[真人真事][校園][純愛]《婚宴上的重遇》: 第八十八章
一路行返屋企我就喺度諗
![](https://lihkg.com/assets/faces/xm/oh.png)
究竟若凝講嘅係邊個
![](https://lihkg.com/assets/faces/xm/wonder.png)
以前我地一齊讀書嗰陣,
好似冇乜邊個男仔同佢特別有關係
![](https://lihkg.com/assets/faces/xm/oh.png)
但係聽佢頭先咁講,
又唔似係佢初戀男朋友
![](https://lihkg.com/assets/faces/xm/oh.png)
諗嚟諗去,
我都諗唔掂
![](https://lihkg.com/assets/faces/xm/clown2.gif)
沖完涼返到屋企,
呀成問我打唔打機
![](https://lihkg.com/assets/faces/xm/clown.png)
咁我就順便同佢傾下
![](https://lihkg.com/assets/faces/xm/angel.gif)
因為之前都有同佢講過,
今日我會見返若凝
![](https://lihkg.com/assets/faces/xm/angel.gif)
佢條八卦友,
都應該好想知今日發生啲乜
![](https://lihkg.com/assets/faces/xm/kill.gif)
我:「你條友無啦啦咁夜叫我打機
![](https://lihkg.com/assets/faces/xm/clown2.gif)
肯定有蠱惑啦
![](https://lihkg.com/assets/faces/xm/clown.png)
呀成:「睇下你死得未咋
![](https://lihkg.com/assets/faces/xm/kiss.png)
點呀今日點呀,
有冇同人地傾計呀
![](https://lihkg.com/assets/faces/xm/hehe.gif)
之後我就將今日發生嘅事同佢講晒
![](https://lihkg.com/assets/faces/xm/oh.png)
呀成:「你地進展咁快嘅
![](https://lihkg.com/assets/faces/xm/oh.png)
咁耐冇見,
又一齊食野,
仲送埋人返屋企
![](https://lihkg.com/assets/faces/xm/oh.png)
我:「其實我都估唔到咁快
![](https://lihkg.com/assets/faces/xm/chicken.gif)
呀成:「真心講一句,
其實我覺得若凝係鍾意你
![](https://lihkg.com/assets/faces/xm/oh.png)
以前讀書嗰陣都係咁講,
只不過係你條蛋散唔信
![](https://lihkg.com/assets/faces/xm/dead.gif)
我:「會唔會係咁呀
![](https://lihkg.com/assets/faces/xm/wonder.png)
佢頭先先同我講,
話心裏面有個人放唔低.」
呀成:「佢點樣講呀
![](https://lihkg.com/assets/faces/xm/wonder.png)
我:「佢話由去英國嗰陣直至到依家都冇拍拖,
因為一直都放唔低一個人,
返到嚟香港之後見返佢,
佢覺得自己仲係鍾意呢個人,
唔係自己嘅錯覺
![](https://lihkg.com/assets/faces/xm/oh.png)
呀成:「以前佢同邊啲男仔frd
![](https://lihkg.com/assets/faces/xm/wonder.png)
我:「其實唔多,
我淨係喺度口中聽過佢初戀男朋友一個人
![](https://lihkg.com/assets/faces/xm/donno.gif)
其他都冇喇
![](https://lihkg.com/assets/faces/xm/oh.png)
呀成:「咁係咪佢初戀男朋友
![](https://lihkg.com/assets/faces/xm/wonder.png)
我:「聽佢口氣就唔似
![](https://lihkg.com/assets/faces/xm/kill2.gif)
呀成:「唔止佢初戀男朋友嘅
![](https://lihkg.com/assets/faces/xm/angel.gif)
仲有一個
![](https://lihkg.com/assets/faces/xm/clown.png)
