最後初中結局: 1.4

第二堂，我鼓起勇氣扮唔記得帶筆袋，問坐喺我隔離既佢借筆去寫碌史，跟住就開始傾計喇。

遲啲開班嘅英文課程竟然都俾我撞到佢…仲要同我一樣英文表達能力都係幾差…所以我哋兩個變得開始熟絡，同埋知道佢個名叫閻鼕琪，同埋佢讀邊間。

佢係第一次嚟呢間補既，但係我就都由我留班過嗰年嘅form one，所以都有一年，加上我只係science加英文，所以都識些少男男女女，見鼕琪新嚟新豬肉，就介紹佢哋俾佢識。

有一次我同佢補完之後一齊行返去地鐵站，跟住就知佢係住邊。

「欸…我要落兩層。」佢把聲真係好甜。





「你住邊？」我記得落兩層係去黃埔或中環架喎。

「太古城啊。」

「吓。」我即刻呆咗：「鰂魚涌？」

「係呀。」佢苦笑。