有必要先解釋一下何謂潛行。
所謂的潛行，是指在敵人不察覺的情況下，偷偷地潛入對方陣營進行任務。過程中最重要的是如何隱藏自身氣息，減少暴露的機會。同時亦講究潛行者的精神力和洞察力，無時無刻留意附近敵人的行蹤以及臨危不亂。
我心中默默祈求，希望她不會在潛行期間胡來吧！