我:「邊個呀
![](https://lihkg.com/assets/faces/xm/wonder.png)
呀成:「咁你清楚啲.」
我:「我真係唔知你講邊個
![](https://lihkg.com/assets/faces/xm/tongue.png)
呀成:「行哥,
你幾時變到咁鈍兜
![](https://lihkg.com/assets/faces/xm/wonder.png)
我:「下
![](https://lihkg.com/assets/faces/xm/dead.gif)
呀成:「你自己諗下,
佢以前同邊個男仔行得最埋
![](https://lihkg.com/assets/faces/xm/dead.gif)
我:「喺學校咪我囉
![](https://lihkg.com/assets/faces/xm/dead.gif)
呀成:「咪就係囉死蠢
![](https://lihkg.com/assets/faces/xm/donno.gif)
根本佢講緊嘅就係你
![](https://lihkg.com/assets/faces/xm/bye.gif)
我:「會唔會呀
![](https://lihkg.com/assets/faces/xm/wonder.png)
我嗰陣成日都覺得佢對佢初戀男朋友餘情未了
![](https://lihkg.com/assets/faces/xm/frown.png)
呀成:「你覺得啫
![](https://lihkg.com/assets/faces/xm/dead.gif)
佢有冇親口講過
![](https://lihkg.com/assets/faces/xm/wonder.png)
我:「咁又好似冇
![](https://lihkg.com/assets/faces/xm/chicken.gif)
呀成:「咪係囉,
全世界都睇到,
係得你睇唔到
![](https://lihkg.com/assets/faces/xm/good.png)
唔好再浪費時間喇
![](https://lihkg.com/assets/faces/xm/angel.gif)
我:「你覺得佢真係鍾意我
![](https://lihkg.com/assets/faces/xm/wonder.png)
呀成:「老老實實我覺得係
![](https://lihkg.com/assets/faces/xm/clown2.gif)
咁就算唔係,
你同佢講都冇蝕底丫
![](https://lihkg.com/assets/faces/xm/angel.gif)
識你咁耐唔通唔知你有幾鍾意佢咩
![](https://lihkg.com/assets/faces/xm/dead.gif)
咁難得依家見返面,
再錯過就冇架喇
![](https://lihkg.com/assets/faces/xm/angel.gif)
我:「嗯,
你有你嘅道理
![](https://lihkg.com/assets/faces/xm/hoho.gif)
呀成:「講得耐左有啲眼瞓
![](https://lihkg.com/assets/faces/xm/clown.png)
都係唔打機喇
![](https://lihkg.com/assets/faces/xm/dead.gif)
聽晚先
![](https://lihkg.com/assets/faces/xm/ass.gif)
我:「頂你
![](https://lihkg.com/assets/faces/xm/kill.gif)
之後我自己喺度諗,
又係喎,
其實佢以前從來都冇講過,
佢仲係鍾意佢初戀男朋友
![](https://lihkg.com/assets/faces/xm/oh.png)
只係我一廂情願,
對自己冇信心
![](https://lihkg.com/assets/faces/xm/frown.png)
先至咁樣認為,
諗返起,
以前同佢行得最埋嘅男仔,
其實就係我,
點解我咁都唔知嘅
![](https://lihkg.com/assets/faces/xm/bouncy.gif)
真係好笑,
依家唔再係中學生,
冇咁多時間浪費,
已經唔容許我再淆底,
係我又好唔係我都好,
聽日我都想打俾佢
![](https://lihkg.com/assets/faces/xm/angel.gif)
咁難得見返佢,
真係唔想好似六年前咁樣,
白白浪費機會,
有啲野試過一次就夠.
