[真人真事][校園][純愛]《婚宴上的重遇》: 第十三章
嗰間車仔麵唔係用紙筆寫
而係就咁叫,
唔似依家咁樣
若凝:「牛腩魚蛋魚肉幼麵
」我:「蟹柳芝士腸幼麵
」若凝:「做乜抄我食幼麵呀
」我:「痴線你做咩抄我
」若凝:「好似係我嗌先架喎
」我:「食左十幾年都係食幼麵
」若凝:「得你係呀
我夠係咯
」我嗰下又梗係有暗自ff啦
諗埋嗰啲唔通我地真係咁夾嗰啲低b野呢
依家諗返起都會笑
點解嗰陣自己咁低能
我:「唔玩喇仲細咩
」若凝:「係囉其實真係好低能
」我:「低能你又玩
」若凝:「咁你又玩
」我:「你撩我先咪同你玩
」若凝:「係咩哈哈
」其實我好鍾意咁樣互相搶白
你窒下我,我窒下你,
呢個係我同若凝嘅相處方式
除非去到好認真嗰陣,
否則平時都係咁樣
依家諗返起其實覺得窩心
醫神都有講啦,
笑話情節,此刻變窩心故事
我:「唔玩喇,
究竟點解你會轉校過嚟
」若凝:「我地學校如果要原校上中六,
會考要好高分
好似係19定唔知20,
我咁啱得18
咁咪要走囉
」我:「你嗰間咩學校嚟架
18分都唔得
」若凝:「冇計啦,
差一分就係差一分
」我:「你又好樂觀喎
」若凝:「唔到我唔樂觀啦,
反正要走都係事實
況且,
去第二度讀咪當俾自己一個新生活囉
」唔知點解,
當若凝講最尾嗰句嗰陣,
我覺得係暗示啲野
不過講真,
依家同佢又唔係咁熟,
咁我就費事問啦
等我同佢遲啲更加熟嗰陣,
到時先再問
不過講真,
女仔煩嘅野咪又係錢同男仔
照計若凝仲係中學生,
應該同錢同冇關啦
咁樣九成九就係男仔,
咁都啱嘅,
若凝咁靚女,
身邊一定有好多狂蜂浪蝶
我就唔信讀左咁多年冇中學拍拖啦
我:「但係依家咁樣過嚟好咩
識左五年嘅同學無啦啦要分開.」
若凝:「我覺得如果真係好好朋友,
情如姊妹的話,
唔會因為咁樣而失聯絡嘅
有時朋友唔使多啦,
一兩個深交已經夠
況且原本嗰間學校其實好煩
成日鬥嚟鬥去,
如果你叻過佢就會單打你
低分過佢又會潤你
同埋好多男仔都好煩,
其實冇乜野值得留戀哈哈
」我:「你讀邊間呀
講到成個小型社會咁樣
不惜一切咁樣力爭上游.」
若凝:「咪隔離街嗰間囉.」
我:「勁喎,
嗰間band 1嚟架喎
」若凝:「其實上到中六,
Band幾又有乜所謂
同埋其實band 1啲老師唔係話真係師資好好
有幾個都只係每一堂派練習俾你做,
做到落堂,
唔係話真係好有心教你嗰種
考好A-Level,
最重要都係靠學生自己
」我:「估唔到你係咁喎
以為你會持住自己係band 1學生就喺度也文也武
」若凝:「你真係呢
成日都諗得人咁衰,
明明我就咁好人
」我:「你係好人呀
就唔會拉我做宣傳啦.」
若凝:「咁我唔識丫嘛
鬼叫你嗰陣笑得咁衰呀
」我:「唔識冇問題呀
你搵第二個啦,
嗰班男仔幾鬼踴躍
我淨係想懶啫
」若凝:「同你好傾啲丫嘛
同佢地都唔知啱唔啱傾嘅,
同埋一定要拉埋你落水
因為實在笑得太衰格
」我:「佢地一定會迎合你啦,
個個都出晒面冧你
完全唔使驚會唔啱傾
」等我乘機踩低嗰班狗公先
暗地出招
若凝:「如果要迎合嗰陣先啱傾,
咁就唔啱傾啦
以前試過好多架啦,
好多男仔都行過嚟撩我傾計
但係其實根本冇野講,
你執到啦
佢地想同我一組都唔得呀
」我:「咪搞
依家做左呢個乜q野宣傳,
一定大把野做
阻鬼住晒
」我把口雖然咁講,
但係其實好開心
得到自己女神嘅讚賞,
話唔開心嗰個就係呃你
我:「係喎,
咁點解你無啦啦做做下麥當勞唔做
」若凝:「有一日我病左,
我咪同你講去旅行嘅,
當我好返嗰陣就咁啱去旅行
去完返嚟,
渡假mode仲未熄
咁咪索性唔返囉哈哈
」我:「狗到你
佢地冇咋形咩
」若凝:「我話要考試溫書咪得囉
佢地又唔知我係考口試,
就算知,
唔通口試唔溫得呀
」我:「好野
咁都俾你諗得出
賤貨
」若凝:「係咁架啦
」我:「喂咁有冇手信呀
」若凝:「很想要吧
」若凝你講呢句即係想點
令人心邪
我:「ok啦你係咪有丫
」若凝:「冇喎
」我:「我都知你冇咁好人
」講真其實我知,
當日佢話幫我買手信其實都只係一般應酬啫
一早打好抵所以唔算好失落,
若凝:「要返去喇
」我:「好.」
之後我就同若凝一齊返去學校啦,
上埋下晝嗰啲堂
若凝真係好有魅力
一返到去就好多人俾野佢飲同埋零食
咁有時佢唔食嗰啲野,
唔使問就梗係歸我個肚
嗰班狗公唔知架
可能仲喺度蒙在鼓裏
我話知你丫
去到放學,
若凝問我好唔好一齊放學
反正大家住咁近,
基本上係同一條路,
去到其中一個分岔位
一個向左一個向右,
咁佢叫到我冇理由拒絕佢丫
所以就同佢走,
最慘我同佢臨走嗰陣,
俾同我玩開嗰班見到
即係呀成,丁仔,呀余嗰班
嗰班pk仲喺度起哄
搞到我成個關家姐咁樣
老尷到呢
若凝就扮冇野,
有冇尷尬就唔知啦
若凝:「你班朋友都幾搞笑
」我:「唔使理佢地丫,
傻仔嚟
」若凝:「你都唔係正常得去邊
尋日第一日返學就想呃我,
仲要呃唔到
」我:「唔使咁記仇呀
」若凝:「尋日嘅事好難唔記得喎
係喇,
你……係咪想要手信
」我:「你唔係話冇買咩
」若凝:「講笑咋
我梗係記得應承過你買啦
頭先同你講下笑咋嘛
」我:「咁點解你又唔俾我呢
」若凝:「點俾你啫
之後我試過去麥當勞搵你,
但都見你唔到.」
原來佢同我一樣,
大家都喺度搵緊大家
唔同嘅係,
佢係為左一個承諾
而我只係為左見佢
看似一樣但其實好唔同,
我:「你肯買我肯收
」若凝:「咁我聽日俾你啦,
我行呢邊呀拜拜
」我:「拜拜
」原來若凝冇忘記過,
佢竟然仲記得一個原本同佢係唔識嘅男仔嘅承諾
淨係呢份心意,
就已經夠我暗爽啦
唔可以否認,
關乎到承諾呢啲野,
後來嘅我發現到,
若凝真係比我上心好多
至少唔會講得出做唔到.