之後去到第二朝
![](https://lihkg.com/assets/faces/xm/angel.gif)
好記得去到一點半嗰陣,
我就即刻打俾佢
![](https://lihkg.com/assets/faces/xm/angel.gif)
因為我覺得呢一刻,
打電話方便過whatsapp
![](https://lihkg.com/assets/faces/xm/clown2.gif)
好耐冇試過撳電話冧把會手震
![](https://lihkg.com/assets/faces/xm/bomb.gif)
之後終於接通,
喺度等緊佢聽嗰陣,
我係咁同自己講要放鬆,
千祈唔好心急
![](https://lihkg.com/assets/faces/xm/angel.gif)
唔等都等左六年,
依家只係一個電話,
完全唔需要心急
![](https://lihkg.com/assets/faces/xm/angel.gif)
之後佢終於聽,
若凝:「喂.」
我:「係我呀,呀行
![](https://lihkg.com/assets/faces/xm/angel.gif)
若凝:「我知呀做咩
![](https://lihkg.com/assets/faces/xm/wonder.png)
我:「點解你會知
![](https://lihkg.com/assets/faces/xm/wonder.png)
若凝:「你有喺班group嗰度講低你叫咩名,
有save到呀
![](https://lihkg.com/assets/faces/xm/angel.gif)
我:「竟然
![](https://lihkg.com/assets/faces/xm/oh.png)
若凝:「打嚟做咩呀
![](https://lihkg.com/assets/faces/xm/wonder.png)
我:「我終於知你尋晚講邊個
![](https://lihkg.com/assets/faces/xm/bomb.gif)
若凝:「咁係邊個丫
![](https://lihkg.com/assets/faces/xm/wonder.png)
答中有獎
![](https://lihkg.com/assets/faces/xm/devil.png)
我:「嗰個人,
喺你讀中六嗰陣成日同你一齊嘅,
中六嗰年平安夜仲一齊出去,
你嘅十八歲生日,
陪你去迪士尼,
買蛋糕俾你食,
又成日一齊食車仔麵,
去溫書,
但係去到中七,
嗰個人就同你分開左,
跟住仲要幾年冇見,
啱唔啱
![](https://lihkg.com/assets/faces/xm/wonder.png)
若凝:「即係邊個呀
![](https://lihkg.com/assets/faces/xm/wonder.png)
你唔講名我唔知喎.」
我:「呢個人傻仔嚟嘅,
好傻好傻嗰隻.」
若凝:「認同丫
![](https://lihkg.com/assets/faces/xm/angel.gif)
咁即係邊個
![](https://lihkg.com/assets/faces/xm/wonder.png)
我:「你明明知嘅,
仲喺度扮野
![](https://lihkg.com/assets/faces/xm/dead.gif)
若凝:「你唔講名我唔知喎
![](https://lihkg.com/assets/faces/xm/devil.png)
老老實實,
嗰陣我真係唔敢開自己名
![](https://lihkg.com/assets/faces/xm/chicken.gif)
我:「咁係咪佢
![](https://lihkg.com/assets/faces/xm/wonder.png)
若凝:「都唔知你講邊個
![](https://lihkg.com/assets/faces/xm/dead.gif)
死就死啦
![](https://lihkg.com/assets/faces/xm/z.gif)
我:「xx行(我全名),
啱唔啱
![](https://lihkg.com/assets/faces/xm/wonder.png)
之後靜左一陣
![](https://lihkg.com/assets/faces/xm/chicken.gif)
若凝:「你想我點答你
![](https://lihkg.com/assets/faces/xm/wonder.png)
我:「啱定係唔啱
![](https://lihkg.com/assets/faces/xm/wonder.png)
若凝:「同你玩個遊戲好冇
![](https://lihkg.com/assets/faces/xm/wonder.png)
我:「咩遊戲
![](https://lihkg.com/assets/faces/xm/wonder.png)
若凝:「去到禮拜日之前,
你整一樣我最鍾意嘅野俾我,
到時會答你
![](https://lihkg.com/assets/faces/xm/angel.gif)
我:「今日係禮拜日
![](https://lihkg.com/assets/faces/xm/dead.gif)
即係一個禮拜之後
![](https://lihkg.com/assets/faces/xm/wonder.png)
若凝:「係呀,
依家要你等返幾日好正常啫
![](https://lihkg.com/assets/faces/xm/devil.png)
反正我都等左咁多年.」
我:「即係整乜野
![](https://lihkg.com/assets/faces/xm/wonder.png)
若凝:「你知嘅,
頭先你有講過架,
對我嚟講好有紀念價值
![](https://lihkg.com/assets/faces/xm/angel.gif)
而且嗰樣野係要準備,
所以先俾一個禮拜你
![](https://lihkg.com/assets/faces/xm/angel.gif)
我:「有冇多啲貼士
![](https://lihkg.com/assets/faces/xm/wonder.png)
若凝:「你真係好蠢
![](https://lihkg.com/assets/faces/xm/angry.png)
可以擺得落口嘅,
明未呀
![](https://lihkg.com/assets/faces/xm/angry.png)
我:「咁我知喇.」
若凝:「但係一定要你自己整,
買唔算呀
![](https://lihkg.com/assets/faces/xm/angry.png)
我:「你等住禮拜日食啦
![](https://lihkg.com/assets/faces/xm/clown.png)